LSG vs DC, IPL 2023: ఆల్‌రౌండ్‌ LSGతో వార్నర్ దిల్లీ ఢీ! రాహుల్ గెలుస్తాడా?
LSG vs DC, IPL 2023: ఇండియన్‌ ప్రీమియర్‌ లీగులో శనివారం డబల్‌ హెడర్‌ మ్యాచులు జరుగుతున్నాయి. రెండో మ్యాచులో లక్నో సూపర్ జెయింట్స్, దిల్లీ క్యాపిటల్స్ తలపడుతున్నాయి.
LSG vs DC, IPL 2023:
ఇండియన్‌ ప్రీమియర్‌ లీగులో శనివారం డబల్‌ హెడర్‌ మ్యాచులు జరుగుతున్నాయి. రెండో మ్యాచులో లక్నో సూపర్ జెయింట్స్, దిల్లీ క్యాపిటల్స్ తలపడుతున్నాయి. రాత్రి 7:30 గంటలకు మ్యాచ్‌ ఆరంభం. ఎకనా స్టేడియం ఇందుకు వేదిక. మరి ఈ మ్యాచులో గెలిచేదెవరు? తుది జట్లలో ఉండేదెవరు?
ఆల్‌రౌండ్‌ బలం!
అరంగేట్రంతోనే అదరగొట్టిన జట్టు లక్నో సూపర్ జెయింట్స్! ఆటగాళ్ల ఎంపిక నుంచి స్టేడియంలో అడుగుపెట్టేంత వరకు ప్రతిదీ పక్కాగా ప్లాన్‌ చేస్తారు. ఇంటర్నేషనల్‌ లెవల్‌ ఆల్‌రౌండర్లు ఉండటంత ఎల్‌ఎస్‌జీ బలం. అన్నీ కుదిరితే జట్టులోని పదకొండు మందీ దుమ్మురేపగలరు. కొన్నాళ్లుగా ఇబ్బంది పడ్డ రాహుల్ ఈ మధ్యే ఫామ్‌లోకి వచ్చాడు. పైగా ఇష్టమైన ఐపీఎల్‌లో ఎలా పరుగులు చేస్తాడో తెలిసిందే. క్వింటన్ డికాక్‌, నికోలస్ పూరన్ దంచికొడుతున్నారు. మిడిల్‌ నుంచి లోయర్‌ ఆర్డర్లో దీపక్ హుడా, ఆయుష్ బదోనీ, కృనాల్ పాండ్య, డేనియెల్‌ సామ్స్, మార్కస్ స్టాయినిస్‌ ఉన్నారు. అవేశ్ ఖాన్, మొహిసన్ ఖాన్, మార్క్‌వుడ్‌, జయదేశ్ ఉనద్కత్ పేస్‌ చూస్తారు. కృనాల్, బదోనీ, హుడా, రవి బిష్ణోయ్ స్పిన్‌ ఇరగదీస్తారు. సమతూకం కుదిరితే ఎదురులేని జట్టిది.
పంత్‌ లేని దిల్లీ!
ఐపీఎల్‌ దిల్లీ క్యాపిటల్స్ ప్రామిసింగ్‌ టీమ్‌! సీజన్ మారే కొద్దీ బలంగా మారుతోంది. ఈసారి రిషభ్ పంత్‌ లేకపోవడం పెద్ద వీక్‌నెస్‌! అయితే డేవిడ్ వార్నర్‌కు కెప్టెన్సీ ఇవ్వడం ఆశలు రేపుతోంది. లీగ్‌ దశలో అదరగొడుతున్న దిల్లీ ప్లేఆఫ్స్‌లో ఒత్తిడికి చిత్తవుతోంది. దీన్నుంచి వేగంగా బయటపడాల్సి. మిచెల్ మార్ష్ మంచి ఫామ్‌లో ఉండటం, బిగ్‌మ్యాచ్‌ ప్లేయర్ కావడం ప్లస్‌ పాయింట్‌. పంత్‌ స్థానంలో తీసుకున్న అభిషేక్‌ పొరెల్‌ ఎలా రాణిస్తాడో చూడాలి. పృథ్వీ షా, వార్నర్ ఓపెనింగ్‌కు వస్తారు. మిచెల్ మార్ష్ వన్‌డౌన్‌లో వస్తాడు. మిడిలార్డర్లో సర్ఫరాజ్ ఖాన్, మనీశ్‌ పాండే, ఫిల్‌సాల్ట్‌, రిలీ రొసొ, అక్షర్ పటేల్, కీలకం అవుతారు. ఖలీల్ అహ్మద్, కుల్దీప్ యాదవ్, ముకేశ్‌, ముస్తాఫిజుర్ రెహ్మాన్‌, ఎంగిడి, నోకియా, సకారియా, ఇషాంత్ వంటి బౌలింగ్‌ దళం వీరి సొంతం.
2-0తో లక్నో పైచేయి!
దిల్లీ క్యాపిటల్స్‌పై లక్నో సూపర్ జెయింట్స్‌దే పైచేయి! గతేడాది జరిగిన రెండు మ్యాచుల్లోనూ రెండుసార్లూ రాహుల్ సేనే గెలిచింది. ఈసారీ అలాంటి డామినేషన్‌తోనే సీజన్ మొదలుపెట్టాలని పట్టుదలగా ఉంది. తమ బలహీనతల నుంచి బయటపడాలని దిల్లీ కోరుకుంటోంది.
జట్ల వివరాలు
లక్నో సూపర్ జెయింట్స్ జట్టు: కేఎల్ రాహుల్, నికోలస్ పూరన్, మార్కస్ స్టోయినిస్, అవేశ్ ఖాన్, కృనాల్ పాండ్యా, మార్క్ వుడ్, క్వింటన్ డి కాక్, దీపక్ హుడా, రవి బిష్ణోయ్, కృష్ణప్ప గౌతమ్, డేనియల్ సామ్స్, అమిత్ మిశ్రా, కైల్ మేయర్స్, జయదేవ్ ఉనద్కత్, రొమారియో షెపర్డ్, నవీన్-ఉల్-హక్, యష్ ఠాకూర్, మొహ్సిన్ ఖాన్, ఆయుష్ బడోని, యుధ్వీర్ సింగ్ చరక్, కరణ్ శర్మ, మయాంక్ యాదవ్.
దిల్లీ క్యాపిటల్స్ జట్టు: డేవిడ్ వార్నర్, ఇషాన్‌ పోరెల్‌, పృథ్వీ షా, రిపుల్ పటేల్, రోవ్‌మన్ పావెల్, సర్ఫరాజ్ ఖాన్, యశ్ ధుల్, మిచెల్ మార్ష్, లలిత్ యాదవ్, అక్షర్ పటేల్, ఎన్రిచ్ నోర్జే, చేతన్ సకారియా, కమలేష్ నాగర్‌కోటి, ఖలీల్ అహ్మద్, ఎంగిడి, ముస్తాఫిజుర్ రెహమాన్, అమన్ ఖాన్, కుల్దీప్ యాదవ్, ప్రవీణ్ దూబే, విక్కీ ఓస్త్వాల్, ఇషాంత్ శర్మ, ఫిల్ సాల్ట్, ముఖేష్ కుమార్.
టాప్ హెడ్ లైన్స్
ట్రెండింగ్ వార్తలు
