News
News
X

నిజామాబాద్‌ జిల్లా కాంగ్రెస్‌లో కనిపించని అభయ హస్తం- చేజారిపోతున్న ద్వితీయ శ్రేణి నాయకులు

కాంగ్రెస్‌లోని ద్వితీయ శ్రేణి లీడర్లను బీజేపీ, టీఆర్‌ఎస్‌ టార్గెట్ చేశాయి. సొంత పార్టీలో భరోసా ఇచ్చే హస్తం లేకపోవడంతో వాళ్లు కూడా తమ దారి తాము చూసుకుంటున్నారు.

FOLLOW US: 

నిజామాబాద్ జిల్లా ఒకప్పుడు కాంగ్రెస్ పార్టీకి కంచుకోట. హస్తం పార్టీకి బలమైన క్యాడర్, లీడర్లు ఉన్న పార్టీ. ఉమ్మడి జిల్లాలో 9 నియోజకవర్గాలకు తొమ్మిదింటిని కాంగ్రెస్ ఖాతాలో వేసుకున్న చరిత్ర. ఒకప్పుడు ఇందూరు జిల్లాలో తిరుగులేని పార్టీగా హస్తం హవా కొనసాగింది. కేంద్ర, రాష్ట్ర స్థాయిలో చక్రం తిప్పిన నేతలు జిల్లా కాంగ్రెస్ పార్టీలో ఉండేవారు. ఇప్పటికీ బలమైన క్యాడర్ ఉన్న పార్టీ కాంగ్రెస్. బలమైన ఓటు బ్యాంకు ఉన్న కాంగ్రెస్ పార్టీ జిల్లాలో మారిన రాజకీయ పరిస్థితులు, జిల్లాలోని కీలక నేతలు టీఆర్ఎస్, బీజేపీ వైపు వెళ్లటం... క్యాడర్ ను పట్టించుకునే లీడర్ కరవవ్వటంతో ప్రస్తుతం జిల్లాలో పార్టీ డీలా పడింది. రేవంత్ రెడ్డి పీసీసీ అయ్యాక జిల్లా కాంగ్రెస్ లో జోష్ పెరిగింది. అయితే కాంగ్రెస్ పార్టీ నుంచే ఇటు బీజేపీ, ఆటు టీఆర్ఎస్ పార్టీలకు వెళ్తున్నారు. వాటిని చెక్ పెట్టడంలో జిల్లా నేతలు విఫలమవుతున్నట్లు తెలుస్తోంది. 

డీఎస్ లాంటి అపార అనుభవం ఉన్న నాయకులు సైతం కారెక్కారు. బలమైన నేత పార్టీ మారటంతో జిల్లాలో కాంగ్రెస్ పార్టీకి పెద్ద దిక్కు లేకుండా పోయింది. జిల్లాలో స్థానిక సంస్థల ఎన్నికల్లో కాంగ్రెస్ పార్టీ నుంచి గెలిచిన చాలా మంది నాయకులు టీఆర్ఎస్ వైపు వెళ్లారు. కాంగ్రెస్ పార్టీని పూర్తిగా నిర్వీర్యం చేసే పనిలో పడ్డాయ్ కమలం, గులాబీ పార్టీలు. ప్రస్తుతం నిజామాబాద్ రూరల్ నియోజకవర్గానికి చెందిన కాంగ్రెస్ నాయకుడు డాక్టర్ భూపతి రెడ్డిని బీజేపీ పార్టీలో చేర్చుకునేందుకు పావులు కదుపుతున్నట్లు పుకార్లు షికార్లు చేస్తున్నాయ్. ఆర్మూర్ నియోజవకర్గంలో కాంగ్రెస్ పార్టీ క్యాడర్ చాలా వరకు బీజేపీ, టీఅర్ఎస్ పార్టీల్లోకి వెళ్లిపోయారు. మాజీ మున్సిపల్ చైర్మన్ సహా కౌన్సిలర్లు ఇలా హస్తం పార్టీ నుంచి గెలిచిన చాలా మంది నాయకులు గులాబీ కండువా కప్పుకున్నారు. నిజామాబాద్ జిల్లా మాజీ జడ్పీ చైర్మన్ వెంకటరమణ రెడ్డి కాంగ్రెస్ లో యాక్టివ్ లీడర్ గా పనిచేశారు. ఆయన బీజేపీ పార్టీలోకి చేరిపోయారు. 

