SRH Vs KKR: కోల్‌కతాను కట్టడి చేసిన సన్‌రైజర్స్ - టార్గెట్ ఎంతంటే?

ఐపీఎల్ 2023లో సన్‌రైజర్స్ హైదరాబాద్‌‌తో జరుగుతున్న మ్యాచ్‌లో కోల్‌కతా నైట్‌రైడర్స్‌‌ 20 ఓవర్లలో తొమ్మిది వికెట్ల నష్టానికి 171 పరుగులు చేసింది.

మ్యాచ్‌లో అద్భుతమైన క్యాచ్ పడుతున్న ఎయిడెన్ మార్క్రమ్

Source : IPL/Twitter

Punjab Kings vs Kolkata Knight Riders: ఐపీఎల్‌ 2023 సీజన్ 47వ మ్యాచ్‌లో కోల్‌కతా నైట్‌రైడర్స్‌ను సన్‌రైజర్స్ హైదరాబాద్ కట్టడి చేసింది. ఈ మ్యాచ్‌లో మొదట బ్యాటింగ్ చేసిన కోల్‌కతా నైట్‌రైడర్స్ (KKR) 20 ఓవర్లలో తొమ్మిది వికెట్ల నష్టానికి 171 పరుగులు చేసింది. రింకూ సింగ్ (46: 35 బంతుల్లో, నాలుగు ఫోర్లు, ఒక సిక్సర్) టాప్ స్కోరర్‌గా నిలిచాడు. కీలకమైన చివరి ఐదు ఓవర్లలో కోల్‌కతా కేవలం 42 పరుగులే చేయగలిగింది. సన్‌రైజర్స్ హైదరాబాద్ విజయానికి 120 బంతుల్లో 172 పరుగులు కావాలి.

ఈ మ్యాచ్‌లో టాస్ గెలిచిన కోల్‌కతా నైట్‌రైడర్స్ మొదట బ్యాటింగ్ ఎంచుకుంది. ఇన్నింగ్స్ రెండో ఓవర్లోనే మార్కో జాన్సెన్ కోల్‌కతాను దెబ్బ తీశాడు. రహ్మనుల్లా గుర్బాజ్ (0: 1 బంతి), వెంకటేష్ అయ్యర్‌లను (7: 4 బంతుల్లో, ఒక ఫోర్) పెవిలియన్ బాట పట్టించాడు. దీంతో కోల్‌కతా 16 పరుగులకే రెండు వికెట్లు కోల్పోయింది. ఆ తర్వాత కాసేపటికే జేసన్ రాయ్ (20: 19 బంతుల్లో, నాలుగు ఫోర్లు) కూడా అవుట్ అయ్యాడు.

అయితే కెప్టెన్ నితీష్ రాణా (42: 31 బంతుల్లో, మూడు ఫోర్లు, మూడు సిక్సర్లు), రింకూ సింగ్ (46: 35 బంతుల్లో, నాలుగు ఫోర్లు, ఒక సిక్సర్) ఇన్నింగ్స్‌ను కుదుటపరిచారు. వీరు నాలుగో వికెట్‌కు 6.4 ఓవర్లలోనే 61 పరుగులు జోడించారు. వీరి భాగస్వామ్యం బలపడుతున్న బలపడుతున్న దశలో కెప్టెన్ మార్క్రమ్ అద్భుతమైన రిటర్న్ క్యాచ్‌తో నితీష్ రాణాను పెవిలియన్ బాట పట్టించాడు. అతని స్థానంలో వచ్చిన విధ్వంసక బ్యాటర్ ఆండ్రీ రసెల్ (24: 15 బంతుల్లో, ఒక ఫోర్, రెండు సిక్సర్లు) కాసేపు మెరుపులు మెరిపించాడు. ఇన్నింగ్స్ 15వ ఓవర్లో రసెల్ అవుటయ్యాడు.

