Infinix Zero 20: 108 మెగాపిక్సెల్ కెమెరాతో ఇన్‌ఫీనిక్స్ జీరో 20 - ఫీచర్లు ఎలా ఉన్నాయో తెలుసా?
ఇన్‌ఫీనిక్స్ తన కెమెరా సెంట్రిక్ మొబైల్ జీరో 20ని గ్లోబల్ మార్కెట్లో లాంచ్ చేసింది. ఇందులో 108 మెగాపిక్సెల్ కెమెరాను అందించారు.
ఇన్‌ఫీనిక్స్ జీరో 20 స్మార్ట్ ఫోన్ గ్లోబల్ మార్కెట్లో లాంచ్ అయింది. మీడియాటెక్ హీలియో జీ99 ప్రాసెసర్‌పై ఈ ఫోన్ పనిచేయనుంది. 6.7 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లే, ఆండ్రాయిడ్ 12 ఆపరేటింగ్ సిస్టం వంటి ఫీచర్లు ఈ ఫోన్‌లో అందించారు.
ఇన్‌ఫీనిక్స్ జీరో 20 ధర
ఇందులో కేవలం ఒక్క వేరియంట్ మాత్రమే లాంచ్ అయింది. 8 జీబీ ర్యామ్ + 256 జీబీ స్టోరేజ్‌తో వచ్చిన ఈ వేరియంట్ ధరను 249 యూరోలుగా (సుమారు రూ.21,000) నిర్ణయించారు. గ్రే, గోల్డ్ కలర్ ఆప్షన్లలో ఈ ఫోన్ కొనుగోలు చేయవచ్చు. అక్టోబర్ 5వ తేదీన ఈ ఫోన్ మనదేశంలో లాంచ్ కానుందని తెలుస్తోంది.
ఇన్‌ఫీనిక్స్ జీరో 20 స్పెసిఫికేషన్లు, ఫీచర్లు
ఇందులో 6.7 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్ కాగా, వాటర్ డ్రాప్ తరహా నాచ్ కూడా ఇందులో ఉంది. మీడియాటెక్ హీలియో జీ99 ప్రాసెసర్‌పై ఈ ఫోన్ పనిచేయనుంది. దీని బ్యాటరీ సామర్థ్యం 4500 ఎంఏహెచ్ కాగా, 45W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది.
ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 108 మెగాపిక్సెల్ కాగా, దీంతోపాటు 13 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో షూటర్ కూడా అందించారు. సెల్పీలు, వీడియో కాల్స్ కోసం ముందువైపు 60 మెగాపిక్సెల్ కెమెరా ఉంది. డ్యూయల్ ఫ్లాష్, ఆప్టికల్ ఇమేజ్ స్టెబిలైజేషన్, ఆటో ఫోకస్ వంటి ఫీచర్లు అందించారు.
మైక్రో ఎస్‌డీ కార్డు ద్వారా స్టోరేజ్‌ను పెంచుకోవచ్చు. వైఫై, బ్లూటూత్ వీ5.0, ఎన్ఎఫ్‌సీ కనెక్టివిటీలు ఈ ఫోన్‌లో ఉన్నాయి. యూఎస్‌బీ టైప్-సీ, 3.5 ఎంఎం హెడ్ ఫోన్ జాక్‌లు కూడా ఇందులో అందించారు.
Also Read: iPhone 14 Series: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
Also Read: Apple Watch Series 8: యాపిల్ బెస్ట్ వాచ్ వచ్చేసింది - మనదేశంలో ధర ఎంతో తెలుసా?
View this post on Instagram
టాప్ హెడ్ లైన్స్
ట్రెండింగ్ వార్తలు
and tablets
