Honor New Launch: కొత్త ట్యాబ్లెట్తో రానున్న హానర్ - భారీ డిస్ప్లే, బ్యాటరీతో!
ప్రముఖ స్మార్ట్ ఫోన్ బ్రాండ్ హానర్ మనదేశంలో కొత్త ట్యాబ్లెట్ లాంచ్ చేయనుందని తెలుస్తోంది.
హువావే నుంచి ఇండిపెండెంట్ బ్రాండ్గా మారిన హానర్ మనదేశంలో చాలా కాలం తర్వాత కొత్త ఉత్పత్తిని లాంచ్ చేయనుందని తెలుస్తోంది. అదే హానర్ ప్యాడ్ 8 అనే ట్యాబ్లెట్. ఇది అంతర్జాతీయ మార్కెట్లో జులైలో లాంచ్ అయింది. భారతీయ ట్యాబ్లెట్ మార్కెట్లో ఇది కూడా త్వరలో అడుగు పెట్టనుందని సమాచారం.
జీఎస్ఎంఎరీనా కథనం ప్రకారం... హానర్ ప్యాడ్ 8 ఇప్పటికే ఫ్లిప్కార్ట్లో లిస్ట్ అయింది. అయితే సరిగ్గా ఎప్పుడు లాంచ్ కానుందో మాత్రం తెలియరాలేదు. క్వాల్కాం స్నాప్డ్రాగన్ 680 ప్రాసెసర్పై ఈ ట్యాబ్లెట్ పని చేయనుంది.
హానర్ ప్యాడ్ 8 ధర (అంచనా)
ఈ ట్యాబ్లో చైనాలో మూడు వేరియంట్లలో లాంచ్ అయింది. వీటిలో ప్రారంభ వేరియంట్ అయిన 4 జీబీ ర్యామ్ + 128 జీబీ స్టోరేజ్ వేరియంట్ ధరను 1,499 యువాన్లుగా (సుమారు రూ.17,700) నిర్ణయించారు. ఇక 6 జీబీ ర్యామ్ + 128 జీబీ స్టోరేజ్ వేరియంట్ ధర 1,799 యువాన్లుగానూ (సుమారు రూ.21,240), 8 జీబీ ర్యామ్ + 128 జీబీ స్టోరేజ్ వేరియంట్ ధర 1,999 యువాన్లుగానూ (సుమారు రూ.23,600) నిర్ణయించారు. మింట్ గ్రీన్, డాన్ బ్లూ, డాన్ గోల్డ్ రంగుల్లో ఈ ట్యాబ్ అందుబాటులోకి వచ్చింది. మనదేశంలో కూడా ఇదే ధరతో ఈ ట్యాబ్ లాంచ్ అయ్యే అవకాశం ఉంది.
హానర్ ప్యాడ్ 8 స్పెసిఫికేషన్లు
ఈ బడ్జెట్ ట్యాబ్ ఇప్పటికే చైనాలో లాంచ్ అయింది కాబట్టి స్పెసిఫికేషన్ల విషయంలో ఎటువంటి రహస్యం లేదు. దీని చైనా వేరియంట్లో 12 అంగుళాల 2కే ఎల్సీడీ డిస్ప్లేను అందించారు. దీని స్క్రీన్ రిజల్యూషన్ 2000 x 1200 పిక్సెల్స్ గానూ, స్క్రీన్ టు బాడీ రేషియో 87 శాతం గానూ ఉంది.
8 జీబీ వరకు ర్యామ్, 128 జీబీ వరకు స్టోరేజ్ హానర్ ప్యాడ్ 8లో ఉన్నాయి. మైక్రో ఎస్డీ కార్డు ద్వారా స్టోరేజ్ను 1 టీబీ వరకు పెంచుకునే అవకాశం ఉంది. ట్యాబ్లెట్ వెనకవైపు 5 మెగాపిక్సెల్ కెమెరా అందించారు. ముందువైపు కూడా 5 మెగాపిక్సెల్ కెమెరానే ఉంది. దీని బ్యాటరీ సామర్థ్యం 7250 ఎంఏహెచ్ కాగా, 22.5W ఫాస్ట్ చార్జింగ్ను హానర్ ప్యాడ్ 8 సపోర్ట్ చేయనుంది.
క్వాల్కాం స్నాప్డ్రాగన్ 680 ప్రాసెసర్పై ఈ ట్యాబ్లెట్ పనిచేయనుంది. ఎనిమిది స్పీకర్లను హానర్ ప్యాడ్ 8లో అందించారు. వైఫై, బ్లూటూత్ 5, జీపీఎస్, యూఎస్బీ టైప్-సీ పోర్టు వంటి కనెక్టివిటీ ఫీచర్లు ఉన్నాయి. దీని మందం 0.69 సెంటీమీటర్లు కాగా, బరువు 520 గ్రాములుగా ఉంది.
Also Read: iPhone 14 Series: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
Also Read: Apple Watch Series 8: యాపిల్ బెస్ట్ వాచ్ వచ్చేసింది - మనదేశంలో ధర ఎంతో తెలుసా?
టాప్ హెడ్ లైన్స్
ట్రెండింగ్ వార్తలు
