నిజామాబాద్‌లో వైద్య విద్యార్థి ఆత్మహత్య- మృతిపై ఫ్యామిలీ అనుమానం!
నిజామాబాద్‌లో వైద్య విద్యార్థి ఆత్మహత్య చేసుకున్నాడు. పరీక్ష రాయడానికి వెళ్లకుండా హాస్టల్‌లోనే ఉంటూ సూసైడ్ చేసుకున్నాడు. దీనిపై ఫ్యామిలీ అనుమానం వ్యక్తం చేస్తోంది.
తోటి విద్యార్థి వేధింపుల కారణంగా ఆత్మహత్యాయత్నం చేసిన వరంగల్‌ వైద్య విద్యార్థి ప్రీతి ఘటనపై దుమారం రేగుతున్న టైంలోనే మరో వైద్య విద్యార్థి ఆత్మహత్య చేసుకున్నాడు. నిజామాబాద్‌లో ఎంబీబీఎస్ చదువుతున్న హర్ష అనే మెడికో సూసైడ్ చేసుకోవడం కలకలం రేగింది.
ఆదిలాబాద్ జిల్లా జన్నారం మండలం చింతగూడకు చెందిన దాసరి హర్ష నిజామాబాద్‌లో వైద్యవిద్యను అభ్యసిస్తున్నాడు. తన హాస్టల్ గదిలోనే ఈ ఉదయం సూసైడ్ చేసుకోవడం సంచలనంగా మారింది. సమాచారం అందుకున్న పోలీసులు ఘటనగా స్థలానికి చేరుకొని హర్ష మృతిపై దర్యాప్తు చేస్తున్నారు.
మారుమూల ప్రాంతంలో పుట్టి పెరిగిన వైద్య విద్యను అభ్యసిస్తున్న హర్ష మరణం ఆ ఫ్యామిలీలోనే కాకుండా గ్రామంలోనే విషదాన్ని నింపింది. శుక్రవారం ఓ పరీక్ష రాయాల్సిన హర్ష ఆ పరీక్షలు వెళ్లకుండా హాస్టల్‌లోనే ఉండిపోయారు. ఎందుకు పరీక్షలు రాలేదని అనుమానం వచ్చిన తోటి స్నేహితులు హాస్టల్‌కు వెళ్లి చూస్తే విగతజీవిగా పడి ఉన్నాడు. వెంటనే పోలీసులకు ఫిర్యాదు చేశారు.
హర్ష మృతిపై బంధువులు, కుటుంబ సభ్యులు అనుమానం వ్యక్తం చేస్తున్నారు. బాగా చదువుతాడని... ఆత్మహత్య చేసుకునే పిరికివాడు కాదని అంటున్నారు. హర్ష మృతిపై విచారణ జరిపించాలని డిమాండ్ చేస్తున్నారు.
టాప్ హెడ్ లైన్స్
ట్రెండింగ్ వార్తలు
