Realme C30s: రూ.8 వేలలోపే రియల్‌మీ కొత్త ఫోన్ - భారీ బ్యాటరీతో!

ప్రముఖ స్మార్ట్ ఫోన్ బ్రాండ్ రియల్‌మీ కొత్త బడ్జెట్ ఫోన్‌ను మనదేశంలో లాంచ్ చేసింది. అదే రియల్‌మీ సీ30ఎస్ స్మార్ట్ ఫోన్.

రియల్‌మీ సీ30ఎస్ స్మార్ట్ ఫోన్ మనదేశంలో లాంచ్ అయింది.

రియల్‌మీ సీ30ఎస్ ఎంట్రీ లెవల్ స్మార్ట్ ఫోన్ మనదేశంలో లాంచ్ అయింది. ఇందులో 5000 ఎంఏహెచ్ భారీ బ్యాటరీని అందించారు. ఆక్టాకోర్ యూనిసోక్ ఎస్సీ9863ఏ ప్రాసెసర్‌పై ఈ ఫోన్ పనిచేయనుంది. ఇందులో 6.5 అంగుళాల డిస్‌ప్లేను అందించారు.

రియల్‌మీ సీ30ఎస్ ధర
ఇందులో రెండు స్టోరేజ్ వేరియంట్లు లాంచ్ అయ్యాయి. వీటిలో ప్రారంభ వేరియంట్ అయిన 2 జీబీ ర్యామ్ + 32 జీబీ స్టోరేజ్ వేరియంట్ ధరను రూ.7,499గా నిర్ణయించారు. ఇక 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.8,999గా ఉంది.

స్ట్రైప్ బ్లాక్, స్ట్రైప్ బ్లూ కలర్ ఆప్షన్లలో ఈ ఫోన్ కొనుగోలు చేయవచ్చు. సెప్టెంబర్ 22వ తేదీన మధ్యాహ్నం 12 గంటలకు ఫ్లిప్‌కార్ట్ ప్లస్ సభ్యులకు దీని సేల్ ప్రారంభం కానుంది. సాధారణ సభ్యులకు సెప్టెంబర్ 23వ తేదీ నుంచి ఈ ఫోన్ అందుబాటులోకి రానుంది.

రియల్‌మీ సీ30ఎస్ స్పెసిఫికేషన్లు
ఇందులో 6.5 అంగుళాల ఎల్సీడీ స్క్రీన్‌ను అందించారు. దీని స్క్రీన్ రిఫ్రెష్ రేట్ 60 హెర్ట్జ్‌గా ఉంది. ఆక్టాకోర్ యూనిసోక్ ఎస్సీ 9863ఏ ప్రాసెసర్‌పై రియల్‌మీ సీ30ఎస్ పనిచేయనుంది. 4 జీబీ వరకు ర్యామ్, 64 జీబీ వరకు స్టోరేజ్ ఇందులో ఉన్నాయి. మైక్రో ఎస్‌డీ కార్డు ద్వారా స్టోరేజ్‌ను 1 టీబీ వరకు పెంచుకోవచ్చు.

ఇక కెమెరాల విషయానికి వస్తే... ఫోన్ వెనకవైపు 8 మెగాపిక్సెల్ కెమెరాను అందించారు. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరా ఉంది. సెల్ఫీ కెమెరా ద్వారా హెచ్‌డీ వీడియోలను 30 ఎఫ్‌పీఎస్ ఫ్రేమ్ రేట్‌లో షూట్ చేయవచ్చు.

ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. 5000 ఎంఏహెచ్ భారీ బ్యాటరీ కూడా ఈ ఫోన్‌లో ఉంది. 2.4 గిగాహెర్ట్జ్ వైఫై, బ్లూటూత్ వీ4.2 కనెక్టివిటీ ఫీచర్లను ఇందులో అందించారు. దీని మందం 0.85 సెంటీమీటర్లు కాగా, బరువు 186 గ్రాములుగా ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Digital Terminal (@digitalterminal)