Satellite Phone Vs Smartphone: శాటిలైట్ ఫోన్ వర్సెస్ స్మార్ట్ ఫోన్ - ఈ రెండిటి మధ్య తేడా ఏంటి?

Satellite Phone: శాటిలైట్ ఫోన్‌కి, స్మార్ట్ ఫోన్‌కి మధ్య తేడా ఏంటి? ఈ రెండూ ఎలా పని చేస్తాయి?

ప్రతీకాత్మక చిత్రం

Source : Pixabay

How Satellite Phone Works: స్మార్ట్‌ఫోన్, శాటిలైట్ ఫోన్ రెండూ ఆధునిక కమ్యూనికేషన్ సాధనాలు. కానీ అవి పనిచేసే విధానం భిన్నంగా ఉంటుంది. స్మార్ట్‌ఫోన్ సాధారణ టెలికాం నెట్‌వర్క్‌పై ఆధారపడి పని చేస్తుంది. కానీ శాటిలైట్ ఫోన్ మాత్రం నేరుగా శాటిలైట్స్‌కు కనెక్ట్ అవ్వడం ద్వారా పని చేస్తుంది. శాటిలైట్ ఫోన్ ఎలా పనిచేస్తుంది? స్మార్ట్ ఫోన్‌కు, శాటిలైట్ ఫోన్‌కు మధ్య ఉన్న తేడా ఏంటి అని ఇప్పుడు తెలుసుకుందాం.

స్మార్ట్‌ఫోన్, శాటిలైట్ ఫోన్ల మధ్య ప్రధాన వ్యత్యాసం ఏంటి?
స్మార్ట్‌ఫోన్‌లు సాధారణంగా టెలిఫోన్ టవర్లు, ఇంటర్నెట్ నెట్‌వర్క్‌ల ద్వారా పని చేస్తాయి. కాలింగ్, మెసేజింగ్, ఇంటర్నెట్ వినియోగం కోసం వారికి 4జీ, 5జ లేదా వైఫై నెట్‌వర్క్‌లు అవసరం. నెట్‌వర్క్ కవరేజ్ లేకపోతే స్మార్ట్‌ఫోన్ ద్వారా కమ్యూనికేషన్ చేయలేం.

మరోవైపు శాటిలైట్ ఫోన్‌లు టెలికాం టవర్‌లకు బదులుగా అంతరిక్షంలో ఉన్న ఉపగ్రహాలకు నేరుగా కనెక్ట్ అవుతాయి. దీని అర్థం ఏ నెట్‌వర్క్ టవర్‌ను ఉపయోగించాల్సిన అవసరం లేదు. దట్టమైన అడవులు, ఎడారులు, సముద్రాలు లేదా పర్వత ప్రాంతాలు వంటి టెలికాం నెట్‌వర్క్ అందుబాటులో లేని ప్రదేశాలలో శాటిలైట్ ఫోన్‌లను ఉపయోగించవచ్చు. 

శాటిలైట్ ఫోన్ ఎలా పని చేస్తుంది?
శాటిలైట్ ఫోన్‌లు నేరుగా ఉపగ్రహాలతో కమ్యూనికేట్ చేసే ప్రత్యేక యాంటెన్నాను కలిగి ఉంటాయి. మీరు కాల్ చేసినప్పుడు లేదా మెసేజ్ పంపినప్పుడు సిగ్నల్ నేరుగా శాటిలైట్‌కు చేరుతుంది. ఈ సిగ్నల్ మరొక శాటిలైట్‌ లేదా గ్రౌండ్ స్టేషన్ ద్వారా రిసీవర్‌కు ప్రసారం అవుతుంది. ఈ ప్రాసెస్ సాధారణ మొబైల్ నెట్‌వర్క్ కంటే ఎక్కువ సమయం, శక్తిని తీసుకుంటుంది.

శాటిలైట్ ఫోన్ల ప్రయోజనాలు
నెట్‌వర్క్ అందుబాటులో లేని మారుమూల ప్రాంతాల్లో కూడా దీన్ని ఉపయోగించవచ్చు. భూకంపాలు లేదా వరదలు వంటి ప్రకృతి వైపరీత్యాల సమయంలో ఇది చాలా ఉపయోగకరంగా ఉంటుంది. ఇది మిలటరీ, సెర్చ్, రెస్క్యూ కార్యకలాపాలలో కూడా ఉపయోగపడుతుంది. అయితే శాటిలైట్ ఫోన్లు ఖరీదైనవి, పెద్దగా ఉంటాయి. అలాగే భద్రతా కారణాల దృష్ట్యా కొన్ని దేశాల్లో వీటి వినియోగం పరిమితం అవుతుంది.

Every phone on the planet will receive a loud and unmistakable alert signal. It will be an intense and penetrating sound that will wake you up, whether you like it or not. The signal will be transmitted directly from Star Link satellites, bypassing traditional media channels pic.twitter.com/XtzzqqLC3n

— Florentin Patriota Q (@Florenpatriotaq) January 2, 2025

BREAKING: Starlink & T-Mobile have activated “Direct to Cell” satellites in hurricane-affected areas. Basic texting is now available for T-Mobile users in the area

Phones connected to a Starlink satellite will show “T-Mobile SpaceX” in the network name. Starlink is saving lives. pic.twitter.com/BjB0GzuMiQ

— DogeDesigner (@cb_doge) October 8, 2024