MLA Jeevan Reddy: టీఆర్ఎస్ ఎమ్మెల్యేపై హత్యాయత్నం! కత్తి, తుపాకీతో వచ్చిన సర్పంచ్ భర్త
బంజారాహిల్స్ లోని ఎమ్మెల్యే జీవన్‌రెడ్డి ఇంటి దగ్గర మంగళవారం ఉదయం (జూన్ 2) ప్రసాద్‌ గౌడ్‌ అనుమానాస్పదంగా తిరుగుతుండటంతో ఎమ్మెల్యే సిబ్బంది పోలీసులకు సమాచారం అందించారు.
ఆర్మూర్‌ ఎమ్మెల్యే, పీయూసీ ఛైర్మన్ జీవన్ రెడ్డిపై హత్యాయత్నం జరిగింది. ఓ సర్పంచ్ భర్త ఈ యత్నానికి పాల్పడ్డారు. హైదరాబాద్ బంజారాహిల్స్ రోడ్‌ నంబర్‌ 12లోని ఎమ్మెల్యే జీవన్ రెడ్డి నివాసం దగ్గర ఈ ఘటన చోటుచేసుకుంది. నిందితుడు ఆర్మూర్‌ లో మక్లూర్‌ మండలం కిల్లెడ గ్రామ సర్పంచ్ భర్తగా పోలీసులు గుర్తించారు. తన భార్య లావణ్యను సర్పంచ్ పదవి నుంచి ఎమ్మెల్యే సస్పెండ్‌ చేయించారని, ఆ అక్కసుతోనే ఆమె భర్త ప్రసాద్‌ గౌడ్‌ ఎమ్మెల్యేపై కక్ష పెంచుకుని ఆయన్ను అంతం చేయాలని నిర్ణయించుకున్నట్లుగా పోలీసులు భావిస్తున్నారు.
బంజారాహిల్స్ లోని ఎమ్మెల్యే జీవన్‌రెడ్డి ఇంటి దగ్గర మంగళవారం ఉదయం (జూన్ 2) ప్రసాద్‌ గౌడ్‌ అనుమానాస్పదంగా తిరుగుతుండటంతో ఎమ్మెల్యే సిబ్బంది పోలీసులకు సమాచారం అందించారు. దీంతో నిందితుడిని బంజారాహిల్స్ పోలీసులు అదుపులోకి తీసుకున్నారు. అతని వద్ద నుంచి కత్తి, తుపాకీని పోలీసులు స్వాధీనం చేసుకున్నారు.
టాప్ హెడ్ లైన్స్
ట్రెండింగ్ వార్తలు
