Virat Kohli: నాలుగు వన్డేల్లో మూడో సెంచరీ - ఊర మాస్ ఫాంలో కింగ్ కోహ్లీ!
మూడో వన్డేలో శ్రీలంకపై సెంచరీ చేయడం ద్వారా విరాట్ కోహ్లీ గత నాలుగు వన్డేల్లోనో మూడో శతకాన్ని అందుకున్నాడు.
Virat Kohli Century: భారత జట్టు స్టార్ బ్యాట్స్మెన్ విరాట్ కోహ్లీ 2023లో అద్భుతమైన రిథమ్లో కనిపిస్తున్నాడు. ఈ ఏడాది తను ఆడిన మూడో వన్డేల్లోనే అతను రెండు సెంచరీలు సాధించాడు. శ్రీలంకతో జరుగుతున్న మూడో వన్డేలో 110 బంతుల్లో 166 పరుగులతో అజేయంగా నిలిచాడు. అతని ఇన్నింగ్స్లో మొత్తం 13 ఫోర్లు, ఎనిమిది సిక్సర్లు ఉన్నాయి. ఇందులో అతని స్ట్రైక్ రేట్ 150 కంటే ఎక్కువ.
వన్డేల్లో తొలిసారిగా ఎనిమిది సిక్సర్లు కొట్టాడు. ఈ కొత్త సంవత్సరంలో కోహ్లి తనకు తెలిసిన స్టైల్లోనే కనిపిస్తున్నాడు. చాలా కాలం తర్వాత కోహ్లి తన పాత అవతార్లో వచ్చాడు. కింగ్ కోహ్లి శ్రీలంకపై సెంచరీ చేసి ఎన్నో పెద్ద రికార్డులు సృష్టించాడు.
వన్డేల్లో ఏ జట్టుపైనా అత్యధిక సెంచరీలు
శ్రీలంకపై వన్డేల్లో అత్యధిక సెంచరీలు చేసిన బ్యాట్స్మెన్గా కింగ్ కోహ్లీ నిలిచాడు. శ్రీలంకతో వన్డేల్లో అతనికి ఇది 10వ సెంచరీ. శ్రీలంకపై ఏ బ్యాట్స్మెన్ చేసిన సెంచరీలలో ఇదే అత్యధికం. విరాట్ తర్వాత సచిన్ టెండూల్కర్ రెండవ స్థానంలో ఉన్నాడు. సచిన్ తన అంతర్జాతీయ కెరీర్లో ఆస్ట్రేలియాపై వన్డేల్లో మొత్తంగా తొమ్మిది సెంచరీలు సాధించాడు.
భారత్లో అత్యధిక సెంచరీలు
గౌహతిలో శ్రీలంకతో జరిగిన తొలి వన్డేలో సెంచరీ చేయడం ద్వారా కింగ్ కోహ్లీ భారత్లో తన 21వ సెంచరీని నమోదు చేశాడు. ఇప్పుడు మూడో వన్డేలో 22వ సెంచరీ కూడా పూర్తి చేసుకున్నాడు. తొలి వన్డేలోనే సచిన్ టెండూల్కర్ రికార్డును కింగ్ కోహ్లీ బద్దలు కొట్టాడు. సచిన్ టెండూల్కర్ తన కెరీర్లో భారత్లో ఆడుతూ మొత్తం 20 సెంచరీలు చేశాడు.
గత నాలుగు మ్యాచ్ల్లో మూడో సెంచరీ
విరాట్ కోహ్లీ తన చివరి నాలుగు వన్డేల్లో మూడు సెంచరీలు సాధించడం గమనార్హం. 2022 డిసెంబర్ 10వ తేదీన బంగ్లాదేశ్తో జరిగిన వన్డే మ్యాచ్లో సెంచరీ సాధించాడు. ఈ మ్యాచ్లో అతను 91 బంతుల్లో 113 పరుగులు చేశాడు. దీని తర్వాత గౌహతిలో శ్రీలంకతో జరిగిన తొలి వన్డే మ్యాచ్లో సెంచరీ సాధించాడు. ఆ మ్యాచ్లో విరాట్ 87 బంతుల్లో 113 పరుగులు చేశాడు. ఇప్పుడు ఈ సెంచరీతో గత నాలుగు వన్డేల్లోనే మూడు శతకాలు పూర్తి చేశాడు.
View this post on Instagram
టాప్ హెడ్ లైన్స్
ట్రెండింగ్ వార్తలు
