Gutta Jwala: హ్యాపీ బర్త్ డే గుత్తా జ్వాల... తొలిసారి పెళ్లి వీడియో షేర్ చేసిన జ్వాల భర్త విష్ణు విశాల్
జ్వాల 38వ పుట్టిన రోజు. ఈ సందర్భంగా ఆమె భర్త, హీరో విష్ణు విశాల్ ఫ్యాన్స్కు సర్ ప్రైజ్ ఇచ్చాడు.
బ్యాడ్మింటన్ క్రీడాకారిణి గుత్తా జ్వాల, తమిళ హీరో విష్ణు విశాల్ ఈ ఏడాది ఏప్రిల్ 22న అంగరంగ వైభవంగా జరిగిన సంగతి తెలిసిందే. కరోనా కారణంగా ఇరు కుటుంబసభ్యులు, అతి కొద్ది మంది అతిథుల సమక్షంలో వీరి వివాహం జరిగింది. నేడు (సెప్టెంబర్ 7) గుత్తా జ్వాల 38వ పుట్టిన రోజు. ఈ సందర్భంగా ఆమె భర్త, హీరో విష్ణు విశాల్ ఫ్యాన్స్కు సర్ ప్రైజ్ ఇచ్చాడు. వీరి పెళ్లికి సంబంధించిన వీడియోను తొలిసారి సోషల్ మీడియా వేదికగా అభిమానులతో పంచుకున్నాడు.
Sharing with you all our wedding video...
— VISHNU VISHAL - V V (@TheVishnuVishal) September 7, 2021
Thank you all for the love and support so far in this journey of LIFE...@Guttajwala
Thank you 'THE STORY BOX' for the lovely video...
▶️ https://t.co/AYq80CoHGD
Happy Birthday wishes to #JwalaGutta 🎂
ప్రస్తుతం ఈ వీడియో సోషల్ మీడియాలో వైరల్గా మారింది. మెహందీ, హల్దీ వేడుకతో పాటు పెళ్లి, రిసెప్షన్కి సంబంధించిన సన్నివేశాలు ఈ వీడియోలో ఉన్నాయి. ఇక రిసెప్షన్ పార్టీలో విశాల్, జ్వాల కుటుంబ సభ్యులు చేసిన హంగామా అంతా ఇంతా కాదు. ఒకరికి మంచి మరొకరు స్టెప్పులు వేస్తూ ఎంజాయ్ చేశారు. ఈ వీడియో నెటిజన్లను తెగ ఆకట్టుకుంటోంది. ఇద్దరికి ఇది రెండో పెళ్లి. జ్వాలా బ్యాడ్మింటన్ ప్లేయర్ చేతన్ ఆనంద్ని 2005లో పెళ్లి చేసుకున్న సంగతి తెలిసిందే.
Happy birthday @Guttajwala
— VISHNU VISHAL - V V (@TheVishnuVishal) September 6, 2021
Keep shining and keep spreading happiness..
❤ pic.twitter.com/MMnoRcm00G
పలు కారణాలతో 2011లో ఈ జంట విడిపోయారు. తర్వాత చేతన్ మరో పెళ్లి చేసుకున్నాడు. విష్ణు విశాల్ కూడా 2011లో ప్రముఖ తమిళ నటుడు కె.నటరాజ్ కుమార్తె రజినీని వివాహం చేసుకున్నాడు. వీరికి ఆర్యన్ అనే బాబు కూడా ఉన్నాడు. మనస్పర్థల కారణంగా ఈ జంట 2018లో విడాకులు తీసుకున్నారు. విష్ణు విశాల్ సోదరి వివాహంలో జ్వాలను తొలిసారి కలుసుకున్నాడు. ఈ పరిచయం కాస్తా ప్రేమగా మారడంతో కొన్నేళ్లపాటు డేటింగ్లో ఉన్నారు. ఆ తర్వాత ఇరువురు కుటుంబసభ్యులను ఒప్పించి ఈ ఏడాది ఏప్రిల్లో పెళ్లితో ఒక్కటయ్యారు.
My best bday gift ❤️
— Gutta Jwala (@Guttajwala) September 7, 2021
Myruuuuu pic.twitter.com/uNmK3NUy7x
టాప్ హెడ్ లైన్స్
ట్రెండింగ్ వార్తలు
