Vivo Y02: రూ.తొమ్మిది వేలలోపే వివో కొత్త ఫోన్ - 1 టీబీ స్టోరేజ్ వరకు - రెడ్‌మీ, రియల్‌మీ ఫోన్లతో పోటీ!
ప్రముఖ స్మార్ట్ ఫోన్ బ్రాండ్ వివో మనదేశంలో కొత్త స్మార్ట్ ఫోన్ లాంచ్ చేసింది. అదే వివో వై02.
వివో వై02 బడ్జెట్ స్మార్ట్ ఫోన్ మనదేశంలో లాంచ్ అయింది. ఇది ఒక ఎంట్రీ లెవల్ స్మార్ట్ ఫోన్. ఇందులో 6.51 అంగుళాల హెచ్‌డీ+ డిస్‌ప్లేను అందించారు. ఆక్టాకోర్ మీడియాటెక్ ప్రాసెసర్‌పై ఈ ఫోన్ పని చేయనుంది. ఫుల్ వ్యూ డిస్‌ప్లేను ఈ ఫోన్‌లో అందించారు. దీని బ్యాటరీ సామర్థ్యం 5000 ఎంఏహెచ్‌గా ఉంది. ఇందులో స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు. రియల్‌మీ సి-సిరీస్, రెడ్‌మీ నంబర్ సిరీస్ ఫోన్లతో ఈ మొబైల్ పోటీ పడనుంది.
వివో వై02 ధర
ఇందులో కేవలం ఒక్క వేరియంట్ మాత్రమే మనదేశంలో లాంచ్ అయింది. 3 జీబీ ర్యామ్ + 32 జీబీ స్టోరేజ్‌తో వచ్చిన ఈ వేరియంట్ ధరను రూ.8,999గా నిర్ణయించారు. ఆర్చిడ్ బ్లూ, కాస్మిక్ గ్రే కలర్ ఆప్షన్లలో ఈ ఫోన్ కొనుగోలు చేయవచ్చు.
వివో వై02 స్పెసిఫికేషన్లు, ఫీచర్లు
ఆండ్రాయిడ్ 12 గో ఎడిషన్ ఆపరేటింగ్ సిస్టంపై ఈ ఫోన్ పని చేయనుంది. ఇందులో 6.51 అంగుళాల హెచ్‌డీ+ ఫుల్ వ్యూ డిస్‌ప్లేను అందించారు. ఇందులో వాటర్ డ్రాప్ స్టైల్ కటౌట్ అందుబాటులో ఉంది. ఆక్టాకోర్ మీడియాటెక్ చిప్‌సెట్‌ను అందించారు. ఇది మీడియాటెక్ హీలియో పీ22 ప్రాసెసర్ అయ్యే అవకాశం ఉంది. 3 జీబీ ర్యామ్ ఇందులో అందించారు.
ఇక కెమెరాల విషయానికి వస్తే... ఫోన్ వెనకవైపు 8 మెగాపిక్సెల్ సెన్సార్‌ను అందించారు. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరా అందుబాటులో ఉంది. ఫేస్ బ్యూటీ, టైమ్ ల్యాప్స్ ఫొటోగ్రఫీ వంటి ఫీచర్లు ఈ ఫోన్‌లో ఉన్నాయి. 32 జీబీ స్టోరేజ్ ఈ ఫోన్‌లో అందించారు. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు. దీని బ్యాటరీ సామర్థ్యం 5000 ఎంఏహెచ్‌గా ఉంది. 10W వైర్డ్ చార్జింగ్, 5W రివర్స్ చార్జింగ్‌లను ఈ ఫోన్ సపోర్ట్ చేయనుంది. దీని మందం 0.85 సెంటీమీటర్లు కాగా, బరువు 186 గ్రాములుగా ఉంది.
Also Read: ఐఫోన్ 14 సిరీస్ వ‌చ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
View this post on Instagram
టాప్ హెడ్ లైన్స్
ట్రెండింగ్ వార్తలు
