PBKS vs DC : మ్యాచ్ చివర్లో అభిషేక్‌ ధనా ధన్‌ - పంజాబ్ లక్ష్యం 175
PBKS vs DC LIVE Score, IPL 2024: పంజాబ్‌తో జరుగుతున్న మ్యాచ్‌లో ఢిల్లీ భారీ స్కోరు చేసింది. ఆరంభంలో ధాటిగా ఆడినా, మధ్యలో కష్టాల్లో పడింది. కానీ అభిషేక్‌ బ్యాట్‌ ఝుళిపించడంతో భారీ స్కోరు చేసింది
Punjab Kings vs Delhi Capitals punjab target 175: పంజాబ్( Punjab Kings)తో జరుగుతున్న మ్యాచ్‌లో ఢిల్లీ ( Delhi Capitals)భారీ స్కోరు చేసింది. ఆరంభంలో ధాటిగా ఆడిన పంజాబ్ మధ్యలో వరుసగా వికెట్లు కోల్పోయి కష్టాల్లో పడింది. కానీ చివర్లో అభిషేక్‌ బ్యాట్‌ ఝుళిపించడంతో భారీ స్కోరు చేసింది. కేవలం 10 బంతులు ఎదుర్కొన్న అభిషేక్‌ 4 ఫోర్లు 2 సిక్సర్లతో 32 పరుగులు చేసి సత్తా చాటాడు. అభిషేక్‌ ఇన్నింగ్స్‌తో నిర్ణీత 20 ఓవర్లలో ఎనిమిది వికెట్ల నష్టానికి 174 పరుగులు చేసింది. హోప్‌ 33, వార్నర్‌ 29, మార్ష్‌ 20 పరుగులతో పర్వాలేదనిపించారు. మిగిలిన బ్యాటర్లందరూ విఫలమయ్యారు. ఎన్నో ఆశలు పెట్టుకున్న పంత్... 18 పరుగులు మాత్రమే చేసి అవుటయ్యాడు. పంజాబ్ బౌలర్లలో అర్ష్‌దీప్‌ 2, హర్షల్ పటేల్ 2, రబాడ,బ్రార్‌, చాహల్‌ ఒక్కో వికెట్ తీశారు.
ఆరంభంలో ధాటిగానే ఆడినా...
ఢిల్లీతో జరుగుతున్న మ్యాచ్‌లో టాస్‌ నెగ్గిన పంజాబ్ కెప్టెన్ శిఖర్ ధావన్‌ బౌలింగ్‌ ఎంచుకున్నాడు. ఢిల్లీ ఓపెనర్లు మిచెల్ మార్ష్‌, వార్నర్‌ ధాటిగా బ్యాటింగ్‌ ఆరంభించారు. సామ్‌ కరన్‌ వేసిన తొలి ఓవర్లో మార్ష్‌ 2 బౌండరీలు బాది 10 పరుగులు రాబట్టాడు. అనంతరం వార్నర్‌ దూకుడుగా బ్యాటింగ్‌ చేశాడు. ఒకే ఓవర్లో ఫోర్, సిక్స్ కొట్టి స్కోరు బోర్డుకు జెట్‌ వేగాన్ని అందించాడు. అర్ష్‌దీప్‌ సింగ్‌ వేసిన మూడు, నాలుగు బంతులకు వరుసగా సిక్సర్‌, ఫోర్ బాదాడు. రెండో ఓవర్లో మొత్తం 11 పరుగులు వచ్చాయి. రబాడ వేసిన మూడో ఓవర్లో 12 పరుగులు వచ్చాయి. తొలి బంతికే మిచెల్ మార్ష్‌ సిక్స్ బాదాడు. మంచి ఊపుమీదున్న మార్ష్‌ను అర్ష్‌దీప్‌ అవుట్ చేశాడు. 12 బంతులలో 20 పరుగులు చేసి మార్ష్‌ అవుటయ్యాడు. నాలుగు ఓవర్లకు ఢిల్లీ స్కోరు 40 పరుగులకు చేరింది. రబాడ వేసిన ఐదో ఓవర్లో నాలుగో బంతికి ఫోర్, ఐదో బంతికి సిక్స్ బాదిన వార్నర్‌ ఢిల్లీ జట్టు స్కోరు 50 పరుగులు దాటించాడు. షై హోప్‌ కూడా ఫోర్, సిక్స్ బాది మంచి టచ్‌లో కనిపించాడు. కానీ మంచి ఫామ్‌లో కనిపించిన వార్నర్‌... 29 పరుగులు చేసి అవుటయ్యాడు. హర్షల్ పటేల్ వేసిన ఎనిమిదో ఓవర్లో చివరి బంతికి డేవిడ్‌ భాయ్‌ వికెట్ కీపర్‌ జితేశ్‌కు చిక్కాడు. తొలుత అంపైర్‌ నాటౌట్‌గా ప్రకటించిన పంజాబ్ డీఆర్‌ఎస్‌కు వెళ్లి ఫలితం రాబట్టింది.
