Samsung Price Cut: ఈ శాంసంగ్ బడ్జెట్ ఫోన్‌పై భారీ తగ్గింపు - 6000 ఎంఏహెచ్ బ్యాటరీ వంటి ఫీచర్లు!

ప్రముఖ స్మార్ట్ ఫోన్ బ్రాండ్ శాంసంగ్ తన గెలాక్సీ ఎం32 స్మార్ట్ ఫోన్‌పై రూ.2,000 ధర తగ్గింపును అందించింది.

శాంసంగ్ గెలాక్సీ ఎం32 ధర మనదేశంలో రూ.2,000 మేర తగ్గింది.

శాంసంగ్ గెలాక్సీ ఎం32 ధర మనదేశంలో రూ.2,000 మేర తగ్గింది. ఈ గెలాక్సీ ఎం-సిరీస్ మనదేశంలో గతేడాది జూన్‌లో లాంచ్ అయింది. ఇందులో 6000 ఎంఏహెచ్ భారీ బ్యాటరీని అందించారు. రెండు కలర్ ఆప్షన్లు, రెండు స్టోరేజ్ వేరియంట్లలో ఈ ఫోన్ అందుబాటులో ఉంది. ఫోన్ వెనకవైపు నాలుగు కెమెరాలు ఉన్నాయి.

శాంసంగ్ గెలాక్సీ ఎం32 ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.14,999 నుంచి రూ.12,999కు తగ్గింది. ఇక 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.16,999 నుంచి రూ.14,999కు తగ్గింది. బ్లాక్, లైట్ బ్లూ కలర్ ఆప్షన్లలో ఈ ఫోన్‌ను కొనుగోలు చేయవచ్చు.

శాంసంగ్ గెలాక్సీ ఎం32 స్పెసిఫికేషన్లు
ఆండ్రాయిడ్ 11 ఆధారిత వన్ యూఐ 3.1 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.4 అంగుళాల ఫుల్ హెచ్‌డీ+ సూపర్ అమోఎల్ఈడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్ కాగా, పీక్ బ్రైట్‌నెస్ 800 నిట్స్‌గా ఉంది. ఆక్టాకోర్ మీడియాటెక్ హీలియో జీ80 ప్రాసెసర్‌పై ఈ ఫోన్ పనిచేయనుంది. 6 జీబీ వరకు ర్యామ్, 128 జీబీ వరకు స్టోరేజ్ ఇందులో ఉన్నాయి. స్టోరేజ్‌ను మైక్రో ఎస్‌డీ కార్డు ద్వారా పెంచుకునే అవకాశం ఉంది.

ఈ ఫోన్ వెనకవైపు నాలుగు కెమెరాలు ఉన్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా... దీంతోపాటు 8 మెగాపిక్సెల్ అల్ట్రా వైడ్ యాంగిల్ సెన్సార్, 2 మెగాపిక్సెల్ మాక్రో షూటర్, 2 మెగాపిక్సెల్ డెప్త్ సెన్సార్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 20 మెగాపిక్సెల్ కెమెరాను అందించారు.

6000 ఎంఏహెచ్ భారీ బ్యాటరీ కూడా ఇందులో ఉంది. 25W ఫాస్ట్ చార్జింగ్‌ను ఇది సపోర్ట్ చేయనుంది. 4జీ ఎల్టీఈ, వైఫై, బ్లూటూత్, జీపీఎస్/ఏ-జీపీఎస్, యూఎస్‌బీ టైప్-సీ పోర్టు, 3.5 ఎంఎం హెడ్ ఫోన్ జాక్ కూడా ఇందులో ఉన్నాయి.

 

 

 

 

 

View this post on Instagram

 

 

 

 

 

 

 

 

 

 

 

A post shared by MOBILE & MORE (@mobileandmore_official)