Breaking News Live Telugu Updates: ఉప్పల్ డబుల్‌ సెంచరీ కొట్టిన శుభ్‌మన్‌! సచిన్ రికార్డు బ్రేక్!
ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.
LIVE
Background
ప్రస్తుతం శ్రీలంకను ఆనుకొని ఓ ఉపరితల ఆవర్తన ప్రాంతం తెలుగు రాష్ట్రాలపై ఎలాంటి ప్రభావం చూపలేకపోవడంతో వచ్చే 5 రోజులు ఎలాంటి వర్షాలు ఉండే అవకాశం లేదని వాతావరణ నిపుణులు తెలిపారు. పశ్చిమ గాలుల ప్రభావం బలపడుతుండడంతో పొడిగాలులు తమిళనాడు, దక్షిణ రాయలసీమ జిల్లాల్లో అధికంగా ఉంటాయని చెప్పారు. కాబట్టి, ఈ ప్రాంతాల్లో చలి తీవ్రత అధికంగా ఉంటుందని, కానీ తెలంగాణ, ఏపీ వ్యాప్తంగా సాధారణంగా చలి ఉంటుందని తెలిపారు. రాయలసీమ జిల్లాల్లో కొన్ని చోట్ల 13 డిగ్రీలుగా నమోదయ్యే అవకాశం ఉంటుందని తెలిపారు.
ఇటు విజయవాడలోనూ పొడి వాతావరణమే ఉంటుందని అమరావతి వాతావరణ కేంద్రం అధికారులు వెదర్ బులెటిన్ లో తెలిపారు. నగరంలో పొగ మంచు కూడా ఏర్పడుతుందని తెలిపారు.
‘‘ఎప్పుడైనా చలి కాలం నుంచి ఎండా కాలం వెళ్లే కాలంలో కొన్ని వర్షాలు పడటం చాలా సహజం. గత పది సంవత్సరాల్లో ప్రతి సారి మనం జనవరి, ఫిబ్రవరి, మార్చిలలో ఏదో ఒక నెలలో వర్షాలను చూశాము. ఈ సారి జనవరి చివరి వారంలో కొన్ని వర్షాలకు సంకేతాలు కనబడుతోంది. సాధారణంగా జనవరి చివరి వారానికి చలి తగ్గుముఖం పడుతూ మెల్లగా పగటి సమయంలో వేడి పెరుతుంది, అలాగే రాత్రి చల్లగా ఉంటుంది.
పశ్చిమ గాలుల ప్రభావం అంటే..
ఆంధ్రప్రదేశ్ వెదర్ మ్యాన్ చెప్పిన వివరాల ప్రకారం.. ‘‘మనకు ఎలా బంగాళాఖాతంలో అల్పపీడనం ఏర్పడుతుందో, అలాగే హిమాలయాలు, మధ్య ఆసియా మీదుగా కూడ భూమిలోనే అల్పపీడనాలు ఏర్పడుతుంది. ఇది సాధారణంగా ఇరాన్, ఇరాక్ లో ఉన్న ఎడారిలో ఏర్పడి హిమాలాయాలు, ఉత్తర భారత దేశం వైపుగా వెళ్తుంది. దీనినే మనం వెస్టర్న్ డిస్టర్బెన్స్ అంటాము. అంటే చిన్నగా పశ్చిమ గాలులు అని అనవచ్చు. ఇది సాధారణంగా మన తెలుగు రాష్ట్రాల వైపు ప్రభావం చూపదు. కానీ ఎప్పుడైనా బలంగా ఏర్పడినప్పుడు మాత్రం భాగా ప్రభావం చూపుతుంది’’ అని వివరించారు.
ఉత్తరాదిన కూడా అదే పరిస్థితి
దేశ రాజధాని ఢిల్లీలో ఉష్ణోగ్రతలు మళ్లీ పడిపోతున్నాయి. సోమవారం (జనవరి 16) నుంచి మూడు రోజుల పాటు మరో కోల్డ్‌ స్పెల్‌ ఏర్పడే అవకాశం ఉందని భారత వాతావరణ శాఖ వెల్లడించింది. అంటే మూడు డిగ్రీల కంటే తక్కువ ఉష్ణోగ్రతలు నమోదయ్యే అవకాశం ఉంటుంది. వరుసగా కొన్ని రోజుల పాటు తక్కువ ఉష్ణోగ్రతలు నమోదైతే దీనిని ఓల్డ్‌ స్పెల్‌గా వ్యవహరిస్తారు. ఈ నెల 5 నుంచి 9 తేదీల మధ్య ఏర్పడిన కోల్డ్‌ స్పెల్‌లో ఢిల్లీ పరిసర ప్రాంతాల్లో వరుసగా అత్యల్ప ఉష్ణోగ్రతలు నమోదయ్యాయి. గడిచిన పదేళ్లలో ఇంతటి తక్కువ స్థాయి ఉష్ణోగ్రతలు నమోదు కావడం ఇది రెండోసారి.