అనంతరం జట్టు పరుగుల వేగం పూర్తిగా మందగించింది. చివరి ఐదు ఓవర్లలో కోల్‌కతా నైట్‌రైడర్స్ కేవలం 42 పరుగులే చేయగలిగింది. ముఖ్యంగా నటరాజన్ తన చివరి రెండు ఓవర్లలో 10 పరుగులు మాత్రమే వచ్చాయి. దీంతో కోల్‌కతా నైట్‌రైడర్స్ 20 ఓవర్లలో తొమ్మిది వికెట్ల నష్టానికి 171 పరుగులు చేసింది.

పాయింట్ల పట్టికలో సన్‌రైజర్స్ హైదరాబాద్ తొమ్మిదో స్థానంలోనూ, కోల్‌కతా నైట్‌రైడర్స్ ఎనిమిదోై స్థానంలోనూ ఉన్నాయి. ఈ మ్యాచ్‌లో కోల్‌కతా నైట్‌రైడర్స్ గెలిచినా ఎనిమిదో స్థానంలోనే ఉంటారు. ఎందుకంటే ఏడో స్థానంలో ఉన్న పంజాబ్ కూడా ఐదు విజయాలతో 10 పాయింట్లను సాధించింది. ప్రస్తుతం ఆరు పాయింట్లతో ఉన్న కోల్‌కతా ఈ మ్యాచ్‌లో గెలిచినా వారి దగ్గర ఎనిమిది పాయింట్లే అవుతాయి. కానీ టోర్నీలో ముందుకు వెళ్లే అవకాశం ఉండాలంటే కోల్‌కతా ఈ మ్యాచ్ గెలవాల్సిందే.

మరో వైపు సన్‌రైజర్స్ హైదరాబాద్‌ది కూడా దాదాపు ఇదే పరిస్థితి. ప్రస్తుతం పాయింట్ల పట్టికలో తొమ్మిదో స్థానంలో ఉన్న సన్‌రైజర్స్ హైదరాబాద్ ఈ మ్యాచ్‌లో విజయం సాధిస్తే ఎనిమిదో స్థానానికి చేరనుంది. కానీ టోర్నీలో నిలబడాలంటే ఈ మ్యాచ్‌లో గెలుపు తప్పనిసరి.

కోల్‌కతా నైట్‌రైడర్స్ తుది జట్టు
రహ్మానుల్లా గుర్బాజ్ (వికెట్ కీపర్), జేసన్ రాయ్, వెంకటేష్ అయ్యర్, నితీష్ రాణా (కెప్టెన్), ఆండ్రీ రస్సెల్, రింకు సింగ్, సునీల్ నరైన్, శార్దూల్ ఠాకూర్, వైభవ్ అరోరా, హర్షిత్ రాణా, వరుణ్ చక్రవర్తి

కోల్‌కతా నైట్‌రైడర్స్ ఇంపాక్ట్ ప్లేయర్ సబ్స్
సుయాష్ శర్మ, అనుకుల్ రాయ్, నారాయణ్ జగదీశన్, లాకీ ఫెర్గూసన్, కుల్వంత్ ఖేజ్రోలియా.

సన్‌రైజర్స్ హైదరాబాద్ తుది జట్టు
మయాంక్ అగర్వాల్, అభిషేక్ శర్మ, ఎయిడెన్ మార్క్రమ్ (కెప్టెన్), హెన్రిచ్ క్లాసెన్ (వికెట్ కీపర్), హ్యారీ బ్రూక్, అబ్దుల్ సమద్, మార్కో జాన్సెన్, మయాంక్ మార్కండే, భువనేశ్వర్ కుమార్, కార్తీక్ త్యాగి, టి నటరాజన్

సన్‌రైజర్స్ హైదరాబాద్ ఇంపాక్ట్ ప్లేయర్ సబ్స్
రాహుల్ త్రిపాఠి, వివ్రాంత్ శర్మ, గ్లెన్ ఫిలిప్స్, నితీష్ రెడ్డి,సన్వీర్ సింగ్.