Ravichandran Ashwin: ఆ బాల్ తేడా అయితే రిటైర్మెంట్ ఇచ్చేసేవాడిని - అశ్విన్ షాకింగ్ కామెంట్!
పాకిస్తాన్తో జరిగిన మ్యాచ్లో బాల్ వదిలేయడంపై అశ్విన్ స్పందించాడు.
పాకిస్తాన్తో విరాట్ కోహ్లి నిస్సందేహంగా భారత జట్టుకు హీరో. అయితే ఒత్తిడిలో చివరి రెండు బంతుల్లో రవిచంద్రన్ అశ్విన్ ప్రదర్శన ప్రశంసలకు అర్హమైనది. భారత్ ఒక బంతికి రెండు పరుగులు చేయాల్సిన సమయంలో అశ్విన్ బ్యాటింగ్కు దిగాడు. చివరి బంతి లెగ్ సైడ్ వైపు వైడ్గా రావడంతో చాలా తెలివిగా దాన్ని వదిలేశాడు. అయితే దీనిపై అశ్విన్ ఫన్నీగా స్పందించాడు.
ఇండియా-పాక్ల మధ్య జరిగిన మ్యాచ్ అనేక మలుపులు తిరిగింది. చివరి 6 బంతుల్లో భారత్ విజయానికి 16 పరుగులు అవసరం కాగా పాకిస్థాన్కు మహ్మద్ నవాజ్ భారీ ప్రదర్శన అవసరం. నవాజ్ నోబాల్ వేయకుంటే పాకిస్థాన్కు అవకాశం ఉంది.
నో-బాల్, తదుపరి ఫ్రీ-హిట్ ఉన్నప్పటికీ, నవాజ్ ఆ ఓవర్ ఐదో బంతికి దినేష్ కార్తీక్ను అవుట్ చేయడం ద్వారా బలమైన పునరాగమనం చేశాడు. అయితే ఆఖరి డెలివరీ ఎలా ఉండాలనే దానిపై అతనికి ఒత్తిడి వచ్చింది. అయితే అశ్విన్ ఆ బంతిని వైడ్కి వదిలివేయడం ద్వారా తన క్రికెటింగ్ మైండ్ను చూపించాడు.
ఈ సంఘటన గురించి బీసీసీఐతో మాట్లాడుతూ అశ్విన్ ఇలా అన్నాడు ‘నవాజ్ బాల్ తిరిగి ప్యాడ్లకు తగిలిదే ఏం చేసి ఉంటారు అని ఎవరో నన్ను అడిగారు. అప్పుడు నేను ట్విట్టర్లో 'నా క్రికెట్ కెరీర్లో నేను గడిపిన అన్ని గొప్ప సమయాలకు ధన్యవాదాలు. ఇది అద్భుతమైన ప్రయాణం (నవ్వుతూ).' అంటూ రిటైర్మెంట్ ప్రకటించేవాడినని చెప్పాడు.
మ్యాచ్ చివరి బంతికి అశ్విన్ సంయమనం పాటించాడు. పరుగుల వేటను విజయవంతంగా పూర్తి చేసేందుకు సింగిల్ కోసం అతను మిడ్-ఆఫ్ ఫీల్డర్ మీదుగా బంతిని కొట్టాడు. ఈ ఆఫ్ స్పిన్నర్ బ్యాట్తో చేసిన ప్రదర్శనకు సోషల్ మీడియాలో పలువురు ప్రశంసలు కురిపిస్తున్నారు. నవాజ్ బాల్ను వైడ్కి వదిలే సమయంలో అశ్విన్ 'దిమాగ్ కే ఊపర్ ఎక్స్ట్రా డిమాగ్' అని విరాట్ కోహ్లీ కూడా చెప్పాడు. ఈ పరిపక్వత కారణంగానే హై ప్రెజర్ మ్యాచ్లో యుజ్వేంద్ర చాహల్ కంటే అశ్విన్కు ప్రాధాన్యతను జట్టు అందించింది.
View this post on Instagram
టాప్ హెడ్ లైన్స్
ట్రెండింగ్ వార్తలు
