Realme C30: రూ.10 వేలలోపే రియల్‌మీ కొత్త ఫోన్ - లాంచ్ వచ్చే నెలలోనే?

రియల్‌మీ బడ్జెట్ ఫోన్ సీ30 జూన్‌లో మనదేశంలో లాంచ్ కానున్నట్లు తెలుస్తోంది.

రియల్‌మీ సీ30 స్మార్ట్ ఫోన్ త్వరలో లాంచ్ కానుంది.

రియల్‌మీ ఈ సంవత్సరం ప్రారంభంలో మనదేశంలో సీ31 స్మార్ట్ ఫోన్ లాంచ్ చేసిన సంగతి తెలిసిందే. ప్రస్తుతం తన తర్వాతి బడ్జెట్ ఫోన్ సీ30పై కంపెనీ పనిచేస్తున్నట్లు తెలుస్తోంది. దీనికి సంబంధించిన వివరాలు ఆన్‌లైన్‌లో లీకయ్యాయి.

రియల్‌మీ సీ30 లీక్స్
మైస్మార్ట్‌ప్రైస్ కథనం ప్రకారం... రియల్‌మీ సీ30 మనదేశంలో జూన్‌లో లాంచ్ అయ్యే అవకాశం ఉంది. రెండు స్టోరేజ్ వేరియంట్లలో ఈ ఫోన్ లాంచ్ కానుంది. 2 జీబీ ర్యామ్ + 32 జీబీ స్టోరేజ్, 3 జీబీ ర్యామ్ + 32 జీబీ స్టోరేజ్ వేరియంట్లలో ఈ ఫోన్ కొనుగోలు చేయవచ్చు. సీ30 ధర రూ.10 వేలలోపే ఉండే అవకాశం ఉంది.

డెనిమ్ బ్లాక్, లేక్ బ్లూ, బాంబూ గ్రీన్ రంగుల్లో ఈ ఫోన్ లాంచ్ కానుందని వార్తలు వస్తున్నాయి. రియల్‌మీ సీ31కి కొంచెం ట్రిమ్డ్ డౌన్ వెర్షన్‌గా రియల్‌మీ సీ30 లాంచ్ కానుందని తెలుస్తోంది. రానున్న రోజుల్లో దీని గురించి మరిన్ని లీకులు దీని గురించి వచ్చే అవకాశం ఉంది.

రియల్‌మీ సీ31 మార్చిలో మనదేశంలో లాంచ్ అయింది. ఈ స్మార్ట్ ఫోన్ ధర రూ.8,999 నుంచి ప్రారంభం కానుంది. ఇందులో ఆండ్రాయిడ్ 11 ఆధారిత రియల్‌మీ యూఐ ఆర్ ఆపరేటింగ్ సిస్టంను అందించారు. 6.5 అంగుళాల హెచ్‌డీ+ ఎల్సీడీ డిస్‌ప్లే ఈ ఫోన్‌లో ఉంది.

12 ఎన్ఎం ఆక్టాకోర్ యూనిసోక్ టీ612 ప్రాసెసర్‌ను ఇందులో అందించారు. దీని స్క్రీన్ రిఫ్రెష్ రేట్ 60 హెర్ట్జ్ కాగా... స్క్రీన్ టు బాడీ రేషియో 88.7 శాతంగా ఉంది. 4 జీబీ వరకు ర్యామ్, 64 జీబీ వరకు స్టోరేజ్ ఇందులో ఉన్నాయి. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు.

ఇక కెమెరాల విషయానికి వస్తే... ఇందులో వెనకవైపు మూడు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 13 మెగాపిక్సెల్ కాగా... దీంతోపాటు 2 మెగాపిక్సెల్ మాక్రో సెన్సార్, మోనోక్రోమ్ సెన్సార్లు కూడా ఉన్నాయి. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరా అందించారు.

దీని బ్యాటరీ సామర్థ్యం 5000 ఎంఏహెచ్‌గా ఉంది. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. 4జీ ఎల్టీఈ, వైఫై, బ్లూటూత్ వీ5, 3.5 ఎంఎం హెడ్ ఫోన్ జాక్, యూఎస్‌బీ టైప్-సీ పోర్టు కూడా ఇందులో ఉన్నాయి. దీని మందం 0.84 సెంటీమీటర్లు కాగా... బరువు 197 గ్రాములుగా ఉంది.