పంత్ మంచి టచ్‌లో కనిపించినా...
వార్నర్‌ అవుటైన తర్వాత క్రీజులోకి వచ్చిన పంత్ రిషభ్ పంత్ తొలి మ్యాచ్‌లో తక్కువ పరుగులకే పెవిలియన్‌ చేరాడు. ఆరంభంలో క్రీజులోకి స్వేచ్ఛగా కదులిన పంత్ ఓ ఫోర్ కొట్టి మంచి టచ్‌లో కనిపించాడు. ఆడిన తొలి మూడు బంతుల్లో రెండు సింగిల్స్‌ తీసి భారీ స్కోరు చేస్తాడని ఆశలు రేపాడు. రాహుల్ చాహర్‌ వేసిన 12 ఓవర్లో రెండో బంతిని బౌండరీకి పంపి ఈ ఐపీఎల్‌లో రిషభ్ పంత్ మొదటి బౌండరీ సాధించాడు. ఆ తర్వాత మరో బౌండరీ బాది ఫామ్‌లోకి వచ్చినట్లు కనిపించాడు. మొత్తం 13 బంతులు ఎదుర్కొన్న పంత్ 2 ఫోర్లతో 18 పరుగులు చేసి అవుటయ్యాడు. హర్షల్ పటేల్ బౌలింగ్‌లో బెయిర్‌ స్టోకు సులువైన క్యాచ్‌ ఇచ్చి పంత్ అవుటయ్యాడు.
వరుసగా వికెట్ల పతనం
పంత్ తర్వాత ఢిల్లీ వరుసగా వికెట్లు కోల్పోయింది. రిషభ్ పంత్ (18) రికీ భుయ్‌ (3) స్టబ్స్‌ (5) తక్కువ పరుగులకే పెవిలియన్‌ చేరారు. 21 పరుగులు చేసి నిలకడగా ఆడుతున్న అక్షర్‌ పటేల్ రనౌట్‌ కావడంతో ఢిల్లీ కష్టాలు పెరిగాయి. హర్షల్ పటేల్ వేసిన 18 ఓవర్లో తొలి బంతికి రెండో పరుగు కోసం యత్నించి అక్షర్‌ రనౌటయ్యాడు. చివర్లో అభిషేక్‌ పటేల్ చెలరేగడంతో ఢిల్లీ 165 పరుగులు చేయగలిగింది. ఎనిమిది బంతులు ఎదుర్కొన్న అభిషేక్‌ 2 ఫోర్లు ఒక సిక్సుతో 20 పరుగులు చేశాడు. పంజాబ్ బౌలర్లలో అర్ష్‌దీప్‌ 2, హర్షల్ పటేల్ 2, రబాడ,బ్రార్‌, చాహల్‌ ఒక్కో వికెట్ తీశారు.
టాప్ హెడ్ లైన్స్
ట్రెండింగ్ వార్తలు
