Kavitha Phones : ఫోన్లు చూపించి ఫూల్ చేయాలనుకుంటున్నారా? ఎమ్మెల్సీ కవితపై బీజేపీ నేతల విమర్శలు !

కవిత ప్రదర్శించిన ఫోన్ల ఐఎంఈఐ నెంబర్లను పరిశోధించి బీజేపీ నేతలు విమర్శలు గుప్పిస్తున్నారు. లిక్కర్ పాలసీని రద్దు చేసిన తర్వాత కొన్న ఫోన్లను కూడా ఇచ్చారంటున్నారు.

కవిత ప్రదర్శించిన ఫోన్లు కొత్తవంటున్న బీజేపీ

 

Kavitha Phones :   ప్రస్తుతం జాతీయ రాజకీయాల్లో ఎమ్మెల్సీ కవిత ఈడీ విచారణ హాట్ టాపిక్‌గా మారింది. మూడో సారి ఈడీ ఎదుట విచారణకు హాజరయ్యే సందర్భంలో ఈడీ అధికారులు తాను ధ్వంసం చేసినట్లుగా ప్రచారం చేసిన పది ఫోన్లను రెండు కవర్లలో మీడియాకు చూపించారు. వాటిని ధ్వంసం చేయలేదని..  తన ప్రైవేసీకి భంగమే అయినా ఈడీకీ ఫోన్లు సమర్పిస్తున్నానని ప్రకటించారు. అయితే ఇలా  ఫోన్లను ప్రదర్శించగానే బీజేపీ నేతలు రంగంలోకి దిగిపోయారు. వీడియోలను ఫోటోలను జూమ్ చేసుకుని వాటి ఐఎంఈఐ నెంబర్లను చెక్ చేసి.. వివరాలు పోస్ట్ చేసి కొత్త ఆరోపణలు చేస్తున్నరు. 

MLC Kavitha told @dir_ed that She didnt Destroyed Mobile Phones during #DelhiLiquorScam. But the Mobile she produced to ED was Purchased in October 2022. And shocking fact is that New Delhi Liquor Policy was Scrapped in July 2022. pic.twitter.com/5ueNkra1cu

— Mudit Jain (@Mudiiittt) March 21, 2023

కవిత మీడియాకు ప్రదర్శించిన ఓ ఫోన్‌ ఐఎంఈఐను బీజేపీ నేతలు, కార్యకర్తలు ఫోటోలను జూమ్ చేయడం ద్వారా సేకరించారు. ఓ ఫోన్ ఐ ఫోన్ ప్రో ఐఎంఈఐ నెంబర్ అని గుర్తించారు. అసలు ఈ ఫోన్  లాంచ్ అయింది గత ఏడాది సెప్టెంబర్‌లో అని..  కొన్నది అక్టోబర్‌లో అని.. ఈ ఫోన్ ను ఎవిడెన్స్ గా ఎలా ఇస్తున్నారని ప్రశ్నిస్తున్నారు. అసలు లిక్కర్ పాలసీని ఆరోపణలు వచ్చిన తర్వాత జూలైలోనే ఢిల్లీ ప్రభుత్వం స్క్రాప్ చేసిందని .. ఆ తర్వాత కొన్న ఫోన్లను ఈడీకి సాక్ష్యాలుగా ఎలా ఇస్తారని ప్రశ్నిస్తున్నారు.                                

మరో వైపు లిక్కర్ స్కాంపై ఎగ్రెసివ్‌గా స్పందిస్తున్న  తెలుగు రాష్ట్రాల బీజేపీ నేత, కేంద్ర ప్రభుత్వం ఆధ్వర్యంలోని నెహ్రూ యువ కేంద్ర వైస్ చైర్మన్ విష్ణువర్ధన్ రెడ్డి కూడా ఈ అంశంపై స్పందించారు. కవిత ఎవరిని ఫూల్ చేయాలనుకుంటున్నారని సోషల్ మీడియాలో ప్రశ్నించారు.  

What a fraud MLC & daughter of KCR Garu, @RaoKavitha is!

Flashing the mobile phones sought by ED for the investigation into liquor policy scam, but this phone was launched in Sept'22 while the policy got scrapped in Jul'22..

Whom she's trying to fool? pic.twitter.com/vLAclOQKvS

— Vishnu Vardhan Reddy (@SVishnuReddy) March 21, 2023

మరో వైపు జాతీయ స్థాయిలో బీజేపీ నేతలు.. సోషల్ మీడియా కార్యకర్తలు కూడా అసలు కవిత స్వల్ప కాలంలో అన్ని ఫోన్లను మార్చడంపై సందేహాలు వ్యక్తం చేస్తున్నారు. ప్రస్తుతం ఈడీకి తను ధ్వంసం చేశారని ప్రచారం చేసిన ఫోన్లన్నింటినీ కవిత అంద చేశారు. వాటిపై ఈడీ అధికారులు ప్రశ్నిస్తున్నారు.