Hyderabad Uber Mom: ముగ్గురు పిల్లల కోసం ముందు సీటులో పోరాటం - హైదరాబాద్ మహిళా డ్రైవర్ స్ఫూర్తిదాయక గాథ
Hyderabad Single mom: హైదరాబాద్కు చెందిన సురేష్ కొచ్చాటిల్ అనే వ్యక్తి ఒక సాధారణ క్యాబ్ ప్రయాణంలో ఎదురైన స్ఫూర్తిదాయక అనుభవాన్ని సోషల్ మీడియాలో పంచుకోగా, అది ఇప్పుడు వేలమందిని కదిలిస్తోంది.
Single mom with 3 kids driving Uber in Hyderabad: మహిళా సాధికారత అంటే పెద్ద పెద్ద ప్రసంగాల్లోనో, సోషల్ మీడియా పోస్టుల్లోనో ఉండేది కాదు.. అది నిత్య జీవితంలో ఎదురయ్యే పోరాటమని నిరూపించింది నందిని అనే మహిళ. బడ్జెట్ చర్చల కోసం ఒక టీవీ స్టూడియో నుంచి మరో స్టూడియోకి వెళ్తున్న సురేష్ కొచ్చాటిల్ అనే జర్నలిస్ట్ ఒక ఉబెర్ క్యాబ్ బుక్ చేసుకున్నారు. రెండు క్యాబ్లు క్యాన్సిల్ అయ్యాక మూడో డ్రైవర్గా నందిని అనే పేరు కనిపించడంతో ఆయన ఆశ్చర్యపోయారు. కారు రాగానే స్టీరింగ్ పట్టుకుని ఆత్మవిశ్వాసంతో కూర్చున్న ఒక మహిళను చూసి ఆయన ఆమె స్ఫూర్తి గాధను తెలుసుకోవాలనుకున్నారు.
ప్రయాణంలో ఆమె తన గురించి చెబుతున్న విషయాలు సురేష్ను విస్మయానికి గురిచేశాయి. విజయవాడకు చెందిన నందిని ఒక సింగిల్ మదర్. ముగ్గురు పిల్లలను పోషించుకుంటూ, వారిని ఉన్నత చదువులు చదివించడమే లక్ష్యంగా గత ఏడాది కాలంగా హైదరాబాద్లో ఫుల్ టైమ్ ఉబెర్ డ్రైవర్గా పని చేస్తున్నారు. భర్త తోడు లేకపోయినా, ఎలాంటి కష్టనష్టాలు ఎదురైనా వెనకడుగు వేయకుండా, పిల్లల భవిష్యత్తు కోసం ఆమె చేస్తున్న ఈ స్టీరింగ్ పోరాటాన్ని సురేష్ సోషల్ మీడియాలో పంచుకున్నారు.
ఈ సంఘటనను సురేష్ తన ఎక్స్ ఖాతాలో ఫోటోతో సహా షేర్ చేయగా.. అది వైరల్గా మారింది. నిజమైన మహిళా సాధికారతకు నందిని ఒక నిదర్శనం.. సమస్యలను ఎదురించి శ్రమించే తత్వం ఆమెను హీరోగా నిలబెట్టింది అని ఆయన కొనియాడుతురు. వేలమంది నెటిజన్లు ఆమె ధైర్యాన్ని చూసి ఐరన్ లేడీ అంటూ కామెంట్స్ చేస్తున్నారు. మన చుట్టూ ఉన్న సామాన్యుల్లోనే అసాధారణమైన స్ఫూర్తి కథలు ఉంటాయని ఈ ఘటన మరోసారి నిరూపించింది.
Today, I was using cabs to travel from one studio to another for the Union Budget debates. When I booked a @Uber_India cab from Nationalist Hub to 99TV in Hyderabad and two of the drivers cancelled after accepting the booking. @Uber automatically assigned a third driver and I… pic.twitter.com/aR194nbLHE
— Suresh Kochattil (@kochattil) February 1, 2026
శ్రమే పెట్టుబడిగా, ఆత్మవిశ్వాసమే ఆయుధంగా ముగ్గురు పిల్లల బాధ్యతను తన భుజాలపై వేసుకుని, ఒకప్పుడు పురుషులకే పరిమితమైన రంగంలో నందిని సాగిస్తున్న ఈ ప్రయాణం ఎంతో మంది మహిళలకు ఆదర్శం. మాటల కంటే చేతలే గొప్పవని చాటిచెప్పిన ఈ ‘సూపర్ ఉమెన్’ కథ ఇప్పుడు నగరాన్నే కాదు.. యావత్ సోషల్ మీడియాను ఆలోచింపజేస్తోంది.
టాప్ హెడ్ లైన్స్
ట్రెండింగ్ వార్తలు
