JioPhone Next Offer: రూ.4 వేలలోపే స్మార్ట్ ఫోన్ - రూ.14 వేల లాభాలు - బంపర్ ఆఫర్!

భారతదేశ నంబర్ వన్ టెలికాం ఆపరేటర్ జియో మనదేశంలో లాంచ్ చేసిన జియోఫోన్ నెక్స్ట్‌పై భారీ ఆఫర్‌ను అందించింది.

జియో ఫోన్ నెక్స్ట్‌పై తగ్గింపును అందించారు.

జియోఫోన్ నెక్ట్స్ స్మార్ట్ ఫోన్ గతేడాది మనదేశంలో లాంచ్ అయింది. ఎంట్రీ లెవల్‌లో ఈ స్మార్ట్ ఫోన్‌ను జియో తీసుకువచ్చింది. అయితే వినియోగదారులు ఆశించిన స్థాయిలో ఈ ఫోన్ ధర లేకపోవడంతో దీని ధరను కంపెనీ మరింత తగ్గించింది. 

జియో ఫోన్ నెక్స్ట్ ధర
ఈ స్మార్ట్ ఫోన్ లాంచ్ అయినప్పుడు దీని ధర రూ.6,499గా ఉంది. ఇప్పుడు అమెజాన్‌లో ఈ ఫోన్ రూ.4,490 ధరకే లిస్ట్ అయింది. సిటీ బ్యాంకు క్రెడిట్ కార్డు ద్వారా కొనుగోలు చేస్తే అదనంగా మరో రూ.450 తగ్గింపు లభించనుంది. అంటే రూ.4,050కే ఈ ఫోన్ కొనుగోలు చేయవచ్చన్న మాట. కానీ ఈ ఫోన్ ద్వారా రూ.14,000 విలువైన లాభాలు లభించనున్నాయి.

జియో ఫోన్ నెక్స్ట్ స్పెసిఫికేషన్లు
ఇందులో 5.45 అంగుళాల హెచ్‌డీ+ డిస్‌ప్లేను అందించారు. కార్నింగ్ గొరిల్లా గ్లాస్ 3 ప్రొటెక్షన్ కూడా ఇందులో అందించారు. క్వాల్‌కాం స్నాప్‌డ్రాగన్ 215 ప్రాసెసర్‌పై ఈ ఫోన్ పనిచేయనుంది. 2 జీబీ ర్యామ్, 32 జీబీ స్టోరేజ్ ఇందులో ఉన్నాయి. దీన్ని మైక్రో ఎస్‌డీ కార్డు ద్వారా 512 జీబీ వరకు పెంచుకోవచ్చు.

ఇక కెమెరాల విషయానికి వస్తే.. ఇందులో వెనకవైపు 13 మెగాపిక్సెల్ కెమెరా, ముందువైపు 8 మెగాపిక్సెల్ కెమెరా ఉండనున్నాయి. దీని బ్యాటరీ సామర్థ్యం 3500 ఎంఏహెచ్‌గా ఉంది. మైక్రో యూఎస్‌బీ పోర్టును ఇందులో అందించారు. డ్యూయల్ సిమ్ కార్డు స్లాట్ కూడా ఇందులో ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Jio (@reliancejio)