Hyderabad Traffic: రేపు హైదరాబాద్‌లో ఈ రూట్స్‌ క్లోజ్, ట్రాఫిక్ మళ్లింపులు ఇలా

ట్రాఫిక్ డైవర్షన్స్ తో పాటు ఆ కార్యక్రమానికి హాజరయ్యే వారు వెహికల్స్​ పార్కింగ్ చేసుకొనేలా​ వివరాలను వెల్లడిస్తూ నగర ట్రాఫిక్​ చీఫ్​ సుధీర్ బాబు శనివారం (జూన్ 10) ఓ నోటిఫికేషన్ విడుదల చేశారు.

ప్రతీకాత్మక చిత్రం

Traffic Diversions in Hyderabad: ప్రత్యేక తెలంగాణ రాష్ట్రంగా ఏర్పడి పదో సంవత్సరంలోకి అడుగుపెడుతున్న వేళ రాష్ట్ర ప్రభుత్వం దశాబ్ది ఉత్సవాలు (Telangana Formation Day Celebrations) నిర్వహిస్తున్న సంగతి తెలిసిందే. ఈ ఉత్సవాల్లో భాగంగా సోమవారం (జూన్ 12) ఎన్టీఆర్ మార్గ్, నెక్లెస్​ రోడ్ ​లో కొన్ని కార్యక్రమాలు జరగనున్నాయి. వాటి నిర్వహణ కోసం పోలీసులు ఆ దిశలో మార్గాలను మూసివేయనున్నారు. తెల్లవారుజామున 4 గంటల నుంచి 8 గంటల వరకు అక్కడ తెలంగాణ రన్ నిర్వహించనున్నారు. ఈ రన్ ​లో పోలీస్ సిబ్బందితో పాటు వివిధ కాలేజీల విద్యార్థులు పాల్గొననున్నారు. అందుకే సోమవారం (జూన్ 12) ఎన్టీఆర్ మార్గ్, నెక్లెస్​ రోడ్ ప్రాంతాల్లో ట్రాఫిక్ ఆంక్షలు విధించారు. వాహనదారులు ఈ మళ్లింపులకు సహకరించాలని ట్రాఫిక్ పోలీసులు (Hyderabad Traffic Police) కోరారు. 

ట్రాఫిక్ డైవర్షన్స్ తో (Traffic Diversions) పాటు ఆ కార్యక్రమానికి హాజరయ్యే వారు వెహికల్స్​ పార్కింగ్ చేసుకొనేలా​ వివరాలను వెల్లడిస్తూ నగర ట్రాఫిక్​ చీఫ్​ సుధీర్ బాబు శనివారం (జూన్ 10) ఓ నోటిఫికేషన్ విడుదల చేశారు. అఫ్జల్ గంజ్ – సికింద్రాబాద్​ మధ్య నడిచే​ చేసే ఆర్టీసీ బస్సులను తెలుగు తల్లి ఫ్లైఓవర్, కట్ట మైసమ్మ, లోయర్​ ట్యాంక్ ​బండ్, డీబీఆర్ మిల్స్, కవాడిగూడ రూట్లలోకి మళ్లించనున్నారు. 

వీఐపీల వెహికల్​ పార్కింగ్ కోసం ఐమాక్స్ వద్ద, ఎంప్లాయీస్ ​కోసం కార్ రేసింగ్ రోడ్ దగ్గర, ఇతర వెహికల్స్ ను జలవిహార్‌‌‌‌‌‌‌‌ వరకు సింగిల్‌‌‌‌ లేన్‌‌‌‌ పార్కింగ్ ఏర్పాట్లు చేసినట్లు పోలీసులు తెలిపారు.

ట్రాఫిక్ మళ్లింపులు ఇలా (Traffic Diversions)

ఖైరతాబాద్ ​(Khairatabad) లోని విశ్వేశ్వరయ్య స్టాట్యూ, నెక్లెస్ రోడ్, ఎన్టీఆర్​ మార్గ్, తెలుగు తల్లి జంక్షన్ రూట్లలో సోమవారం (జూన్ 12) తెల్లవారు జాము నుంచి ట్రాఫిక్ ​ను అనుమతించరు. ఖైరతాబాద్, పంజాగుట్ట, సోమాజిగూడ నుంచి నెక్లెస్ రోడ్ ​కు వచ్చే వాహనాల​ను షాదాన్ కాలేజీ, నిరంకారీ భవన్ మీదుగా దారి మళ్లించనున్నారు. నిరంకారీ భవన్, చింతలబస్తీ నుంచి ఖైరతాబాద్ ఫ్లై ఓవర్ మీదుగా ట్రాఫిక్ ​ను అనుమతించబోరు.

ఖైరతాబాద్ ​బడా గణేశ్ ​(Khairatabad Ganesh) నుంచి ఐమాక్స్, నెక్లెస్​ రోడ్ ​వైపు (Neclace Road) వెళ్లే వాహనాలను రాజ్ ​దూత్​ లేన్ నుంచి మళ్లించనున్నారు. బుద్ధభవన్, నల్లగుట్ట జంక్షన్ నుంచి నెక్లెస్ ​రోడ్ ​వైపు వెహికల్స్ ​వెళ్లేందుకు అనుమతి లేదు. ఈ ట్రాఫిక్ ను రాణిగంజ్ నుంచి దారి మళ్లించనున్నారు. ఇక్బాల్ మినార్ జంక్షన్ నుంచి ట్యాంక్ బండ్, లిబర్టీ, రాణిగంజ్ వైపు వెళ్లే ట్రాఫిక్ ​ను తెలుగుతల్లి జంక్షన్‌‌‌‌, అంబేద్కర్ విగ్రహం, ట్యాంక్ ​బండ్  మీదుగా అనుమతించకుండా.. వాటిని తెలుగుతల్లి ఫ్లై ఓవర్‌‌‌‌‌‌‌‌, కట్ట మైసమ్మ, లోయర్ ట్యాంక్‌‌‌‌బండ్‌‌‌‌ మీదుగా దారి మళ్లించనున్నారు. ట్యాంక్ ​బండ్, తెలుగు తల్లి జంక్షన్, బీఆర్కేఆర్ భవన్​ నుంచి ఎన్టీఆర్​ మార్గ్ ​రూట్లలో వాహనాలు వెళ్లేందుకు అనుమతి లేదు. ఈ ట్రాఫిక్ ​ను ఇక్బాల్ మినార్​ జంక్షన్ మీదుగా దారి మళ్లిస్తారు.