Vivo Y200 5G: కొత్త 5జీ ఫోన్ లాంచ్ చేయనున్న వివో - ధర, ఫీచర్లు లీక్ - కొనచ్చా? లైట్ తీసుకోవాలా?
ప్రముఖ స్మార్ట్ ఫోన్ బ్రాండ్ వివో తన కొత్త స్మార్ట్ ఫోన్ను రేపు (సోమవారం) లాంచ్ చేయనుంది.
Vivo Y200 5G Price: చైనా స్మార్ట్ ఫోన్ తయారీ కంపెనీ వివో మనదేశంలో కొత్త 5జీ స్మార్ట్ ఫోన్ లాంచ్ చేయనుంది. అదే వివో వై200 5జీ. ఈ స్మార్ట్ ఫోన్ మనదేశంలో రేపు లాంచ్ కానుంది. ఫ్లిప్కార్ట్లో ఈ ఫోన్ కొనుగోలు చేయవచ్చు. దీనికి సంబంధించిన ధర కూడా ఇప్పటికే ఆన్లైన్లో లీక్ అయింది.
వివో వై200 5జీ ధర
కంపెనీ ఈ ఫోన్ను రూ.21,999 ధరతో లాంచ్ చేసే అవకాశం ఉంది. జంగిల్ గ్రీన్, డిజెర్ట్ గోల్డ్ కలర్ ఆప్షన్లలో ఈ ఫోన్ మార్కెట్లో ఎంట్రీ ఇవ్వనుంది. లాంచ్కు ముందు ఈ ఫోన్ పేజీ ఫ్లిప్కార్ట్లో లైవ్ అయింది. అందులో నుంచే ఈ ధర లీక్ అయింది.
వివో వై200 5జీ స్పెసిఫికేషన్లు, ఫీచర్లు
ఇందులో 44W ఫాస్ట్ ఛార్జింగ్ సపోర్ట్ చేసే 5000 ఎంఏహెచ్ బ్యాటరీ ఉండనుంది. కేవలం 19 నిమిషాల్లోనే 50 శాతం ఛార్జింగ్ను ఈ ఫోన్ ఎక్కనుందని కంపెనీ తెలిపింది. ఫోన్ వెనకవైపు రెండు కెమెరాలు ఉండనున్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా, దీంతోపాటు 2 మెగాపిక్సెల్ సెకండరీ కెమెరా కూడా ఉండనుంది. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా ఉండనుంది.
క్వాల్కాం స్నాప్డ్రాగన్ 4 జెన్ 1 ప్రాసెసర్పై ఈ ఫోన్ పని చేయనుంది. ఇక డిస్ప్లే విషయానికి వస్తే... 120 హెర్ట్జ్ రిఫ్రెష్ రేట్ను సపోర్ట్ చేసే 6.67 అంగుళాల ఫుల్ హెచ్డీ+ అమోఎల్ఈడీ డిస్ప్లే కూడా ఇందులో అందించారు.
Read Also: డైనమిక్ ఐల్యాండ్తో లాంచ్ అయిన ఐఫోన్ 15 సిరీస్ - ధర ఎంత పెట్టారు?
Read Also: అత్యధిక బ్యాటరీ బ్యాకప్ ఇచ్చే యాపిల్ వాచ్ ఇదే - యాపిల్ వాచ్ అల్ట్రా 2 వచ్చేసింది!
Read Also: వేళ్లు కదిపితే ఫోన్ ఎత్తేయచ్చు - మైండ్ బ్లోయింగ్ టెక్నాలజీతో యాపిల్ వాచ్ సిరీస్ 9 - ధర ఎంత?
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
