IPL 2022: RCB కెప్టెన్‌గా మళ్లీ విరాట్‌ కోహ్లీ? మేజర్‌ అప్‌డేట్‌ ఇచ్చిన డేనియెల్‌ వెటోరీ

IPL 2022 RCB Captaincy: ఇండియన్‌ ప్రీమియర్‌ లీగ్‌ (Indian premier leauge) ఫీవర్‌ మొదలైంది! షెడ్యూలు ప్రకటించడంతో ఐపీఎల్‌ (IPL) ఫ్యాన్స్‌ అంతా జోష్‌లో ఉన్నారు. ఎప్పుడెప్పుడు మ్యాచులు మొదవుతాయోనని ఆసక్తిగా ఎదురు చూస్తున్నారు. ఇదే సమయంలో ఫ్రాంచైజీలన్నీ తమ జట్లతో వేర్వేరు స్టేడియాల్లో క్యాంపులు మొదలు పెట్టాయి. టీమ్‌ఇండియా, జాతీయ జట్లకు ఆడుతున్న వారు తప్ప మిగతా ఆటగాళ్లంతా క్యాంపులకు చేరుకున్నారు. అందరి ప్రాక్టీస్‌ జోరుగా సాగుతోంది. అన్ని ఫ్రాంచైజీలు తమ కెప్టెన్‌ పేర్లను ప్రకటించాయి. రాయల్‌ ఛాలెంజర్స్‌ బెంగళూరు (Royal Challengers Bangalore) మాత్రం ఇంకా ఆ పని చేయలేదు.

కెప్టెన్‌ పేరు ప్రకటించడంలో ఆర్‌సీబీ (RCB) ఆలస్యం చేస్తుండటంతో అభిమానులు అసహనానికి గురవుతున్నారు. విరాట్‌ కోహ్లీ (Virat Kohli) నే తిరిగి కెప్టెన్‌గా కొనసాగించాలని డిమాండ్‌ చేస్తున్నారు. సోషల్‌ మీడియా (Social Media)లో విరాట్‌ కోహ్లీ పేరును ట్రెండ్‌ చేస్తున్నారు. అయితే ఆర్‌సీబీ మరోసారి కోహ్లీని నాయకుడిగా ప్రకటించబోదని ఆ జట్టు మాజీ ఆటగాడు డేనియెల్‌ వెటోరీ (Daniel Vettori) అంటున్నాడు. ఇతర ఆప్షన్లను ప్రయత్నిస్తుందని అంచనా వేస్తున్నాడు.

'లేదు, ఆర్‌సీబీ కెప్టెన్‌గా విరాట్‌ కోహ్లీకి మళ్లీ అవకాశం ఉండదు. ఇది చాలా సింపుల్‌ విషయం. మళ్లీ అతడిని కెప్టెన్‌గా ప్రకటించడం పని చేస్తుందని అనుకోవడం లేదు. ఒకసారి కెప్టెన్సీ నుంచి దిగిపోయారంటే మళ్లీ కుదరదు' అని వెటోరీ అన్నాడు. ఆర్‌సీబీకి మరికొన్ని కెప్టెన్సీ ఆప్షన్లు ఉన్నాయని పేర్కొన్నాడు.

దక్షిణాఫ్రికా ఆటగాడు డుప్లెసిస్‌ను బెంగళూరు రూ.7 కోట్లకు కొనుగోలు చేసింది. దినేశ్‌ కార్తీక్‌ను రూ.5.50 కోట్లకు సొంతం చేసుకుంది. వీరిద్దరికీ కెప్టెన్సీ చేసిన అనుభవం ఉంది. అంతేకాకుండా గత సీజన్లో ఆర్‌సీబీ తరఫున అదరగొట్టిన గ్లెన్‌ మాక్స్‌వెల్‌ను ప్రయత్నించొచ్చు. బిగ్‌బాష్‌లో అతడు మెల్‌బోర్న్‌ స్టార్స్‌కు సారథ్యం వహిస్తున్నాడు.

'బహుశా విరాట్‌ కోహ్లీ, మాక్స్‌వెల్‌ (Maxwell), డుప్లెసిస్‌కు ఆర్‌సీబీ తన లీడర్‌షిప్‌ గ్రూపులో చోటిస్తుంది. దినేశ్‌ కార్తీక్‌నూ తీసుకోవచ్చు. నాకు తెలిసి మాక్స్‌వెల్ కన్నా ముందు డుప్లెసిస్‌కు కెప్టెన్సీ ఇవ్వొచ్చు. తొలి మూడు మ్యాచులు గెలిస్తే అతడినే కొనసాగించొచ్చు. మాక్స్‌వెల్‌ను లాంగ్‌టర్మ్‌ కోణంలో చూడొచ్చు. మూడేళ్ల పాటు అతడికి అవకాశం ఇవ్వొచ్చు. ఇందుకతడు గత సీజన్లో లాగా బాగా ఆడాలి' అని వెటోరీ అన్నాడు. అయితే మార్చి 12న కొత్త కెప్టన్‌ను ప్రకటించే అవకాశం ఉన్నట్టు తెలుస్తోంది.

𝗥𝗖𝗕 𝗨𝗡𝗕𝗢𝗫
1️⃣2️⃣th March 2️⃣0️⃣2️⃣2️⃣ #ForOur12thMan

Watch this space for more. 😎#PlayBold #UnboxTheBold #WeAreChallengers pic.twitter.com/nXjycELqgc

— Royal Challengers Bangalore (@RCBTweets) March 7, 2022