News
News
X

TSRTC ప్రయాణికులకు గుడ్‌న్యూస్ - టోల్ ప్లాజా వద్ద తెలంగాణ ఆర్టీసికి ప్రత్యేక లైన్, ఆరుగురు సిబ్బందితో పర్యవేక్షణ

గతంలో ఎన్నడూ లేని విధంగా ఈ సంక్రాంతికి బంపర్ ఆఫర్లు, రాయితీలు ఇవ్వడంతోపాటు ప్రయాణికులను వేగంగా గమ్యానికి చేర్చేందుకు సరికొత్త ఐడియాతో రేపటి నుంచి (మంగళవారం నుంచి) టోల్ ప్లాజా వద్ద రంగంలోకి దిగనుంది.

FOLLOW US: 
Share:

వినూత్న నిర్ణయాలు, వేగంగా పరుగులు.. ఇలా రోజురోజుకూ అభివృద్దివైపు తెలంగాణ రాష్ట్ర రోడ్డు రవాణా సంస్థ దూసుకుపోతోంది. గతంలో చేసిన తప్పిదాలు, అవి తెచ్చిన అప్పులు ఇలా అప్పుల ఊబినుండి గట్టెక్కి, సాధ్యమైనంత త్వరగా పునర్వైభవం తెచ్చేందుకు ఆర్టీసి అధికారులు సరికొత్త పంథాలో ముందుకు సాగుతున్నారు. ఇటీవల ఒకేసారి వెయ్యి బస్సుల కొనుగోలుకు రంగం సిద్ధం చేయడంతో పాటు కొత్త టెక్నాలజీతో సూపర్ లగ్జరీ, స్లీపర్ బస్సులను రోడ్లెక్కించి ప్రయాణికులను ఆకట్టుకునే ప్రయత్నం చేసిన తెలంగాణ ఆర్టీసి. తాజాగా గతంలో ఎన్నడూ లేని విధంగా ఈ సంక్రాంతికి బంపర్ ఆఫర్లు, రాయితీలు ఇవ్వడంతోపాటు ప్రయాణికులను వేగంగా గమ్యానికి చేర్చేందుకు సరికొత్త ఐడియాతో రేపటి నుంచి (మంగళవారం నుంచి) టోల్ ప్లాజా వద్ద రంగంలోకి దిగనుంది.

సంక్రాంతి పండుగ సెలవులు మొదలైన రోజు నుంచి హైదరాబాద్ నుంచి తెలుగు రాష్ట్రాలలో వివిధ ప్రాంతాలకు వెళ్లే ప్రయాణికులతో రోడ్లుపై బస్సులు బారులు తీరుతాయి. ఇక ప్రైవేటు ట్రావెల్స్ బస్సులైతే చెప్పనక్కర్లేదు. ఓవైపు ఆర్టీసి, మరోవైపు పోటీగా ప్రైవేటు ట్రావెల్స్ ఇలా గమ్యస్దానాలు చేరేవరకూ రోడ్లపై పూర్తిగా ట్రాఫిక్ జామ్.. ఒక్కోసారి బస్సులు టోల్ ప్లాజా దాటాలంటే రెండు మూడు గంటలు ఇక్కడే అయిపోతుందా అనిపిస్తుంది. ఇకపై ఈ పరిస్దితికి చెక్ పెట్టేందుకు తెలంగాణా ఆర్టీసి వినూత్నంగా ఆలోచించింది. 
సంక్రాంతి పండుగకు సొంతూళ్లకు వెళ్లే ప్రజలను వీలైనంత త్వరగా గమ్యస్థానాలకు చేర్చేందుకు చర్యలు చేపట్టింది. టోల్‌ప్లాజాల వద్ద సులువుగా ఆర్టీసీ బస్సులు వెళ్లేలా ముందు జాగ్రత్త చర్యలు తీసుకుంటోంది. అందులో భాగంగా ప్రధాన మార్గాల్లోని  టోల్‌ ప్లాజాల వద్ద టీఎస్‌ఆర్టీసీ బస్సులకు ప్రత్యేక లేన్‌లను కేటాయించాలని కోరుతూ నేషనల్‌ హైవేస్‌ అథారిటీ ఆఫ్‌ ఇండియా(ఎన్‌.హెచ్‌.ఎ.ఐ), తెలంగాణ ఆర్‌ అండ్‌ బీ విభాగాలకు లేఖలు రాసింది. ఇదే అంశంపై టోల్‌ ప్లాజా నిర్వాహకులనూ సంప్రదించింది. తమ సంస్థ బస్సులకు ప్రత్యేక లేన్‌ను కేటాయించాలని కోరింది. ఆర్టీసి అభ్యర్దననకు ఆయా విభాగాల నుండి గ్రీన్ సిగ్నల్ ఇవ్వడంతో జనవరి 10వ తేదీ నుంచి ఈ 14 తేదీ  వరకు టీఎస్‌ఆర్టీసీ బస్సులకు టోల్ ప్లాజా వద్ద  ప్రత్యేక లేన్‌ను కేటాయిస్తామని సమాచారం అందింది. 