రానున్న 5 రోజుల్లో ఢిల్లీతోపాటు పంజాబ్‌, హరియాణా, ఉత్తర్‌ప్రదేశ్‌లోని పలు ప్రాంతాల్లో దట్టమైన మంచు కురిసే అవకాశాలున్నట్లు ఐఎండీ వెల్లడించింది. వాయువ్య ప్రాంతం మీదుగా వీస్తున్న చలిగాలుల వల్ల జనవరి 18 వరకు ఆయా ప్రాంతాల్లో రెండు డిగ్రీల కంటే తక్కువ ఉష్ణోగ్రతలు నమోదవుతాయని అంచనా వేశారు. తాజా వాతావరణ పరిస్థితుల నేపథ్యంలో ప్రజలు అప్రమత్తంగా ఉండాలని ఐఎండీ సూచించింది. వదులుగా, పొరలుపొరలుగా ఉండే దుస్తులు ధరించాలని, అత్యవసరమైతే తప్ప ఇళ్ల నుంచి బయటకు రావొద్దని సూచించింది. జనవరి 18 తర్వాత ఉష్ణోగ్రతలు క్రమంగా పెరిగే అవకాశముందని ఐఎండీ అధికారి ఒకరు చెప్పారు.
తెలంగాణ వాతావరణం
తెలంగాణ వ్యాప్తంగా పొడి వాతావరణమే ఉంటుంది. ఆదిలాబాద్, కుమురం భీం, మంచిర్యాల, నిర్మల్ జిల్లాల్లో ఎల్లో నేడు కూడా అలర్ట్ జారీ చేయగా, మిగిలిన జిల్లాల్లో చలి సాధారణంగానే ఉండనుంది. పశ్చిమ తెలంగాణ జిల్లాలు కామారెడ్డి, సంగారెడ్డి, మెదక్, వికారాబాద్, హైదరాబాద్, రంగారెడ్డి జిల్లాలకు కూడా ఎల్లో అలర్ట్ జారీ చేశారు. ఈ జిల్లాల్లో చలి గాలులు కూడా పెరుగుతాయని వాతావరణ అధికారులు తెలిపారు. కేవలం దక్షిణ, తూర్పు, మధ్య తెలంగాణ జిల్లాల్లో మాత్రం ఎలాంటి హెచ్చరికలు చేయలేదు. సాధారణంగా 11 నుంచి 15 డిగ్రీల కనిష్ఠ ఉష్ణోగ్రతలు నమోదయ్యే అవకాశం ఉంటే ఎల్లో అలర్ట్ జారీ చేస్తారు.
హైదరాబాద్ లో గరిష్ఠ, కనిష్ఠ ఉష్ణోగ్రతలు వరుసగా 32 డిగ్రీలు, 16 డిగ్రీలుగా ఉండే అవకాశం ఉంది. దక్షిణ, ఆగ్నేయ దిశల నుంచి గాలులు గాలి వేగం గంటకు 3 నుంచి 6 కిలో మీటర్ల వేగంతో వీచే అవకాశం ఉంది. నిన్న 31.4 డిగ్రీలు, 16.2 డిగ్రీలుగా ఉష్ణోగ్రతలు నమోదయ్యాయి.
ఉప్పల్ డబుల్‌ సెంచరీ కొట్టిన శుభ్‌మన్‌! సచిన్ రికార్డు బ్రేక్!
ఉప్పల్ వన్డేలో శుభ్‌మన్‌ గిల్‌ రికార్డులు బద్దలు కొడుతున్నాడు. రాజీవ్ గాంధీ అంతర్జాతీయ స్టేడియంలో అత్యధిక పరుగులు చేసిన ఆటగాడిగా నిలిచాడు. అంతకు ముందు సచిన్ 175 స్కోరును బీట్ చేశాడు. వరుస సిక్సర్లతో డబుల్‌ సెంచరీ అందుకున్నాడు. అలాగే కివీస్ పై సచిన్ చేసిన 186 రికార్డును బ్రేక్ చేశాడు
110 పరుగుల వద్ద మూడో వికెట్ కోల్పోయిన టీమిండియా
8 పరుగుల వద్ద కోహ్లీ ఔట్- భారత్ 88/2
34 పరుగులకే ఔట్ అయిన రోహిత్
ఇండియాలో సిక్సర్ల కింగ్ రోహిత్- సరి కొత్త రికార్డు సృష్టించిన హిట్‌మెన్‌
భారత్‌లో ఆడుతున్నప్పుడు అత్యధిక సిక్సర్లు కొట్టిన రికార్డును రోహిత్ శర్మ సొంతం చేసుకున్నాడు. ఇప్పటి వరకు ఈ రికార్డు భారత మాజీ కెప్టెన్ మహేంద్ర సింగ్ ధోనీ పేరుమీద ఉండేది. వన్డే ఫార్మాట్‌లో భారత గడ్డపై రోహిత్, మహేంద్ర సింగ్ ధోనీలు 123 సిక్సర్లు కొట్టారు. ఇప్పుడు న్యూజిలాండ్‌తో జరుగుతున్న మ్యాచ్‌లో రోహిత్ రెండు సిక్స్‌లు బాది కొత్త రికార్డు సృష్టించాడు. భారతదేశానికి కొత్త సిక్సర్ కింగ్ గా రోహిత్ మారాడు
టీమిండియాకు ఓపెన్ల శుభారంభం- ధోనీ రికార్డు బద్దలు కొట్టిన రోహిత్
న్యూజిలాండ్‌తో జరుగుతున్న వన్డే మ్యాచ్‌లో ఓపెన్లు రోహిత్ శర్మ, గిల్‌ అద్భతమైన బ్యాటింగ్ చేస్తున్నారు. పది ఓవర్లు ముగిసేసరికి భారత్ వికెట్లేమీ నష్టపోకుండా 52 పరుగులు చేసింది. ఈ క్రమంలోనే ధోనీ సిక్స్‌ల రికార్డును రోహిత్ శర్మ క్రాస్ చేశాడు.
