Realme Sale: రియల్‌మీ ఇయర్ ఎండ్ సేల్... స్మార్ట్ ఫోన్లపై భారీ తగ్గింపు!

ప్రముఖ స్మార్ట్ ఫోన్ బ్రాండ్ రియల్‌మీ తన ఆఫర్ సేల్‌ను ప్రకటించింది. ఈ సేల్ డిసెంబర్ 26వ తేదీ నుంచి 30వ తేదీ వరకు జరగనుంది.

రియల్‌మీ ఇయర్ ఎండ్ సేల్‌లో కంపెనీ ఫోన్లపై భారీ ఆఫర్లు.

రియల్‌మీ తన ఇయర్ ఎండ్ సేల్‌ను ప్రకటించింది. డిసెంబర్ 26వ తేదీ నుంచి 30వ తేదీ వరకు ఈ సేల్ జరగనుంది. రియల్‌మీ.కాంతో పాటు ఫ్లిప్‌కార్ట్‌లో కూడా ఈ సేల్‌ను కంపెనీ నిర్వహించనుంది. ఈ సేల్‌లో రియల్‌మీ స్మార్ట్ ఫోన్లపై భారీ ఆఫర్లు అందించనున్నారు. రియల్‌మీ సీ సిరీస్, నార్జో సిరీస్‌లతో పాటు ఫ్లాగ్ షిప్ డివైసెస్‌పై కూడా ఈ సేల్ జరగనుంది. స్మార్ట్ ఫోన్ మోడల్‌ను బట్టి రూ.500 నుంచి రూ.4,000 వరకు తగ్గింపును కంపెనీ అందించింది.

రియల్‌మీ జీటీ నియో 2 అసలు ధర రూ.35,999 కాగా, ఈ సేల్‌లో రూ.31,999కే కొనుగోలు చేయవచ్చు. ఇది 8 జీబీ ర్యామ్ + 128 జీబీ స్టోరేజ్ వేరియంట్ ధర. ఇక హైఎండ్ వేరియంట్ అయిన 12 జీబీ ర్యామ్ + 256 జీబీ స్టోరేజ్ వేరియంట్ ధర రూ.39,999 నుంచి రూ.35,999కు తగ్గింది.

దీంతోపాటు రియల్‌మీ జీటీ మాస్టర్ ఎడిషన్ ధర రూ.4,000 తగ్గింది. ఈ ఫోన్ ధర రూ.25,999 నుంచి ప్రారంభం కానుంది. ఈ ఫోన్ ఫీచర్లను కూడా చూసుకుంటే ఈ ధరలో ఈ ఫోన్ బెస్ట్ డీల్ కానుందని కచ్చితంగా చెప్పవచ్చు. వన్‌ప్లస్ నార్డ్ సిరీస్ కంటే మెరుగైన ఫీచర్లు ఇందులో ఉన్నాయి.

రియల్‌మీ 8 5జీ, రియల్‌మీ 8ఎస్ 5జీలకు సంబంధించిన 8 జీబీ ర్యామ్ + 128 జీబీ స్టోరేజ్ వేరియంట్ల ధరలు రూ.2,000 మేర తగ్గాయి. ఇప్పుడు రియల్‌మీ 8ఎస్‌లో ఈ వేరియంట్ ధర రూ.19,999 కాగా, రియల్‌మీ 8 5జీలో ఇదే వేరియంట్ ధర రూ.18,499కు తగ్గింది.

ఇక రియల్‌మీ 8 4జీ వేరియంట్ ధర రూ.1,500 తగ్గించారు. ఈ ఫోన్ ప్రస్తుతం రూ.16,999కే అందుబాటులో ఉంది. నార్జో సిరీస్ విషయానికి వస్తే.. రియల్‌మీ నార్జో 50ఏ ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.11,499కు తగ్గింది. 4 జీబీ ర్యామ్ + 128 జీబీ స్టోరేజ్ వేరియంట్ రూ.12,499కు కొనేయచ్చు.

ఇక బడ్జెట్ ఫోన్లు అయిన రియల్ సీ25వై, రియల్‌మీ సీ21 ధరలు కూడా తగ్గాయి. రియల్‌మీ సీ25వై ధర రూ.1,000 మేర తగ్గగా.. రియల్‌మీ సీ21 ధర రూ.500 తగ్గింది. దీంతోపాటు రియల్‌మీ సీ21వై ధర కూడా తగ్గించారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి