KKR Vs RR Highlights: రాజస్తాన్‌ను కట్టడి చేసిన కోల్‌కతా - 153 కొడితే చాలు!

ఐపీఎల్‌లో కోల్‌కతా నైట్‌రైడర్స్‌తో జరుగుతున్న మ్యాచ్‌లో రాజస్తాన్ రాయల్స్ 20 ఓవర్లలో ఐదు వికెట్ల నష్టానికి 152 పరుగులు చేసింది.

By: ABP Desam | Updated at : 02 May 2022 09:47 PM (IST)

Edited By: Eleti Saketh Reddy

IPL 2022: Rajasthan Royals Scored 152 for 9 Wickets Against Kolkata Knight Riders in Match 47

అర్థ సెంచరీ అనంతరం అభివాదం చేస్తున్న సంజు శామ్సన్ (Image Credits: IPL)

ఐపీఎల్‌లో కోల్‌కతా నైట్‌రైడర్స్‌తో జరుగుతున్న మ్యాచ్‌లో రాజస్తాన్ తడబడింది. మొదట బ్యాటింగ్ చేసిన రాజస్తాన్ రాయల్స్ 20 ఓవర్లలో ఐదు వికెట్ల నష్టానికి 152 పరుగులు చేసింది. కెప్టెన్ సంజు శామ్సన్ (54: 49 బంతుల్లో, ఏడు ఫోర్లు, ఒక సిక్సర్) టాప్ స్కోరర్‌గా నిలిచాడు. కోల్‌కతా విజయానికి 120 బంతుల్లో 153 పరుగులు కావాలి.

టాస్ ఓడి మొదట బ్యాటింగ్‌కు దిగిన రాజస్తాన్‌కు వారు ఆశించిన ఆరంభం లభించలేదు. దేవ్‌దత్ పడిక్కల్ ఎక్కువసేపు క్రీజులో నిలబడలేకపోయాడు. ఆ తర్వాత ఫాంలో ఉన్న జోస్ బట్లర్ (22: 25 బంతుల్లో, మూడు ఫోర్లు), కెప్టెన్ సంజు శామ్సన్ ఇన్నింగ్స్‌ను మెల్లగా ముందుకు తీసుకెళ్లారు. వీళ్లిద్దరూ వేగంగా ఆడలేకపోవడం స్కోరు నిదానంగా కదిలింది. రెండో వికెట్‌కు వీరిద్దరూ 48 పరుగులు జోడించాక జోస్ బట్లర్ అవుటయ్యాడు.

ఆ తర్వాత వచ్చిన కరుణ్ నాయర్ (13: 13 బంతుల్లో, ఒక ఫోర్), రియాన్ పరాగ్ (19: 12 బంతుల్లో, ఒక ఫోర్, రెండు సిక్సర్లు) ఎక్కువ సేపు క్రీజులో నిలబడలేకపోయారు. చివర్లో షిమ్రన్ హెట్‌మేయర్ (27 నాటౌట్: 13 బంతుల్లో, ఒక ఫోర్, రెండు సిక్సర్లు) వేగంగా ఆడినా అప్పటికే ఆలస్యం అయిపోయింది. దీంతో రాజస్తాన్ రాయల్స్ 20 ఓవర్లలో ఐదు వికెట్ల నష్టానికి 152 పరుగులు చేసింది. కోల్‌కతా బౌలర్లలో టిమ్ సౌతీ రెండు వికెట్లు తీయగా... శివం మావి, అనుకుల్ రాయ్, ఉమేష్ యాదవ్‌లకు తలో వికెట్ దక్కింది.

View this post on Instagram

A post shared by Rajasthan Royals (@rajasthanroyals)

Published at : 02 May 2022 09:26 PM (IST) Tags: IPL Shreyas Iyer IPL 2022 RR KKR Sanju Samson KKR vs RR KKR Vs RR Updates KKR Vs RR Innings Highlights KKR Vs RR Highlights

నీకోసం