5G Smartphone: ప్రపంచంలోనే మొట్టమొదటి 5G స్మార్ట్ఫోన్ ఏ కంపెనీ తీసుకువచ్చింది? ఇది ఎప్పుడు ప్రారంభించారు? ఫీచర్లు ఏంటీ?
5G Smartphone: ఇప్పుడు దాదాపు అన్ని కంపెనీలు 5G ఫోన్లు తయారు చేస్తున్నాయి. వినియోగదారులకు అందుబాటులోకి తీసుకొచ్చాయి. అయితే మొదటి 5G మెబైల్‌ తీసుకొచ్చిన కంపెనీ ఏదో తెలుసా?
- ప్రపంచంలో మొదటి 5G స్మార్ట్ఫోన్ 2019లో విడుదలైంది.
- 2019 ఫిబ్రవరిలో పలు కంపెనీలు 5G ఫోన్లు ప్రకటించాయి.
- శామ్‌సంగ్ గెలాక్సీ S10 5G ఏప్రిల్ 2019లో విడుదలైంది.
- శామ్‌సంగ్ గెలాక్సీ S10 5G పెద్ద డిస్‌ప్లే, 25W ఛార్జింగ్‌తో వచ్చింది.
5G Smartphone: 5G టెక్నాలజీ ఇంకా కొత్తగానే అనిపిస్తుంది. ఇంకా చాలా మంది మొబైల్ యూజర్లు 4G డివైజ్‌లను వాడుతున్నారు. దేశంలోని ప్రభుత్వ రంగ సంస్థ BSNL ఇంకా 4Gని ప్రారంభించడంలోనే బిజీగా ఉంది. కాబట్టి 5G కోసం దాని కస్టమర్‌లు చాలా కాలం ఎదురుచూడాల్సి ఉంటుంది. కానీ 5G కనెక్టివిటీ వచ్చి దాదాపు 9 సంవత్సరాలు అయ్యిందని, ప్రపంచంలోనే మొట్టమొదటి 5G స్మార్ట్ఫోన్ 2019లో లాంచ్ అయిందని మీకు తెలుసా? ప్రపంచంలోని మొట్టమొదటి 5G స్మార్ట్ఫోన్ గురించి తెలుసుకుందాం.
2016లో 5G ప్రీ-కమర్షియల్ డివైజ్‌లు లాంచ్ అయ్యాయి
5G ప్రీ-కమర్షియల్ డివైజ్‌లు 2016లో లాంచ్ అవ్వడం ప్రారంభించాయి, కానీ వాటిని విస్తృతంగా 2019లో విడుదల చేశారు. ఫిబ్రవరి 2019లో చాలా కంపెనీలు తమ 5G స్మార్ట్‌ఫోన్‌లను చూపించాయి. కానీ వాటిలో కొన్ని చాలా నెలల వరకు లాంచ్ కాలేదు. ఈ సమయంలో శాంసంగ్‌ ప్రపంచంలోనే మొట్టమొదటి 5G ఫోన్‌ను లాంచ్ చేసింది.
శాంసంగ్‌ గాలక్సీ S10 5G మొదట లాంచ్ అయింది
ఈ ఫోన్ మార్చి 2019లో లాంచ్ అవ్వాల్సి ఉంది, కానీ ఆలస్యమైంది. ఇది ఏప్రిల్ 5న మొదటిసారిగా దక్షిణ కొరియా స్టోర్‌లలోకి వచ్చింది. అమెరికాలో కూడా అదే రోజున లాంచ్ అవ్వాల్సి ఉంది, కానీ కొన్ని కారణాల వల్ల ఏప్రిల్ 25 వరకు వాయిదా పడింది. దీని షిప్పింగ్ మే నెలలో ప్రారంభమైంది. LG కూడా ఏప్రిల్ 16న తన మొదటి 5G ఫోన్ V50 ThinQ 5Gని లాంచ్ చేయడానికి సిద్ధమైంది, కానీ ఆలస్యమై మే 11న లాంచ్ చేయగలిగింది. మే నెలలో LGతో పాటు Oppo Reno 5G కూడా లాంచ్ అయింది.
శాంసంగ్‌ గాలక్సీ S10 ఫీచర్లు
శాంసంగ్‌ గాలక్సీ S10 5Gలో 6.7-అంగుళాల డైనమిక్ AMOLED డిస్‌ప్లే ఉంది. ఇది అప్పటి కంపెనీ S10 4G సిరీస్‌లోని అతిపెద్ద ఫోన్ గాలక్సీ S10+ కంటే కూడా పెద్దది. శాంసంగ్‌ మొదటిసారిగా 25W వైర్డ్ ఛార్జింగ్‌కు సపోర్ట్ ఇచ్చింది. ఇది 3D డెప్త్ సెన్సర్‌తో వచ్చిన శాంసంగ్‌ మొదటి ఫోన్. దీని 5G మోడల్ కోసం క్రౌన్ సిల్వర్ కలర్‌ను ప్రత్యేకంగా ఉంచారు, దీనికి ప్రిస్మాటిక్ ఎఫెక్ట్ ఇచ్చారు. వేర్వేరు కోణాల నుంచి చూసినప్పుడు, ఇది వేర్వేరు రంగులను కలిగి ఉంటుంది.
టాప్ హెడ్ లైన్స్
ట్రెండింగ్ వార్తలు
