Teen Instagram Account: ఆ వయసు గల వారికి సరికొత్తగా ఇన్స్టా అకౌంట్స్ - ఇకపై పేరెంట్స్ కంట్రోల్లో
మెటా ఓ కీలక నిర్ణయం తీసుకుంది. 18 ఏళ్లలోపు వారి కోసం ఇన్స్టాగ్రామ్ లో టీన్ అకౌంట్స్ అకౌంట్ను తీసుకొచ్చింది. పిల్లలకు ఇన్స్టాను సురక్షిత వేదికగా మార్చే ప్రయత్నం చేస్తున్నట్లు తెలిపింది.
Instagram Teen Accounts : సోషల్ మీడియా ప్రతి ఒక్కరి జీవితంలో భాగమైపోయింది. స్మార్ట్ ఫోన్ చేతిలోనే ఉండడంతో సోషల్ మీడియా ప్లాట్ ఫామ్స్ విపరీతంగా పెరిగిపోయాయి. చిన్నా, పెద్ద అని తేడా లేకుండా ప్రతీ ఒక్కరూ దీని మత్తులోనే ఉంటున్నారు. కొంతమంది దీనిని అవసరం కోసం వాడితే మరికొంత మంది బానిసగా మారుతున్నారు. ముఖ్యంగా చిన్న పిల్లల జీవితాలపై ఈ సోషల్ మీడియా ప్రభావం ఎక్కువగా ఉంటోంది. చాలా సందర్భాల్లో ఈ విషయమై ఆందోళనలు కూడా వ్యక్తమయ్యాయి.
ఈ నేపథ్యంలో మెటా ఓ కీలక నిర్ణయం తీసుకున్నట్లు తెలిపింది. 18 ఏళ్లలోపు ఉన్న వారి కోసం ఇన్స్టాగ్రామ్ లో ఓ ప్రత్యేక అకౌంట్ను తీసుకొచ్చింది. టీన్ అకౌంట్స్ పేరిట దీన్ని రూపొందించింది. పిల్లలకు ఈ ఇన్స్టా అనేది సురక్షిత వేదికగా మార్చేందుకు దీన్ని అందుబాటులోకి తీసుకొచ్చింది.
యూకే, యూఎస్, ఆస్ట్రేలియా, కెనడాలోనూ ఈ కొత్త అకౌంట్లను తీసుకొచ్చారు. అలానే కొత్తగా ఇన్స్టాలో అకౌంట్ క్రియేట్ చేసుకునే 18 ఏళ్లలోపు వారికి కూడా ఇకపై టీన్ అకౌంట్లను మాత్రమే కేటాయిస్తారు. ఇప్పటికే ఉన్న ఖాతాలను కూడా 60 రోజుల్లో టీన్ అకౌంట్లుగా మార్చనున్నారు.
ఈ టీన్ అకౌంట్స్లో పేరెంటల్ కంట్రోల్స్ కూడా ఉంటాయి. దీంతో 16 ఏళ్లలోపు ఉన్న యూజర్స్ డిఫాల్ట్ సెట్టింగ్స్ మార్చుకోవాలనుకుంటే తల్లిదండ్రుల అనుమతి తీసుకోవాల్సిందే. తద్వారా పిల్లలు ఉపయోగించే ఇన్స్టా ఖాతాపై తల్లిదండ్రులు నిఘా పేట్టే అవకాశం ఉంటుంది. ఇంకా ఈ అకౌంట్లు డిఫాల్ట్గా ప్రైవేట్లో ఉంటాయి. ఈ అకౌంట్లు ఉన్న యూజర్స్ కేవలం ఫాలో/ కనెక్ట్ అయిన అకౌంట్స్ నుంచి మాత్రమే మెసేజ్ను అందుకోగలరు. ఇంకా సెన్సిటివ్ కంటెంట్పై కూడా పూర్తిగా నియంత్రణ ఉంటుంది.
ఈ ఇన్స్టా టీన్ అకౌంట్స్తో లాభాలు ఇవే!
టీన్ అకౌంట్స్ డిఫాల్ట్గానే ప్రైవేట్ అకౌంట్లుగా వస్తాయి. తద్వారా కొత్తగా ఎవరైనా ఈ మైనర్ల అకౌంట్లను ఫాలో అవ్వాలనుకుంటే, ఆ రిక్వెస్టులను సదరు మైనర్ అకౌంట్లు యాక్సెప్ట్ చేయాల్సిందే. అలా వారు యాక్సెప్ట్ చేయకపోతే వారు పోస్ట్ చేసిన కంటెంట్ను చూడడం కుదరదు.
ఫాలో అయ్యే యూజర్స్, లేదా కనెక్ట్ అయిన యూజర్స్ నుంచి మాత్రమే మెసేజ్ వస్తాయి.
ఈ టీన్ అకౌంట్స్కు సెన్సిటివ్ కంటెంట్ కంట్రోల్ కూడా ఉంటుంది.
డైరెక్ట్ మెసేజ్లు, కామెంట్లలో వల్గర్ వర్డ్స్ను ఇన్స్టానే ఫిల్టర్ చేసేస్తుంది
ఓ రోజులో ఇన్స్టా యాప్ వాడకం 60 నిమిషాలు దాటితే, కచ్చితంగా నోటిఫికేషన్ వస్తుంది.
రాత్రి 10 నుంచి ఉదయం 7 గంటల వరకు ఆటోమెటిక్గా స్లీప్ మోడ్ ఆన్ అయిపోతుంది. ఆ సమయంలో నోటిఫికేషన్లు రావు. డైరెక్ట్ మెసేజ్లకు ఆటో రిప్లైస్ వెళ్తాయి.
పేరెంట్స్ ఈ టీన్ అకౌంట్లను తమ ఆధీనంలోకి తీసుకోవచ్చు. వారి సందేశాలను యాక్సెస్ చేయొచ్చు. రోజువారీ యూసేజ్ను కూడా ఎప్పటికప్పుడు చూడొచ్చు. నిర్ణీత సమయంలో ఇన్స్టా వాడకుండా ఉండేలా బ్లాక్ చేసే వెసులుబాటు ఉంది.
జనవరి నాటికి ప్రపంచ వ్యాప్తంగా ఈ టీన్ అకౌంట్లు పూర్తి స్తాయిలో అందుబాటులోకి వస్తాయి.
Before You Go
Perplexity AI CEO Aravind Srinivas Biography | 30ఏళ్ల వయస్సుకే AI ప్రపంచాన్ని శాసిస్తున్న ఇండియన్ | ABP Desam
టాప్ హెడ్ లైన్స్
ట్రెండింగ్ వార్తలు
