(Source: ECI | ABP NEWS)
IPL 2024: ఈ లెక్కలు నిజమైతే, కప్పు హైదరాబాద్దే
Sunrisers Hyderabad: బెంగళూరుతో జరిగిన మ్యాచ్తో విధ్వంసం సృష్టించిన హైదరాబాద్... ఒక్క మ్యాచ్తోనే ఐపీఎల్ టైటిల్పై ఆశలు రేపింది.
మార్పు మంచిదే
ఐపీఎల్ ప్రారంభమైన తర్వాత అత్యధిక స్కోరు 263. సరిగ్గా పదకొండేళ్ల క్రితం యూనివర్సల్ బాస్ క్రిస్ గేల్ 175 పరుగులతో అజేయంగా నిలవడంతో... బెంగళూరు 5 వికెట్లకు ఏకంగా 263 పరుగులు చేసింది. ఈ రికార్డును ఒక్క సెంచరీ కూడా నమోదు చేయకుండా సన్రైజర్స్ బద్దలుకొట్టింది. దీనినిబట్టి సన్రైజర్స్ హైదరాబాద్ బ్యాటర్లు ఎంత సమష్టిగా రాణించారో అర్థం చేసుకోవచ్చు. బెంగళూరు అత్యధిక పరుగుల రికార్డును మళ్లీ బెంగళూరో, ముంబై లాంటి జట్టో బద్దలు కొడుతుందనే అంచనాలుండేవి. కానీ ఆశ్చర్యకరంగా హైదరాబాద్ రికార్డును సొంతం చేసుకుంది. నెమ్మదైన బ్యాటింగ్కు పేరుపడ్డ సన్రైజర్స్లో వార్నర్ కెప్టెన్ అయ్యాకే దూకుడు పెరిగింది.
ఈ దూకుడు అసాధారణం
కానీ ఇప్పుడున్న దూకుడు మాత్రం అసాధారణం. హెన్రిచ్ క్లాసెన్ రాకతో సన్రైజర్స్ బ్యాటింగ్ స్వరూపం మారింది. ఈ సీజన్కు ట్రావిస్ హెడ్ కూడా తోడయ్యాడు. తొలి మ్యాచ్లోనే హెడ్ తనలోని విధ్వంసక ఆటతీరును ఐపీఎల్కు పరిచయం చేశాడు. ట్రావిస్ దూకుడుకే తట్టుకోలేకపోతుంటే.. తర్వాత అభిషేక్ శర్మ వచ్చాడు. హెడ్ 18 బంతుల్లో అర్ధశతకం సాధించి సన్రైజర్స్ తరఫున అత్యంత వేగంగా ఈ ఘనత అందుకున్న బ్యాటర్గా నిలిస్తే.. కొన్ని నిమిషాల్లోనే ఆ రికార్డును అభిషేక్ బద్దలు కొట్టాడు. క్లాసెన్ ఈ సీజన్లో 11 సిక్సర్లు బాదాక కానీ తొలి ఫోర్ కొట్టలేదంటే అతడి బ్యాటింగ్ తీరు అర్థం చేసుకోవచ్చు. మ్యాచ్లో సన్రైజర్స్ మరో రికార్డు కూడా తమ ఖాతాలో వేసుకుంది. ఐపీఎల్ చరిత్రలో 10 ఓవర్ల అనంతరం అత్యధిక స్కోర్ చేసిన జట్టుగా చరిత్ర సృష్టించింది. తొలి 10 ఓవర్లలో సన్రైజర్స్ 2 వికెట్ల నష్టానికి 148 పరుగులు చేసింది. దీనికి ముందు తొలి 10 ఓవర్లలో అత్యధిక స్కోర్ రికార్డు ముంబై ఇండియన్స్ పేరిట ఉండేది. 2021 సీజన్లో ముంబై తొలి 10 ఓవర్లలో 3 వికెట్ల నష్టానికి 131 పరుగులు చేసింది. సన్రైజర్స్ ఇదే జోరు కొనసాగిస్తే ప్రత్యర్థి జట్లకు తిప్పలు తప్పకపోవచ్చు. ప్రత్యర్థి ఇక పరాక్. బహు పరాక్..
టాప్ హెడ్ లైన్స్
ట్రెండింగ్ వార్తలు