ఎల్లారెడ్డి నియోజకవర్గంలో గత ఎన్నికల్లో కాంగ్రెస్ నుంచి గెలిచిన జాజుల సురేంధర్ టీఆర్ఎస్ కండువా కప్పుకున్నారు. ఎల్లారెడ్డిలో కాంగ్రెస్ పార్టీకి బలమైన ఓటు బ్యాంక్ ఉంది. ఆ నియోజకవర్గం కాంగ్రెస్ పార్టీకి కంచుకోట లాంటింది. ఆర్మూర్ నియోజకవర్గంలో గత ఎన్నికల్లో కాంగ్రెస్ నుంచి ఎమ్మెల్యేగా పోటీ చేసిన ఆకుల లలిత చివరి క్షణంలో టీఅర్ఎస్ కు మద్దతు ఇచ్చారు. అయినా అమెకు 40 వేల పైచీలుకు ఓట్లు వచ్చాయ్. అక్కడా కాంగ్రెస్ పార్టీకి బలమైన క్యాడర్ ఉండింది. ప్రస్తుత రాజ్యసభ సభ్యుడు సీనియర్ పోలిటీషియన్ సురేష్ రెడ్డి సైతం కాంగ్రెస్ నుంచి కారెక్కిన వారే. 

ఇటీవల బీజేపీలోకి చేరిన బోధన్ నియోజకవర్గ నాయకుడు మోహన్ రెడ్డి సైతం ఒకప్పటి కాంగ్రెస్ లీడర్. కామారెడ్డి జిల్లా బీజేపీ అధ్యక్షురాలిగా ఉన్న అరుణ తార సైతం కాంగ్రెస్ నుంచి బీజేపీలోకి వచ్చిన నాయకురాలు. ఇలా చాలా మంది కాంగ్రెస్ పార్టీకి చెందిన నాయకులను బీజేపీ, టీఆర్ఎస్ రెండు పార్టీలు టార్గెట్ చేసి కండువాలు కప్పేస్తున్నాయ్. ప్రస్తుతం ఉన్న వారిని సైతం కాపాడుకోలేని పరిస్థితిలో ఉన్నారు జిల్లా కాంగ్రెస్ నాయకులు. 

పార్టీని వీడిన వారిని తిరిగి చేర్చుకునే ప్రయత్నాలు కూడా చేయలేకపోవటంతో కాంగ్రెస్ అభిమానులు ఒకింత దిగాలు పడుతున్నట్లు తెలుస్తోంది. కాంగ్రెస్ పార్టీకి జిల్లాలో పునరుజ్జీవనం పోయాలంటే... ఇప్పుడున్న సీనియర్ నాయకులు పార్టీని విడిచిపెట్టిన వెళ్లినవారికి భరోసా కల్పించాల్సిన అవసరం ఎంతైనా ఉందంటున్నారు. ఒకప్పుడు ఉమ్మడి జిల్లాలో వెలుగు వెలిగిన కాంగ్రెస్ పార్టీ పరిస్థితి ప్రస్తుతం దీనస్థితికి చేరుకుందంటున్నారు క్యాడర్. జిల్లా నుంచి పీసీసీలో కీలక బాధ్యతలు పోషిస్తున్న ముగ్గురు సీనియర్ నాయకులు పార్టీ బలోపేతంపై దృష్టి పెట్టాల్సిన అవసరం ఎంతైనా ఉందంటున్నారు. కాంగ్రెస్ పార్టీలో ఉన్న లీడర్ల మధ్య సరైన సఖ్యత లేకపోవటంతోనే చాలా మంది పార్టీని వీడుతున్నారన్న ఆరోపణలు వస్తున్నాయ్. 

ఓవైపు సర్వేల్లో అధికార పార్టీకి చెందిన చాలా మంది ఎమ్మెల్యేల పనితీరుపై వస్తున్న ఫలితాలను చూసైనా కాంగ్రెస్ అధిష్టానం అలెర్ట్ కాకపోవటంపై క్యాడర్ గుర్రుగా ఉంటోందట. రేవంత్ రెడ్డి పీసీసీగా బాధ్యతలు చేపట్టిన తొలి రోజుల్లో చాలా కాలం పాటు పార్టీకి దూరంగా ఉన్న క్యాడర్ తిరిగి పార్టీ కార్యక్రమాల్లో పాల్గొన్నారు. రచ్చ బండ కార్యక్రమాన్ని సక్సెస్ చేశారు. అయితే ప్రస్తుతం మాత్రం బీజేపీ, టీఆర్ఎస్ మరింత బలపడటానికి కాంగ్రెస్ లోని సెకండ్ క్యాడర్ నాయకులపై కన్నేస్తున్నాయ్. సాధ్యమైనంత వరకు హస్తం పార్టీ నేతలను చేర్చుకునేందుకు స్కెచ్ లేస్తున్నాయ్.

