BRS MLAs present in Madurai court : మధురై కోర్టుకు హాజరైన పాడి కౌశిక్ రెడ్డి, సుధీర్ రెడ్డి - కాంగ్రెస్ లీడర్ పిటిషన్ కారణంగానే !
BRS MLAs : బీఆర్ఎస్ ఎమ్మెల్యేలు సుధీర్ రెడ్డి, పాడి కౌశిక్ రెడ్డి మధురై కోర్టుకు హాజరయ్యారు. మాణిగం ఠాగూర్ పై చేసిన వ్యాఖ్యలపై నమోదైన కేసులో భాగంగా విచారణకు హాజరయ్యారు.
BRS MLAs in Madurai court : భారత రాష్ట్ర సమితి ఎమ్మెల్యేలు పాడి కౌశిక్ రెడ్డి, సుధీర్ రెడ్డి మధురై కోర్టులో ప్రత్యక్షమయ్యారు. వారిద్దరూ అక్కడి కోర్టు ఆవరణలో కూర్చుని ఉన్న ఫోటోలు వైరల్ అయ్యాయి. అక్కడ వారే చేశారోనని చాలా మంది ఆశ్చర్యపోయారు. అయితే.. తెలంగాణ రాజకీయాల్లో భాగంగా చేసిన వ్యాఖ్యలు, ఆరోపణలే వారిని మధురై కోర్టు వరకూ లాక్కొచ్చినట్లుగా తేలింది.
మాణిగం ఠాగూర్‌పై ఆరోపణలు చేసిన కౌశిక్ రెడ్డి, సుధీర్ రెడ్డి
ఏపీ కాంగ్రెస్ వ్యవహారాల ఇంచార్జ్ గా గతంలో మాణిగం ఠాగూర్ ఉండేవారు. ఆ సమయంలో టీ పీసీసీ చీఫ్‌గా రేవంత్ రెడ్డిని హైకమాండ్ నియమించింది. ఆ సమయంలో బీఆర్ఎస్ నేతలు మాణిగం ఠాగూర్ పై ఆరోపణలు చేశారు. ఐదు వందల కోట్లు తీసుకుని రేవంత్ రెడ్డి టీ పీసీసీ చీఫ్ గా నియమించారని ఆరోపించారు. ఈ ఆరోపణలపై మాణిగం ఠాగూర్ మండిపడ్డారు. తప్పుడు ఆరోపణలతో పరువు నష్టం చేశారని తన స్వస్థలం పరిధిలోకి వచ్చే మధురై కోర్టులో పిటిషన్ దాఖలు చేశారు. విచారణకు హాజరు కావాలని గతంలో కోర్టు సమన్లు జారీ చేసింది. కానీ ఎమ్మెల్యేలు ఇద్దరూ పట్టించుకోకపోవంతో నాన్ బెయిలబుల్ అరెస్టు వారెంట్లు జారీ చేసింది.
వాయిదాలకు హాజరు కాకపోవడంతో అరెస్ట్ వారెంట్
అరెస్టు చేయడం ఖాయమని తేలడంతో వెంటనే కోర్టుకు హాజరై వాలెంట్లను రీకాల్ చేయించుకున్నట్లుగా తెలుస్తోంది. వీరిద్దరూ మధురై కోర్టులో ఉన్న ఫోటోలను సోషల్ మీడియాలో పోస్టు చేసిన మాణిగంఠాగూర్ తప్పుడు ఆరోపణలు చేసిన ఎవరినీ వదిలేదని.. న్యాయపరమైన చర్యలు తీసుకుంటానని స్పష్టం చేశారు.
Every allegation made against us will be met with legal action. I have filed a defamation case in the Madurai court in response to their false accusations against me.
— Manickam Tagore .B🇮🇳மாணிக்கம் தாகூர்.ப (@manickamtagore) January 10, 2024
Both TRS MLAs, Kaushik Reddy and Sudhir Reddy, face NBW issued against them sitting outside Madurai court. pic.twitter.com/6qZx7DTdbA
ప్రస్తుతం ఏపీ కాంగ్రెస్ వ్యవహాారాల ఇంచార్జ్ గా ఉన్న మాణిగం ఠాగూర్
మాణిగం ఠాగూర్ తర్వాత తెలంగాణ కాంగ్రెస్ వ్యవహారాల ఇంచార్జ్ గా మాణిక్ రావు ధాక్రే నియమితులయ్యారు. ఆయన తర్వాత ఇప్పుడు దీప్ దాస్ మున్షి నియమితులయ్యారు. మాణిగం ఠాగూర్ ఏపీ కాంగ్రెస్ వ్యవహారాల ఇంచార్ గా వ్యవహరిస్తున్నారు.
టాప్ హెడ్ లైన్స్
ట్రెండింగ్ వార్తలు
