IND vs WI 4th T20 Shreyas Iyer | ఉప్పల్‌లో ఓటమిపై కెప్టెన్ శ్రేయస్ అయ్యర్ కామెంట్స్
ఉప్పల్ వేదికగా జరిగిన నాలుగో టీ20లో వెస్టిండీస్ చేతిలో 24 పరుగుల తేడాతో టీమిండియా పరాజయం పాలైన సంగతి తెలిసిందే. ఈ ఓటమిపై భారత టీ20 కెప్టెన్ శ్రేయస్ అయ్యర్ స్పందిస్తూ.. బౌలింగ్ వైఫల్యమే తమ ఓటమికి కారణం అని స్పష్టం చేశాడు. పిచ్‌కు తగ్గట్లు బౌలింగ్ చేయడంలో తమ బౌలర్లు విఫలమయ్యారని, వేసుకున్న ప్లాన్స్‌ను సరిగ్గా అమలు చేయలేకపోయారని అసంతృప్తి వ్యక్తం చేశాడు.
మ్యాచ్ అనంతరం మాట్లాడిన శ్రేయస్.. "మా బౌలర్లు సరైన లైన్ అండ్ లెంగ్త్‌లో బౌలింగ్ చేయలేదు. 250 పరుగుల ఛేజింగ్‌లో బ్యాటర్ల అప్రోచ్ బాగుంది. ఓవర్‌కు 12 రన్స్ చొప్పున పవర్ ప్లేలో మ్యాచ్ మా చేతుల్లోనే ఉన్నప్పటికీ, బౌలింగ్‌లోనే ప్రణాళికలు దెబ్బతిన్నాయి. పిచ్‌ను వెస్టిండీస్ బౌలర్లు బాగా వాడుకున్నారు. నిజం అంగీకరించాల్సిందే.. విండీస్ ఎగ్జిక్యూషన్ అద్భుతంగా ఉండింది. టార్గెట్ పెద్దదైనా మేం 220 పరుగులు చేశామంటే మా ప్లేయర్ల అటిట్యూడ్, గెలవాలనే తపన ఏంటో అర్థమవుతుంది" అని చెప్పుకొచ్చాడు.
ఈ మ్యాచ్‌లో ముందుగా బ్యాటింగ్ చేసిన వెస్టిండీస్.. 20 ఓవర్లలో 247 పరుగుల కొండంత స్కోర్ సాధించింది. 248 రన్స్ లక్ష్యంతో బరిలోకి దిగిన భారత్ 223 పరుగులకు ఆలౌటైంది. సంజూ శాంసన్, తిలక్ వర్మ, నితీష్ కుమార్ రెడ్డి పోరాడినా ఫలితం లేకపోయింది.
టాప్ హెడ్ లైన్స్
ట్రెండింగ్ వార్తలు
