ఇది ఊసరవెల్లి ఫోన్ - టెక్నో మోండ్రియన్ ఎడిషన్ సేల్ ప్రారంభం!
ప్రముఖ స్మార్ట్ ఫోన్ బ్రాండ్ టెక్నో మనదేశంలో ఇటీవలే లాంచ్ చేసిన కామోన్ 19 ప్రో మోండ్రియన్ ఎడిషన్ సేల్ ప్రారంభం అయింది.
టెక్నో కామోన్ 19 ప్రో మోండ్రియన్ ఎడిషన్ స్మార్ట్ ఫోన్ సేల్ మనదేశంలో ప్రారంభం అయింది. ఫోన్ వెనకవైపు కలర్ చేంజింగ్ డిజైన్ను అందించడం విశేషం. ఇందులో 120 హెర్ట్జ్ రిఫ్రెష్ రేట్ ఉన్న డిస్ప్లేను అందించారు. మీడియాటెడ్ హీలియో జీ96 ప్రాసెసర్పై టెక్నో కామోన్ 19 ప్రో మోండ్రియన్ ఎడిషన్ పనిచేయనుంది.
టెక్నో కామోన్ 19 ప్రో మోండ్రియన్ ఎడిషన్ ధర
ఇందులో ఒక్క వేరియంట్ మాత్రమే లాంచ్ అయింది. 8 జీబీ ర్యామ్ + 128 జీబీ స్టోరేజ్తో వచ్చిన ఈ వేరియంట్ ధర రూ.17,999గా ఉంది. అమెజాన్లో ఈ ఫోన్ అందుబాటులో ఉంది. ఎస్బీఐ కార్డుల ద్వారా కొనుగోలు చేస్తే అదనంగా 10 శాతం తగ్గింపు లభించనుంది.
టెక్నో కామోన్ 19 ప్రో మోండ్రియన్ ఎడిషన్ ఫీచర్లు
ఈ ఫోన్ వెనకవైపు రంగులు మార్చే ప్యానెల్ను అందించారు. దీని ప్రధాన ఆకర్షణ ఇదే. ఇందులో 6.8 అంగుళాల ఫుల్ హెచ్డీ+ ఎల్టీపీఎస్ డిస్ప్లేను ఇన్ఫీనిక్స్ అందించింది. దీని స్క్రీన్ రిజల్యూషన్ 1080 x 2460 పిక్సెల్స్గానూ, రిఫ్రెష్ రేట్ 120 హెర్ట్జ్గానూ ఉండటం విశేషం. మీడియాటెక్ హీలియో జీ96 ప్రాసెసర్పై ఈ ఫోన్ పనిచేయనుంది.
8 జీబీ ఎల్పీడీడీఆర్4ఎక్స్ ర్యామ్, 128 జీబీ ఇంటర్నల్ స్టోరేజ్ ఇందులో ఉన్నాయి. మెమొరీ ఫ్యూజన్ టెక్నాలజీ ద్వారా ర్యామ్ను 13 జీబీ వరకు పెంచుకోవచ్చు. గేమింగ్ కోసం మీడియాటెక్ హైపర్ ఇంజిన్ 2.0ను కూడా ఇందులో అందించారు.
ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా... దీంతోపాటు 50 మెగాపిక్సెల్ పొర్ట్రెయిట్ సెన్సార్, 2 మెగాపిక్సెల్ మాక్రో కెమెరాలు కూడా అందించారు. సెల్ఫీలు, వీడియో కాల్స్ కోసం ముందువైపు 32 మెగాపిక్సెల్ కెమెరా ఉంది.
దీని బ్యాటరీ సామర్థ్యం 5000 ఎంఏహెచ్గా ఉంది. 33W ఫాస్ట్ చార్జింగ్ను ఈ ఫోన్ సపోర్ట్ చేయనుంది. ఆండ్రాయిడ్ 12 ఆధారిత హైఓఎస్ 8.6 ఆపరేటింగ్ సిస్టంపై టెక్నో కామోన్ 19 ప్రో మోండ్రియన్ ఎడిషన్ 5జీ పనిచేయనుంది. డ్యూయల్ 4జీ వోల్టే, వైఫై, బ్లూటూత్ 5, జీపీఎస్ వంటి కనెక్టివిటీ ఫీచర్లు ఉన్నాయి. ఒక్కసారి చార్జింగ్ పెడితే 37 గంటల బ్యాటరీ బ్యాకప్ను ఈ ఫోన్ అందించనుంది.
Also Read: iPhone 14 Series: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
Also Read: Apple Watch Series 8: యాపిల్ బెస్ట్ వాచ్ వచ్చేసింది - మనదేశంలో ధర ఎంతో తెలుసా?
View this post on Instagram
టాప్ హెడ్ లైన్స్
ట్రెండింగ్ వార్తలు
