Vivo Y33e 5G: రూ.15 వేలలోనే వివో కొత్త 5జీ ఫోన్ - అదిరిపోయే ఫీచర్లు కూడా!

ప్రముఖ స్మార్ట్ ఫోన్ బ్రాండ్ వివో తన కొత్త ఫోన్ లాంచ్ చేసింది. అదే వివో వై33ఈ 5జీ.

వివో వై33ఈ 5జీ స్మార్ట్ ఫోన్ మనదేశంలో లాంచ్ అయింది.

వివో చైనాలో కొత్త స్మార్ట్ ఫోన్ లాంచ్ చేసింది. వై-సిరీస్ లాంచ్ అయిన ఈ ఫోన్ వివో వై33ఈ 5జీ. ఇందులో హెచ్‌డీ+ డిస్‌ప్లే, డ్యూయల్ కెమెరాస్, ఆండ్రాయిడ్ 12 వంటి ఫీచర్లు కూడా ఉన్నాయి. 5000 ఎంఏహెచ్ బ్యాటరీ, 10W ఫాస్ట్ చార్జింగ్ సపోర్ట్ కూడా అందించారు.

వివో వై33ఈ 5జీ ధర
ఇందులో కేవలం ఒక్క వేరియంట్ మాత్రమే లాంచ్ అయింది. 4 జీబీ ర్యామ్ + 128 జీబీ స్టోరేజ్ వేరియంట్ ధర 1,299 యువాన్లుగా (సుమారు రూ.15,000) నిర్ణయించారు. ఫ్లుయోరైట్ బ్లాక్, మ్యాజిక్ బ్లూ రంగుల్లో ఈ ఫోన్ కొనుగోలు చేయవచ్చు.

వివో వై33ఈ 5జీ స్పెసిఫికేషన్లు
ఇందులో 6.51 అంగుళాల హెచ్‌డీ+ డిస్‌ప్లేను అందించారు. దీని స్క్రీన్ రిజల్యూషన్ 1600 x 720 పిక్సెల్స్‌గా ఉంది. స్క్రీన్ రిఫ్రెష్ రేట్ 60 హెర్ట్జ్‌గానూ, స్క్రీన్ టు బాడీ రేషియో 88.9 శాతంగానూ ఉంది. మీడియాటెక్ డైమెన్సిటీ 700 ప్రాసెసర్‌పై ఈ ఫోన్ పనిచేయనుంది. 4 జీబీ ర్యామ్, 128 జీబీ స్టోరేజ్‌ను అందించారు.

ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 13 మెగాపిక్సెల్ కాగా..  దీంతోపాటు 2 మెగాపిక్సెల్ మాక్రో కెమెరా కూడా ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు.

ఆండ్రాయిడ్ 12 ఆధారిత ఆరిజిన్ఓఎస్ ఓషన్ ఆపరేటింగ్ సిస్టంపై ఈ ఫోన్ పనిచేయనుంది. దీని బ్యాటరీ సామర్థ్యం 5000 ఎంఏహెచ్ కాగా... 10W స్టాండర్డ్ చార్జింగ్‌ను ఈ ఫోన్ సపోర్ట్ చేయనుంది. 5జీ, వైఫై, బ్లూటూత్ వీ5.1, జీపీఎస్, గ్లోనాస్, యూఎస్‌బీ టైప్-సీ, 3.5 ఎంఎం ఆడియో జాక్ వంటి కనెక్టివిటీ ఫీచర్లు కూడా ఉన్నాయి.

 

 

 

 

 

View this post on Instagram

 

 

 

 

 

 

 

 

 

 

 

A post shared by TechnoBugg (@technobugg)