IPL 2022, LSG vs DC Preview: డేవిడ్‌ భాయ్‌ ఆగయా! ఫ్యూచర్‌ కెప్టెన్లు రాహుల్, పంత్‌ ఫైటింగ్‌!
IPL 2022, LSG vs DC Preview: ఐపీఎల్‌ 2022లో లక్నో సూపర్‌ జెయింట్స్‌ (Lucknow Supergiants), దిల్లీ క్యాపిటల్స్‌ (Delhi Capitals) తలపడుతున్నాయి. భవిష్యత్తు భారత సారథులుగా భావిస్తున్న కేఎల్ రాహుల్ (KL Rahul), రిషభ్‌ పంత్‌ (Rishabh Pant)లో గెలుపెవరిది?
IPL 2022, LSG vs DC Preview: ఐపీఎల్‌ 2022లో ఓ అద్భుతమైన మ్యాచ్‌కు వేళైంది! డీవై పాటిల్‌ స్టేడియంలో జరిగే 15వ మ్యాచులో లక్నో సూపర్‌ జెయింట్స్‌ (Lucknow Supergiants), దిల్లీ క్యాపిటల్స్‌ (Delhi Capitals) తలపడుతున్నాయి. రెండు జట్లలోనూ బ్యాటింగ్‌, బౌలింగ్‌ డెప్త్ బాగుంది. మరి భవిష్యత్తు భారత సారథులుగా భావిస్తున్న కేఎల్ రాహుల్ (KL Rahul), రిషభ్‌ పంత్‌ (Rishabh Pant)లో గెలుపెవరిది? ప్లేయింగ్‌ ఎలెవన్‌లో ఎవరెవరు ఉంటారు? ఏ ఆటగాడిపై ఎవరిది పై చేయి?
* దిల్లీ కెప్టెన్‌ రిషభ్‌ పంత్‌, లక్నో సారథి కేఎల్ రాహుల్ బ్యాటింగ్‌ అంటే ఇష్టపడని వారుండరు. ఎందుకంటే బ్యాటింగ్‌ ఇంత ఈజీగా ఉంటుందా అన్నట్టు వారి షాట్లు ఉంటాయి. అందుకే ఈ మ్యాచ్‌పై ఆసక్తి ఎక్కువగా ఉంది.
* ఈ మ్యాచుకు ముందు లక్నో (LSG) మూడింట్లో రెండు గెలిచింది. సూపర్‌ జోష్‌లో ఉంది. దిల్లీ (DC) రెండు ఆడితే ఒకటి గెలిచి మరొకటి ఓడింది.
* డీవై పాటిల్‌లో (DY Patil Stadium) తొలి ఇన్నింగ్స్ సగటు స్కోరు 170+గా ఉంది. టాస్‌ కీలకమే అయినా టార్గెట్లను డిఫెండ్‌ చేసుకోవడం సాధ్యమవుతోంది. కాబట్టి డ్యూతో సంబంధం లేకుండా పోటీ ఉండొచ్చు.
* దిల్లీతో పోలిస్తే లక్నో డెత్‌ బౌలింగ్‌ కాస్త వీక్‌గా ఉంది. అవేశ్‌ ఖాన్ (Avesh khan) ఒక్కడిపైనే ఆధార పడాల్సి వస్తోంది. విదేశీ పేసర్లు మరింత మెరుగ్గా వేస్తే బెటర్‌.
* ఈ మ్యాచుకు డేవిడ్‌ వార్నర్‌ (David Warner), ఆన్రిచ్‌ నార్జ్‌ (Anrich Nortje) అందుబాటులో ఉంటారు. వారి క్వారంటైన్‌ పూర్తైంది. వీరిద్దరి రాకతో దిల్లీ మరింత భయంకరంగా మారుతుంది. పృథ్వీ షా (Prithvi Shaw)కు బెటర్‌ ఓపెనింగ్‌ పార్ట్‌నర్‌గా డేవిడ్‌ భాయ్‌ ఉంటాడు. గాయం నుంచి కోలుకున్న నార్జ్‌ ఎలా బౌలింగ్‌ చేస్తాడో చూడాలి.
* ఆసీస్‌ ఆల్‌రౌండర్‌ మార్కస్‌ స్టాయినిస్‌ (Marcus Stoinis) రావడంతో లక్నో డెప్త్ మరింత పెరిగింది. అటు బ్యాటింగ్‌, ఇటు బౌలింగ్‌లో అతడు ఉపయోగపడతాడు. ఇప్పటికే భీకరంగా ఉన్న మిడిలార్డర్‌కు ఇప్పుడు అతడి రూపంలో మరో ఫినిషర్‌ దొరికాడు.
* డేవిడ్‌ వార్నర్‌పై రవి బిష్ణోయ్‌ (Ravi Bishnoi) రికార్డు బాగుంది. నాలుగు బంతుల్లో ఐదు పరుగులు ఇచ్చి రెండుసార్లు ఔట్‌ చేశాడు. ఇక దిల్లీ క్యాపిటల్స్‌ స్లో బంతులతో బోల్తా కొట్టించే అక్షర్‌ (Axar Patel)ను కేఎల్ రాహుల్‌పై ప్రయోగించొచ్చు. అతడు 13 బంతులేసి 14 పరుగులిచ్చి 3 సార్లు ఔట్‌ చేశాడు. రిషభ్‌ పంత్‌, రవి బిష్ణోయ్‌ ఫైటింగ్‌ బాగుంటుంది.
LSG vs DC Probable playing XI
లక్నో సూపర్‌ జెయింట్స్‌ (LSG Playing XI): కేఎల్ రాహుల్, క్వింటన్‌ డికాక్‌, ఎవిన్‌ లూయిస్‌, మార్కస్‌ స్టాయినిస్‌, దీపక్‌ హుడా, ఆయుష్‌ బదోనీ, కృనాల్‌ పాండ్య, జేసన్‌ హోల్డర్‌, అంకిత్‌ రాజ్‌పుత్‌, రవి బిష్ణోయ్‌, అవేశ్‌ ఖాన్
దిల్లీ క్యాపిటల్స్‌ (DC Playing XI): డేవిడ్‌ వార్నర్‌, పృథ్వీ షా, సర్ఫరాజ్‌ ఖాన్ / యశ్‌ ధుల్‌ / మన్‌దీప్‌ సింగ్‌, రిషభ్‌ పంత్‌, లలిత్‌ యాదవ్‌, రోమన్‌ పావెల్‌, అక్షర్‌ పటేల్‌, శార్దూల్‌ ఠాకూర్‌, కుల్‌దీప్‌ యాదవ్‌, ఆన్రిచ్‌ నార్జ్‌, ముస్తాఫిజుర్‌ రెహ్మాన్‌
🎥 | Get set for Matchday in 5⃣4⃣ seconds 🤩
— Delhi Capitals (@DelhiCapitals) April 7, 2022
Are you ready for #LSGvDC❓#YehHaiNayiDilli | #IPL2022 | #DCOnThePitch #TATAIPL | #IPL | #DelhiCapitals | #OctaRoarsForDC pic.twitter.com/UkFJVMY3Af
టాప్ హెడ్ లైన్స్
ట్రెండింగ్ వార్తలు
