Realme Note 50: రూ.ఆరు వేలలోనే రియల్‌మీ మొదటి నోట్ ఫోన్ - ఫీచర్లు ఎలా ఉన్నాయి?
Realme New Phone: ప్రముఖ స్మార్ట్ ఫోన్ బ్రాండ్ రియల్‌మీ తన కొత్త ఫోన్ మార్కెట్లో లాంచ్ అయింది. అదే రియల్‌మీ నోట్ 50.
Realme Note 50 Price: రియల్‌మీ నోట్ 50 స్మార్ట్ ఫోన్ ఫిలిప్పీన్స్‌లో లాంచ్ అయింది. రియల్‌మీ లాంచ్ చేసిన మొదటి నోట్ బ్రాండెడ్ స్మార్ట్ ఫోన్ ఇదే. ఇందులో 6.74 అంగుళాల డిస్‌ప్లే అందించారు. దీని స్క్రీన్ రిఫ్రెష్ రేట్ 90 హెర్ట్జ్‌గా ఉంది. యూనిసోక్ టీ612 ప్రాసెసర్‌పై ఈ ఫోన్ పని చేయనుంది. గతేడాది లాంచ్ అయిన రియల్‌మీ సీ51 తరహాలోనే ఇందులో కొన్ని ఫీచర్లు ఉన్నాయి. ఫోన్ వెనకవైపు రెండు కెమెరాలు అందించారు.
రియల్‌మీ నోట్ 50 ధర
ఈ ఫోన్ ధరను ఫిలిప్పీన్స్‌లో 3,599 ఫిలిప్పీన్స్ పెసోలుగా (సుమారు రూ.6,000) నిర్ణయించారు. ఇది 4 జీబీ ర్యామ్ + 64 జీబీ స్టోరేజ్ వేరియంట్ ధర. మిడ్‌నైట్ బ్లాక్, స్కై బ్లూ కలర్ ఆప్షన్లలో దీన్ని కొనుగోలు చేయవచ్చు. ఈ ఫోన్ త్వరలో మనదేశంలో కూడా లాంచ్ కానుంది. రియల్‌మీ వైస్ ప్రెసిడెంట్ కీ ఛేజ్ మాట్లాడుతూ వియత్నాం, థాయ్‌ల్యాండ్, ఇటలీ, బంగ్లాదేశ్, మయన్మార్ దేశాల్లో కూడా ఈ ఫోన్ లాంచ్ చేయనున్నట్లు ప్రకటించారు.
రియల్‌మీ నోట్ 50 స్పెసిఫికేషన్లు, ఫీచర్లు
ఆండ్రాయిడ్ 13 ఆధారిత రియల్‌మీ యూఐ టీ ఎడిషన్ ఆపరేటింగ్ సిస్టంపై ఈ ఫోన్ పని చేయనుంది. ఇందులో 6.74 అంగుళాల హెచ్‌డీ+ డిస్‌ప్లేను అందించారు. దీని టచ్ శాంప్లింగ్ రేట్ 180 హెర్ట్జ్‌గా ఉంది. పీక్ బ్రైట్‌నెస్ 560 నిట్స్‌గా ఉంది. దీని పిక్సెల్ డెన్సిటీ 260 పీపీఐ కాగా, స్క్రీన్ టు బాడీ రేషియో 90.3 శాతంగా ఉండనుంది. సెల్ఫీ కెమెరా కోసం ముందువైపు వాటర్ డ్రాప్ తరహా నాచ్‌ను అందించారు. యూనిసోక్ టీ612 ప్రాసెసర్‌పై రియల్‌మీ నోట్ 50 రన్ కానుంది. 4 జీబీ ర్యామ్, 64 జీబీ వరకు స్టోరేజ్ ఈ ఫోన్‌లో ఉన్నాయి.
ఫోన్ వెనకవైపు రెండు కెమెరాల సెటప్ అందుబాటులో ఉంది. వీటిలో ప్రధాన కెమెరా సామర్థ్యం 13 మెగాపిక్సెల్ కాగా, సెకండరీ సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ సెన్సార్ ఉంది. ఐపీ54 డస్ట్, వాటర్ రెసిస్టెన్స్ ఫీచర్లు అందించారు. 4జీ, వైఫై, బ్లూటూత్ , జీపీఎస్, 3.5 ఎంఎం ఆడియో జాక్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు ఉన్నాయి. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. దీని బ్యాటరీ సామర్థ్యం 5000 ఎంఏహెచ్ కాగా, 10W ఫాస్ట్ ఛార్జింగ్‌ను కూడా సపోర్ట్ చేయనుంది. దీని మందం 0.8 సెంటీమీటర్లు కాగా, బరువు 186 గ్రాములుగా ఉంది.
మరోవైపు రియల్‌మీ సీ67 5జీ స్మార్ట్ ఫోన్ ఇటీవలే మనదేశంలో లాంచ్ అయింది. రియల్‌మీ సీ-సిరీస్‌లో లాంచ్ అయిన 5జీ స్మార్ట్ ఫోన్ ఇదే కావడం విశేషం. ఈ ఫోన్ 33W వైర్డ్ ఫాస్ట్ ఛార్జింగ్‌ను సపోర్ట్ చేయనుంది. ఐపీ54 డస్ట్, స్ప్లాష్ రెసిస్టెన్స్‌తో ఈ స్మార్ట్ ఫోన్ మార్కెట్లోకి రానుంది. 6ఎన్ఎం మీడియాటెక్ డైమెన్సిటీ ప్రాసెసర్‌పై రియల్‌మీ సీ67 5జీ పని చేయనుంది. ఏఐ ఆధారిత డ్యూయల్ కెమెరా సెటప్‌ను ఫోన్ వెనకవైపు కంపెనీ అందించింది. దీనికి సంబంధించిన 4జీ వెర్షన్ కూడా త్వరలో లాంచ్ కానుందని సమాచారం.
Also Read: రూ.15 వేలలోపు ది బెస్ట్ 5జీ ఫోన్ కొనాలనుకుంటున్నారా? అయితే ఈ టాప్ మొబైల్స్ లిస్ట్ మీకోసమే!
టాప్ హెడ్ లైన్స్
ట్రెండింగ్ వార్తలు