ఇప్పటికే టోల్‌ ప్లాజాల వద్ద టీఎస్‌ ఆర్టీసీ అన్ని ఏర్పాట్లు చేసింది. రద్దీ ఎక్కువగా ఉండే హైదరాబాద్‌ - విజయవాడ మార్గంలోని పతంగి, కోర్లపహాడ్‌, హైదరాబాద్‌-వరంగల్‌ మార్గంలోని గూడురు, హైదరాబాద్‌-సిద్దిపేట మార్గంలోని దుద్దేడ, హైదరాబాద్‌-నిజామాబాద్‌ మార్గంలోని మనోహరబాద్‌, హైదరాబాద్‌-కర్నూలు మార్గంలోని రాయికల్‌ టోల్‌ ప్లాజాల వద్ద ఎలాంటి ఇబ్బందులు తలెత్తకుండా చర్యలు తీసుకుంటోంది. ఆయా టోల్‌ ప్లాజాల వద్ద ఆరుగురు ఆర్టీసీ సిబ్బంది మూడు షిప్ట్‌ల్లో 24 గంటలపాటు విధులు నిర్వహించేందుకు ఇప్పటికే ఉద్యోగులకు ఆదేశాలు జారీచేశారు ఆర్టీసి అధికారులు. ఆర్టీసీ బస్సులు ఇబ్బందుల్లేకుండా ప్రత్యేక లేన్‌ నుండి బయటకు వెళ్లేందుకు స్థానిక పోలీసుల సహకారం కూడా టీఎస్‌ఆర్టీసీ తీసుకోబోతోంది. 

సంక్రాంతి పండుగకు ప్రత్యేక బస్సుల ఏర్పాటు నేపథ్యంలో హైదరాబాద్‌లోని బస్‌ భవన్‌, ఎంజీబీఎస్‌లో కమాండ్‌ కంట్రోల్‌ సెంటర్లను టీఎస్‌ఆర్టీసీ ఏర్పాటు చేసింది. వాటి ద్వారా రద్దీ సమయాల్లో టోల్‌ ప్లాజాల వద్ద పరిస్థితిని ఎప్పటికప్పుడు ఆర్టీసీ ఉన్నతాధికారులు పర్యవేక్షించనున్నారు. ఎక్కడైనా ఇబ్బందులు తలెత్తితే వెంటనే చర్యలు తీసుకునేందుకు సర్వం సిద్దం చేశారు. ఈ సంక్రాంతికి ప్రయాణికులను సురక్షితంగా గమ్యస్థానాలకు చేర్చేందుకు అన్ని ఏర్పాట్లు చేసింది టిఎస్ ఆర్టీసి 4,233 ప్రత్యేక బస్సులను మంగళవారం నుంచి 14వ తేది వరకు నడుపుతున్నారు. ఈ వినూత్న నిర్ణయం ఆర్టీసికి ఈ సంక్రాంతికి లాభాల పంట పండించేలా కనిపిస్తోంది. ప్రైవేట్‌ బస్సులో వెళ్లి టోల్‌ ప్లాజాల వద్ద ఇబ్బందులు పడే కన్నా.. టీఎస్‌ఆర్టీసీ బస్సులో ప్రయాణించి వేగంగా గమ్యస్థానాలకు చేరుకోవాలని ప్రయాణికులను కోరుతోంది.

Published at : 09 Jan 2023 07:39 PM (IST) Tags: TS RTC RTC buses Telangana TSRTC Toll Plaza

సంబంధిత కథనాలు

BRS Meeting: మహారాష్ట్రలోని నాందేడ్ లో బీఆర్ఎస్ సభకు నేతలు ఏర్పాట్లు, భారీగా చేరికలపై ఫోకస్

BRS Meeting: మహారాష్ట్రలోని నాందేడ్ లో బీఆర్ఎస్ సభకు నేతలు ఏర్పాట్లు, భారీగా చేరికలపై ఫోకస్

Chakirevu Village : అన్ స్టాపబుల్ షోలో చాకిరేవు గ్రామం ప్రస్తావన, ఆహా సాయంతో విద్యుత్ వెలుగులు

Chakirevu Village : అన్ స్టాపబుల్ షోలో చాకిరేవు గ్రామం ప్రస్తావన, ఆహా సాయంతో విద్యుత్ వెలుగులు

CM KCR: గోండి భాష అభివృద్ధికి ప్రత్యేక బోర్డ్ ఏర్పాటు చేయండి: సీఎం కేసీఆర్ ను కోరిన ఆదివాసీలు

CM KCR: గోండి భాష అభివృద్ధికి ప్రత్యేక బోర్డ్ ఏర్పాటు చేయండి: సీఎం కేసీఆర్ ను కోరిన ఆదివాసీలు

వర్ధన్నపేటలో వైఎస్ షర్మిల ఫ్లెక్సీలు చింపేసిన బీఆర్ఎస్ కార్యకర్తలు

వర్ధన్నపేటలో వైఎస్ షర్మిల ఫ్లెక్సీలు చింపేసిన బీఆర్ఎస్ కార్యకర్తలు

Telangana Budget 2023: అభివృద్ధిలో దేశానికే ఆదర్శం నా తెలంగాణ- బడ్జెట్ ప్రసంగంలో గవర్నర్‌ తమిళిసై

Telangana Budget 2023: అభివృద్ధిలో దేశానికే ఆదర్శం నా తెలంగాణ- బడ్జెట్ ప్రసంగంలో గవర్నర్‌ తమిళిసై

టాప్ స్టోరీస్

Twitter Ad Revenue Share: ట్విట్టర్ ద్వారా సంపాదన కూడా - కానీ అది మాత్రం కంపల్సరీ!

Twitter Ad Revenue Share: ట్విట్టర్ ద్వారా సంపాదన కూడా - కానీ అది మాత్రం కంపల్సరీ!

MLAs Poaching Case : ఎమ్మెల్యేలకు ఎర కేసు సీబీఐకా ? సిట్ కా ? సోమవారం తీర్పు చెప్పనున్న హైకోర్టు !

MLAs Poaching Case : ఎమ్మెల్యేలకు ఎర కేసు సీబీఐకా ? సిట్ కా ? సోమవారం తీర్పు చెప్పనున్న హైకోర్టు !

Amigos Trailer : ముగ్గురిలో ఒకడు రాక్షసుడు అయితే - కళ్యాణ్ రామ్ 'అమిగోస్' ట్రైలర్ వచ్చేసిందోచ్

Amigos Trailer : ముగ్గురిలో ఒకడు రాక్షసుడు అయితే - కళ్యాణ్ రామ్ 'అమిగోస్' ట్రైలర్ వచ్చేసిందోచ్

TSPSC Group 4: 'గ్రూప్‌-4' ఉద్యోగాలకు 9.5 లక్షల దరఖాస్తులు, జులై 1న రాతపరీక్ష!

TSPSC Group 4: 'గ్రూప్‌-4' ఉద్యోగాలకు 9.5 లక్షల దరఖాస్తులు, జులై 1న రాతపరీక్ష!