MLAs Pouching Case: ఎమ్మెల్యేల కొనుగోలు కేసులో ప్రభుత్వ అప్పీల్ పిటిషన్‌పై తీర్పు రిజర్వ్
- ఎమ్మెల్యేల కొనుగోలు కేసులో ప్రభుత్వ అప్పీల్ పిటిషన్‌పై ముగిసిన వాదనలు
- తీర్పు రిజర్వ్ చేసిన హైకోర్టు
- లిఖిత పూర్వక వాదనలకు సమయం కోరిన దవే
- ఈ నెల 30 వరకు సమర్పించాలని హైకోర్టు ఆదేశం
- ఎమ్మెల్యేల కొనుగోలు కేసు సింగిల్ బెంచ్ సీబీఐకి ఇవ్వడాన్ని సవాలు చేసిన ప్రభుత్వం
- తీర్పు రీజర్వ్ చేసిన హైకోర్టు
Devineni Uma: విజయవాడ గొల్లపూడిలో ఉద్రిక్తత, నేలపై పడుకున్న దేవినేని ఉమ
- విజయవాడ గొల్లపూడిలో ఉద్రిక్తత
- గొల్లపూడి టీడీపీ ఆఫీస్ కు తాళాలు వేసిన అధికారులు
- టీడీపీ ఆఫీసు లీజు వ్యవహారంలో అధికారుల జులుం
- టీడీపీ ఆఫీసుకు తాళాలు వేయడంపై పార్టీ నేతల ఆగ్రహం
- అధికారులు తీరుపై మాజీ మంత్రి దేవినేని ఉమా, టీడీపీ నేతల నిరసన
- ఎన్టీఆర్ 27వ వర్ధంతిని పురస్కరించుకొని గొల్లపూడి వన్ సెంటర్ వద్ద ఎన్టీఆర్ విగ్రహానికి నివాళులు
- ప్రభుత్వం కళ్లు తెరిపించాలని అధికారులకు బుద్ధి రావాలని రోడ్డుపై పడుకొని రక్తదాన కార్యక్రమం చేసిన మాజీ మంత్రి దేవినేని ఉమ
తొలి వన్డేలో టీమిండియాలో ఆడే జట్టు ఇదే
ఉప్పల్ వన్డేలో టాస్ గెలిచి బ్యాటింగ్ ఎంచుకున్న భారత్
భారత్- న్యూజిలాండ్ సిరీస్‌లో మొదటి మ్యాచ్‌లో టీమిండియా టాస్ గెలిచి బ్యాటింగ్ ఎంచుకుంది. మరో అరగంటలో మ్యాచ్ ప్రారంభం కానుంది. ఓవైపు శ్రీలంకపై టీ20, వన్డే సిరీస్ గెలిచి జోరుమీదున్న టీమిండియా జట్టు.. మరోవైపు పాకిస్థాన్ పై వన్డే సిరీస్ ను గెలుచుకుని ఉత్సాహంతో ఉన్నన్యూజిలాండ్ టీంలో పై చేయి ఎవరిదీ అనేది ఉత్కంఠగా మారింది. బలాబలాల పరంగా సమంగా ఉన్నప్పటికీ.. గత రికార్డులు భారత్ కే అనుకూలంగా ఉన్నాయి. వన్డేల్లో, టీ20ల్లోనూ కివీస్ పై టీమిండియాదే పైచేయి. మరి తొలి మ్యాచ్ గెలిచి సిరీస్ లో బోణీ ఎవరు చేస్తారో చూద్దాం.
టాప్ హెడ్ లైన్స్
ట్రెండింగ్ వార్తలు
and tablets
