Zainab Ravdjee : అఖిల్ చేసుకోబోయే అమ్మాయి జగన్ సలహాదారు కుమార్తె - జైనాబ్ రావడ్జీ గురించి కొన్ని విషయాలు ఇవే

Akhil to be Wife: నాగచైతన్య పెళ్లి దగ్గర పడుతున్న సమయంలో అఖిల్ కూడా ఎంగేజ్ మెంట్ చేసేసుకున్నారని నాగార్జున ప్రకటించారు. అమ్మాయి పేరు జైనాబ్ రావడ్జీ. ఈమె బ్యాక్ గ్రౌండ్ తెలుసా ?

జగన్ ప్రభుత్వంలో సలహాదారుగా పని చేసిన వ్యక్తి కుమార్తెనే జైనాబ్ ?

Source : x

Who is Zainab Ravdjee: అక్కినేని కుటుబంంలో వరుసగా పెళ్లి బాజాలు మోగుతున్నాయి. అక్కినేని అఖిల్ ఎంగేజ్ మెంట్ కూడా పూర్తయిపోయింది. ఆ అమ్మాయి పేరు  జైనాబ్ రావడ్జీ అని ప్రకటించారు. అయితే ఆమె గురించి అంతకు మించిన వివరాలు లేవు. ఆమె హీరోయిన్ కాదు. అంతకు మించి తెలుగువారు కూడా కాదు. కానీ హైదరాబాదీలే. అయితే ఆ కుటుంబానికి రాజకీయ, వ్యాపార లింకులు ఉన్నాయి.  జైనాబ్ రావడ్జీ తండ్రి జుల్ఫీ  రావడ్జీ ఏపీ ప్రభుత్వంలో జగన్ సలహాదారుగా పని చేశారు. కేబినెట్ ర్యాంక్‌తో ఆయన కీలకంగా వ్యవహరించినట్లుగా తెలుస్తోంది. 

జుల్ఫీ రావడ్జీ కుటుంబానికి ZR ఇన్ ఫ్రా పేరుతో  కంపెనీ ఉంది. ఆయనను సీఎంగా ఉన్నప్పుడు జగన్ 2020 మార్చిలో  కేబినెట్ ర్యాంక్ ఆంధ్రప్రదేశ్ కేబినెట్ ర్యాంక్  గల్ఫ్ దేశాల్లో ఆంధ్రప్రదేశ్ ప్రత్యేక ప్రతినిదిగా నియమించారు. ఆ జీవోలో ఆయన హైదరాబాద్ బంజారాహిల్స్ నివాసిగా పేర్కొన్నారు. అరబ్ దేశాల్లో మంచి పలుకుబడి ఉన్న కుటుంబంగా భావిస్తున్నారు. ఏపీ ప్రభుత్వానికి గతంలో బాక్సైట్ సమస్లు వచ్చాయి. అన్‌రాక్‌, ఏపీఎండీసీ మధ్య బాక్సైట్‌ సరఫరా వివాదం అంతర్జాతీయ కోర్టులో ఉంది. ఈ వివాద పరిష్కారానికి జగన్ ప్రభుత్వం కమిటీని ఏర్పాటు చేసింది. అందులో జుల్ఫీ రావ్జీ అనే వ్యక్తికి కూడా చోటు కల్పించింది.  జుల్ఫీ కి సహాయకారిగా ఉండేలా అప్పటి ఎమ్మెల్యే హఫీజ్ ఖాన్ కు ప్రత్యేక బాధ్యతలు ఇచ్చారు.  

We are thrilled to announce the engagement of our son, @AkhilAkkineni8, to our daughter in law to be Zainab Ravdjee!

We couldn't be happier to welcome Zainab into our family. Please join us to congratulate the young couple and wish them a lifetime filled with love, joy, and… pic.twitter.com/5KM7BU00bz

— Nagarjuna Akkineni (@iamnagarjuna) November 26, 2024

అంటే ఈ జుల్ఫీ రావడ్జీ కుటుంబానికి ఏపీ రాజకీయాలతో పాటు నాగార్జునకు కూడా సన్నిహితులు అని అనుకోవచ్చు. వ్యాపార పరంగా నాగార్జునతో పాటు నిమ్మగడ్డ  ప్రసాద్ మరికొందరు భాగస్వాములని అందులో  అఖిల్‌కు కాబోయే భార్య కుటుంబం కూడా ఉన్నారని భావిస్తున్నారు. అలా ఏర్పడిన వీరి పరచయం పెళ్లికి దారి తీసిందని చెబుతున్నారు. జగన్మోహన్ రెడ్డి ప్రభుత్వంలో జుల్ఫీని ప్రత్యేక ప్రతినిధిగా నియమించినప్పుడు ఆయనెవరో అందరూ ఆశ్చర్యపోయారు.   

జల్ఫీ రావడ్జీ కుటుంబానికి కొన్ని వేల కోట్ల ఆస్తులు ఉంటాయని అంచనా వేస్తున్నారు. గల్ఫ్ లోనూ వీరికి వ్యాపారాలు ఉన్నాయని చెబుతున్నారు. మొత్తంగా అఖిల్ పెళ్లి చేసుకోబోయే అమ్మాయి తెలుగు కాకపోవచ్చు .. సినిమా ఇండస్ట్రీకి చెందిన వారు కాకపోవచ్చు కానీ తండ్రి వ్యాపారభాగస్వాములు.. ఫ్యామిలీ ఫ్రెండ్స్ అని అనుకోవచ్చు.  జైనాబ్ రావడ్జీ పూర్తి వివరాలు తెలిసిన తర్వాత మరింత డీటైల్స్  బయటకు వచ్చే అవకాశం ఉంది.