RCB vs GG: ఇదేం కసి బ్యాటింగ్‌ బాబోయ్‌! ఆర్సీబీకి గుజరాత్‌ టార్గెట్‌ 189
RCB vs GG: గుజరాత్‌ జెయింట్స్‌ రెచ్చిపోయింది! రాయల్‌ ఛాలెంజర్స్‌ బెంగళూరుకు మంచి టార్గెట్‌ నిర్దేశించింది. 20 ఓవర్లకు 4 వికెట్ల నష్టానికి 188 పరుగులు చేసింది.
RCB vs GG, WPL 2023:
గుజరాత్‌ జెయింట్స్‌ రెచ్చిపోయింది! విమెన్‌ ప్రీమియర్‌ లీగులో మరోసారి అద్భుత బ్యాటింగ్‌తో దుమ్మురేపింది. రాయల్‌ ఛాలెంజర్స్‌ బెంగళూరుకు మంచి టార్గెట్‌ నిర్దేశించింది. 20 ఓవర్లకు 4 వికెట్ల నష్టానికి 188 పరుగులు చేసింది. ఓపెనర్‌ లారా వూల్‌వర్ట్‌ (68; 42 బంతుల్లో 9x4, 2x6) వరుసగా రెండో హాఫ్‌ సెంచరీ బాదేసింది. భారీ బౌండరీలతో ప్రత్యర్థి బౌలింగ్‌ చీల్చిచెండాడింది. ఆమెకు తోడుగా యాష్లే గార్డ్‌నర్‌ (41; 26 బంతుల్లో 6x4, 1x6) మెరుపు ఇన్నింగ్స్‌ ఆడేసింది. శ్రేయాంక పాటిల్‌ 2 వికెట్లు పడగొట్టింది.
.@GujaratGiants post a comprehensive first-innings total of 188/4 🔥🔥
— Women's Premier League (WPL) (@wplt20) March 18, 2023
Are win in for a high-scoring thriller? 🤔
Scorecard ▶️ https://t.co/uTxwwRnRxl#TATAWPL | #RCBvGG pic.twitter.com/6Vir5Wu4hA
లారా కొట్టుడు!
బ్యాటింగ్‌ తీసుకుందే బాదడానికి అన్నట్టుగా ఆడింది గుజరాత్‌! మొదటి ఓవర్‌ నుంచే ఓపెనర్లు సోఫియా డాంక్లీ (16), లారా వూల్‌వర్ట్‌ ఆర్సీబీ బౌలర్లపై ఎదురుదాడికి దిగారు. అయితే జట్టు స్కోరు 27 వద్ద సోఫియాను డివైన్‌ బౌల్డ్‌ చేసింది. ఆ తర్వాత సబ్బినేని మేఘన (31; 32 బంతుల్లో 4x4) అండతో లారా రెచ్చిపోయింది. తనను వేలంలో ఎవరూ కొనలేదేమోనన్న కసో ఏంటో ఆకాశమే హద్దుగా చెలరేగింది. పవర్‌ప్లే ముగిసే సరికి 45/1తో నిలిపింది. రెండో వికెట్‌కు 55 బంతుల్లో 63 పరుగుల భాగస్వామ్యం నెలకొల్పింది. తెలుగమ్మాయి మేఘన సైతం కొన్ని చక్కని షాట్లు ఆడింది. ప్రీతి బోస్‌ బౌలింగ్‌లో ఆమెను రిచా స్టంపౌట్‌ చేసింది. అప్పటికి గుజరాత్‌ స్కోరు 90.
గార్డ్‌నర్‌ మెరుపులు
మేఘన ఔటైనా బెంగళూరు కష్టాలు తీరలేదు. యాష్లే గార్డ్‌నర్‌, లారా ఇద్దరూ బాదుడు షురూ చేశారు. వీరిద్దరూ మూడో వికెట్‌కు 32 బంతుల్లోనే 52 పరుగులు భాగస్వామ్యం అందించారు. ఇద్దరూ ఎడాపెడా బాదేయడంతో 17.4 ఓవర్లకు జట్టు స్కోరు 150కి చేరింది. అయితే 30 బంతుల్లోనే హాఫ్‌ సెంచరీ చేసిన లారాను అంతకు ముందే శ్రేయాంక పాటిల్‌ ఔట్‌ చేసింది. గార్డ్‌నర్‌ను సైతం ఆమే ఎల్బీ చేసింది. ఆఖర్లో హేమలత (16; 6 బంతుల్లో 2x4, 1x6), హర్లీన్‌ డియోల్‌ (12; 5 బంతుల్లో 1x4, 1x6) బౌండరీలు, సిక్సర్లు బాదడంతో స్కోరు 188/4కు చేరింది.
A splendid knock by @LauraWolvaardt comes to an end!
— Women's Premier League (WPL) (@wplt20) March 18, 2023
Shreyanka Patil gets the breakthrough as she departs for 68.
Follow the match ▶️ https://t.co/uTxwwRnRxl#TATAWPL | #RCBvGG pic.twitter.com/N4Wx6KJc2n
For her impeccable fifty, @LauraWolvaardt becomes our 🔝 performer from the first innings!
— Women's Premier League (WPL) (@wplt20) March 18, 2023
A look at her batting summary 👌🏻#TATAWPL | #RCBvGG pic.twitter.com/fw0pxsGPsk
టాప్ హెడ్ లైన్స్
ట్రెండింగ్ వార్తలు
