Moto G13: రూ.10 వేలలోపు ధరతోనే మోటొరోలా కొత్త ఫోన్ - 50 మెగాపిక్సెల్ కెమెరా కూడా!
ప్రముఖ స్మార్ట్ ఫోన్ బ్రాండ్ మోటొరోలా మనదేశంలో కొత్త ఫోన్ లాంచ్ చేసింది. అదే మోటో జీ13.
మోటో జీ13 స్మార్ట్ ఫోన్‌ను కంపెనీ మనదేశంలో లాంచ్ చేసింది. ఈ బడ్జెట్ స్మార్ట్ ఫోన్ ఇప్పటికే గ్లోబల్ మార్కెట్లలో లాంచ్ అయింది. ఇందులో ఆక్టాకోర్ మీడియాటెక్ హీలియో జీ85 ప్రాసెసర్‌ను అందించారు. ఏప్రిల్ 5వ తేదీ నుంచి దీని సేల్ ప్రారంభం కానుంది.
మోటో జీ13 ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 4 జీబీ ర్యామ్, 64 జీబీ స్టోరేజ్‌తో వచ్చిన ఈ వేరియంట్ ధరను రూ.9,999గా నిర్ణయించారు. ఏప్రిల్ 5వ తేదీ నుంచి ఎంపిక చేసిన ఆన్‌లైన్ స్టోర్లు, ఫ్లిప్ కార్ట్‌లో ఈ ఫోన్‌ను విక్రయించనున్నారు. లావెండర్ బ్లూ, మ్యాట్ చార్‌కోల్ రంగుల్లో మోటో జీ31ను కొనుగోలు చేయవచ్చు.
మోటో జీ13 స్పెసిఫికేషన్లు, ఫీచర్లు
ఈ ఫోన్‌లో 6.5 అంగుళాల హెచ్‌డీ+ ఎల్సీడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్ కాగా, యాస్పెక్ట్ రేషియో 20:9గా ఉంది. పాండా గ్లాస్ ప్రొటెక్షన్ కూడా ఇందులో ఉంది. ఆక్టాకోర్ మీడియాటెక్ జీ85 ప్రాసెసర్‌పై ఈ ఫోన్ పని చేయనుంది.
ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతో పాటు 2 మెగాపిక్సెల్ మాక్రో లెన్స్, 2 మెగాపిక్సెల్ ,డెప్త్ సెన్సార్ కూడా అందించారు. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా ఉంది.
ఆండ్రాయిడ్ 13 ఆపరేటింగ్ సిస్టంపై మోటో జీ13 రన్ కానుంది. ఐపీ52 రేటింగ్ కూడా ఈ ఫోన్‌లో ఉంది. 4జీ, వైఫై, బ్లూటూత్ 4.2, జీపీఎస్ కనెక్టివిటీ ఫీచర్లు అందించనున్నారు. మైక్రో ఎస్‌డీ కార్డు స్లాట్ కూడా ఉంది. దీని మందం 0.82 సెంటీమీటర్లు కాగా, బరువు 170 గ్రాములుగా ఉంది.
మోటో ఈ22ఎస్ స్మార్ట్ ఫోన్ కూడా ఇటీవలే మనదేశంలో లాంచ్ అయింది. మోటో ఈ-సిరీస్‌లో ఇటీవలే లాంచ్ అయిన మొబైల్ ఇదే. ఇందులో కేవలం ఒక్క వేరియంట్ మాత్రమే అందుబాటులో ఉంది. 4 జీబీ ర్యామ్ + 64 జీబీ స్టోరేజ్ ఉన్న ఈ వేరియంట్ ధరను రూ.8,999గా నిర్ణయించారు. ఆర్కిటిక్ బ్లూ, ఎకో బ్లాక్ కలర్ ఆప్షన్లలో ఈ ఫోన్ కొనుగోలు చేయవచ్చు.
ఆండ్రాయిడ్ 12 ఆధారిత మై యూఎక్స్ ఆపరేటింగ్ సిస్టంపై ఈ ఫోన్ పని చేయనుంది. ఇందులో 6.5 అంగుళాల హెచ్‌డీ+ ఐపీఎస్ ఎల్సీడీ డిస్‌ప్లేను అందిస్తున్నారు. దీని స్క్రీన్ రిఫ్రెష్ రేట్ 90 హెర్ట్జ్ కాగా, యాస్పెక్ట్ రేషియో 20:9గా ఉంది.
దీని బ్యాటరీ సామర్థ్యం 5000 ఎంఏహెచ్‌గా ఉంది. 10W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. మీడియాటెక్ హీలియో జీ37 ప్రాసెసర్‌పై మోటో ఈ22ఎస్ పని చేయనుంది. ఐపీ52 వాటర్ రెసిస్టెంట్ డిజైన్‌తో దీన్ని మోటొరోలా రూపొందించింది.
ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 16 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ సెన్సార్ కూడా ఉంది. సెల్పీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు. 4 జీబీ ర్యామ్, 64 జీబీ స్టోరేజ్‌ను ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు. డ్యూయల్ బ్యాండ్ వైఫై, బ్లూటూత్ వీ5.0 వంటి కనెక్టివిటీ ఫీచర్లు ఉన్నాయి.
టాప్ హెడ్ లైన్స్
ట్రెండింగ్ వార్తలు