డీఎస్ లాంటి సీనియర్ నాయకులు తిరిగి కాంగ్రెస్ పార్టీలోకి వస్తామంటే జిల్లాకు చెందిన కొందరు నాయకులు అడ్డుకోవటం, మరోవైపు మాజీ మేయర్ సంజయ్ సైతం కాంగ్రెస్ పార్టీలోకి చేరుతానంటే అడ్డుకోవటం వంటి అంశాల వల్ల జిల్లా కాంగ్రెస్ నాయకత్వంపై క్యాడర్ అసంతృప్తిగా ఉన్నట్లు తెలుస్తోంది. 

Published at : 20 Sep 2022 06:45 PM (IST) Tags: BJP Congress Leader Nizamabad Latest News Nizamabad Updates TRS Nizamabad News NIzamabad

సంబంధిత కథనాలు

Hyderabad News: హైదరాబాద్ లో ఉగ్రకుట్న భగ్నం, ముగ్గుర్ని అరెస్ట్ చేసిన సిట్ పోలీసులు

Hyderabad News: హైదరాబాద్ లో ఉగ్రకుట్న భగ్నం, ముగ్గుర్ని అరెస్ట్ చేసిన సిట్ పోలీసులు

Narnur Panchayat: గాంధీ మార్గంలో ఆదిలాబాద్ జిల్లాలోని నార్నూర్‌ పంచాయతీ!

Narnur Panchayat: గాంధీ మార్గంలో ఆదిలాబాద్ జిల్లాలోని నార్నూర్‌ పంచాయతీ!

Minister Indrakaran Reddy: బాసరలో మంత్రి ఇంద్రకరణ్ రెడ్డి, అమ్మవారికి ప్రత్యేక పూజలు

Minister Indrakaran Reddy: బాసరలో మంత్రి ఇంద్రకరణ్ రెడ్డి, అమ్మవారికి ప్రత్యేక పూజలు

Rains In AP Telangana: రెయిన్ అలర్ట్ - నేడు ఆ జిల్లాల్లో మోస్తరు నుంచి భారీ వర్షాలు, పిడుగుల వార్నింగ్

Rains In AP Telangana: రెయిన్ అలర్ట్ - నేడు ఆ జిల్లాల్లో మోస్తరు నుంచి భారీ వర్షాలు, పిడుగుల వార్నింగ్

Nizamabad News: ఆ ఊరిలో తొలి మొక్కులు గాంధీజీకే- అనాధిగా వస్తున్న ఆచారం

Nizamabad News: ఆ ఊరిలో తొలి మొక్కులు గాంధీజీకే- అనాధిగా వస్తున్న ఆచారం

టాప్ స్టోరీస్

CM Jagan : సీఎం జగన్ ఉదారత, చిన్నారి వైద్యానికి కోటి రూపాయలు మంజూరు

CM Jagan : సీఎం జగన్  ఉదారత, చిన్నారి వైద్యానికి కోటి రూపాయలు మంజూరు

Adipurush Teaser: 'న్యాయం చేతుల్లోనే అన్యాయానికి సర్వనాశనం' - 'ఆదిపురుష్' టీజర్!

Adipurush Teaser: 'న్యాయం చేతుల్లోనే అన్యాయానికి సర్వనాశనం' - 'ఆదిపురుష్' టీజర్!

Bigg Boss 6 Telugu: ఆరోహి ఎలిమినేషన్, వెక్కి వెక్కి ఏడ్చేసిన సూర్య - ఆదివారం ఎపిసోడ్ హైలైట్స్!

Bigg Boss 6 Telugu: ఆరోహి ఎలిమినేషన్, వెక్కి వెక్కి ఏడ్చేసిన సూర్య - ఆదివారం ఎపిసోడ్ హైలైట్స్!

మిల్లర్ కిల్లర్ ఇన్నింగ్స్ సరిపోలేదు - మ్యాచ్, సిరీస్ రెండూ మనవే!

మిల్లర్ కిల్లర్ ఇన్నింగ్స్ సరిపోలేదు - మ్యాచ్, సిరీస్ రెండూ మనవే!