Honor Pad 8: హానర్ బడ్జెట్ ట్యాబ్లెట్ వచ్చేసింది - ఏకంగా 12 అంగుళాల డిస్‌ప్లే!

ప్రముఖ స్మార్ట్ ఫోన్ బ్రాండ్ హానర్ చైనాలో కొత్త ట్యాబ్లెట్‌ను లాంచ్ చేసింది.

హానర్ ప్యాడ్ 8 ట్యాబ్లెట్ మనదేశంలో లాంచ్ అయింది.

హానర్ చైనాలో కొత్త ట్యాబ్లెట్ లాంచ్ చేసింది. అదే హానర్ ప్యాడ్ 8. గతేడాది మనదేశంలో లాంచ్ అయిన హానర్ ప్యాడ్ 7కు తర్వాతి వెర్షన్‌గా ఈ ఫోన్ లాంచ్ అయింది. ఇందులో 12 అంగుళాల 2కే డిస్‌ప్లేను కంపెనీ అందించింది.

హానర్ ప్యాడ్ 8 ధర
ఇందులో మూడు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 4 జీబీ ర్యామ్ + 128 జీబీ స్టోరేజ్ వేరియంట్ ధరను 1,499 యువాన్లుగా (సుమారు రూ.17,700) నిర్ణయించారు. ఇక 6 జీబీ ర్యామ్ + 128 జీబీ స్టోరేజ్ వేరియంట్ ధర 1,799 యువాన్లుగానూ (సుమారు రూ.21,240), 8 జీబీ ర్యామ్ + 128 జీబీ స్టోరేజ్ వేరియంట్ ధర 1,999 యువాన్లుగానూ (సుమారు రూ.23,600) నిర్ణయించారు. మింట్ గ్రీన్, డాన్ బ్లూ, డాన్ గోల్డ్ రంగుల్లో ఈ ఫోన్ కొనుగోలు చేయవచ్చు.

హానర్ ప్యాడ్ 8 స్పెసిఫికేషన్లు
ఈ ట్యాబ్లెట్‌లో 12 అంగుళాల 2కే ఎల్సీడీ డిస్‌ప్లేను అందించారు. దీని స్క్రీన్ రిజల్యూషన్ 2000 x 1200 పిక్సెల్స్‌గానూ, స్క్రీన్ టు బాడీ రేషియో 87 శాతంగానూ ఉంది. దీని మందం కూడా కేవలం 0.69 సెంటీమీటర్లుగా ఉంది. క్వాల్‌కాం స్నాప్‌డ్రాగన్ 680 ప్రాసెసర్‌పై ఈ ట్యాబ్లెట్ పనిచేయనుంది.

8 జీబీ వరకు ర్యామ్, 128 జీబీ వరకు స్టోరేజ్ ఇందులో ఉన్నాయి. మైక్రో ఎస్‌డీ కార్డు ద్వారా స్టోరేజ్‌ను 1 టీబీ వరకు పెంచుకోవచ్చు. ట్యాబ్లెట్ వెనకవైపు, ముందువైపు 5 మెగాపిక్సెల్ కెమెరాలను అందించారు. దీని బ్యాటరీ సామర్థ్యం 7250 ఎంఏహెచ్ కాగా, 22.5W ఫాస్ట్ చార్జింగ్‌ను ఈ ట్యాబ్ సపోర్ట్ చేయనుంది.

ఎనిమిది స్పీకర్లను ఈ ట్యాబ్లెట్‌లో అందించారు. వైఫై, బ్లూటూత్ 5, జీపీఎస్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు ఉన్నాయి. దీని మందం 0.69 సెంటీమీటర్లు కాగా, బరువు 520 గ్రాములుగా ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Jani Dushman (@janidushman_2011)