SRH vs RR, IPL 2023: రప్ఫాడించిన 'సంజూ' రాయల్స్! సన్రైజర్స్కు 72 రన్స్ డిఫీట్!
SRH vs RR, IPL 2023: రాయల్స్ అంటే రాయల్సే! భారీ టార్గెట్లు సెట్ చేయడంలో.. భారీ తేడాతో ఓడించడంలో తమకు తామే సాటి అని నిరూపించుకున్నారు. ఆదివారం సన్రైజర్స్ హైదరాబాద్పై థంపింగ్ విక్టరీ సాధించారు.
SRH vs RR, IPL 2023:
రాయల్స్ అంటే రాయల్సే! భారీ టార్గెట్లు సెట్ చేయడంలో.. భారీ తేడాతో ఓడించడంలో తమకు తామే సాటి అని మరోసారి నిరూపించుకున్నారు. ఆదివారం సన్రైజర్స్ హైదరాబాద్పై థంపింగ్ విక్టరీ సాధించారు. 204 పరుగుల లక్ష్య ఛేదనకు దిగిన ఆతిథ్య జట్టును 131/8కే పరిమితం చేశారు. 72 పరుగుల తేడాతో గెలుపు ఢంకా మోగించారు. యుజ్వేంద్ర చాహల్ (4/17), ట్రెంట్ బౌల్ట్ (2/21) దెబ్బకు రైజర్స్ విలవిల్లాడారు. అబ్దుల్ సమద్ (32*; 32 బంతుల్లో 2x4, 1x6), మయాంక్ అగర్వాల్ (27; 23 బంతుల్లో 3x4) టాప్ స్కోరర్స్ అంటేనే సిచ్యువేషన్ ఏంటో అర్థం చేసుకోవచ్చు. అంతకు ముందు రాజస్థాన్లో ఓపెనర్లు జోస్ బట్లర్ (54; 22 బంతుల్లో 7x4, 3x6), యశస్వీ జైశ్వాల్ (54; 37 బంతుల్లో 9x4), కెప్టెన్ సంజూ శాంసన్ (55; 32 బంతుల్లో 3x4, 4x6) వరుసగా హాఫ్ సెంచరీలు బాదేశారు.
రైజర్స్.. వికెట్లు ఫటాఫట్!
టార్గెట్ డిఫెండ్ చేసే జట్టుకు ఎలాంటి బౌలింగ్ స్పెల్ అవసరమో ట్రెంట్ బౌల్ట్ వేసి చూపించాడు. బంతిని రెండు వైపులా స్వింగ్ చేస్తూ హడలెత్తించాడు. సన్రైజర్స్ పరుగుల ఖాతా తెరకముందే మూడో బంతికి అభిషేక్ శర్మ (0)ను క్లీన్ బౌల్డ్ చేశాడు. వన్డౌన్లో వచ్చిన రాహుల్ త్రిపాఠి (0)ని ఐదో బంతికి ఔట్ చేసి దెబ్బకొట్టారు. ఈ క్రమంలో మయాంక్ అగర్వాల్, హ్యారీ బ్రూక్ (13; 21 బంతుల్లో) నెమ్మదిగా ఆడారు. మూడో వికెట్కు 37 బంతుల్లో 34 పరుగుల భాగస్వామ్యం అందించారు. అయితే 34 వద్ద హ్యారీ బ్రూక్ను చాహల్ క్లీన్ బౌల్డ్ చేశాడు. మరో 5 పరుగులకే వాషింగ్టన్ సుందర్ (1)ను హోల్డర్ పెవిలియన్ పంపాడు. దాంతో 39/4తో సన్రైజర్స్ స్ట్రాటజిక్ టైమౌట్ తీసుకుంది. ఆ తర్వాతా.. వారికేం భాగస్వామ్యాలు రాలేదు. 4 రన్స్ తేడాతోనే ఫిలిప్స్ (8)ను అశ్విన్, మయాంక్ను చాహల్ పెవిలియన్ పంపడంతో హైదరాబాద్ ఓటమి లాంఛనంగా మారింది. ఆఖర్లో ఆదిల్ రషీద్ (18), అబ్దుల్ సమద్, ఉమ్రాన్ మాలిక్ (19*; 8 బంతుల్లో) పోరాటం ఉత్తిదే అయింది.
బాబోయ్.. బట్లర్
ఐపీఎల్ 2023కి ఒక్కసారిగా జోష్ తీసుకొచ్చింది రాజస్థాన్ రాయల్స్! ఉప్పల్ స్టేడియంలో సిక్సర్లు, బౌండరీల వర్షం కురిపించింది. అభిమానులను ఆనందంతో ముంచెత్తింది. ఓపెనర్లు జోస్ బట్లర్, యశస్వీ జైశ్వాల్ కలిసి 6 ఓవర్లు ముగిసే సరికే వికెట్ నస్టానికి 85 పరుగులు చేశారు. ఐపీఎల్ చరిత్రలోనే పవర్ ప్లేలో అత్యధిక స్కోర్తో రికార్డు సృష్టించారు. ముఖ్యంగా ఇంగ్లాండ్ విధ్వంసక ఆటగాడు, జోస్ బట్లర్ 20 బంతుల్లోనే హాఫ్ సెంచరీ అందుకున్నాడు. దాంతో రాయల్స్ 3.4 ఓవర్లకే 50 స్కోరు చేసింది. అయితే ఫారూఖీ వేసిన 5.5వ బంతికి బట్లర్ మిడిల్ వికెట్ ఎగిరిపోయింది. అప్పటికి ఊచకోత కాస్త తగ్గింది.
క్లాస్ చూపిన సంజూ
బట్లర్ ఔటైనా సన్రైజర్స్కు కష్టాలు తప్పలేదు. సంజూ శాంసన్, యశస్వీ కలిసి సూపర్ ఇన్నింగ్స్ ఆడేశారు. వీరిద్దరూ రెండో వికెట్కు 40 బంతుల్లో 54 పరుగులు భాగస్వామ్యం నెలకొల్పారు. వీరి జోష్తో రాజస్థాన్ 7.4 ఓవర్లకే 100 పరుగులు మైలురాయిని అధిగమించింది. 34 బంతుల్లో హాఫ్ సెంచరీ చేసిన జైశ్వాల్ను 12.3వ బంతికి ఫారూఖీనే ఔట్ చేశాడు. కానీ శాంసన్ ఎలిగెంట్ సిక్సర్లు, బౌండరీలతో 28 బంతుల్లోనే అర్ధశతకం అందుకున్నాడు. దాంతో 13.5 ఓవర్లకు రాయల్స్ స్కోరు 150 దాటేసింది. ఈ సిచ్యువేషన్లో సన్రైజర్స్ బౌలర్లు క్లిక్ అయ్యారు. ఆదిల్ రషీద్, నటరాజన్, ఉమ్రాన్ మాలిక్ కలిసి రాయల్స్ను కట్టడి చేశారు. 151 వద్ద పడిక్కల్ (2)ను ఉమ్రాన్ క్లీన్ బౌల్డ్ చేశాడు. 170 వద్ద రియాన్ పరాగ్ (7), 187 వద్ద సంజూను నట్టూ ఔట్ చేశాడు. అయితే ఆఖర్లో షిమ్రన్ హెట్మైయిర్ (22*; 16 బంతుల్లో 1x4, 1x6) నిలబడి స్కోరును 203/5కి చేర్చాడు.
టాప్ హెడ్ లైన్స్
ట్రెండింగ్ వార్తలు
