CSKలో చేరిన తరువాత Sanju Samson తొలి పోస్ట్ చూశారా.. RRకు సైతం థ్యాంక్స్
ఐపీఎల్ 2026 (IPL 2026)లో సంజు శాంసన్ చెన్నై సూపర్ కింగ్స్ (CSK) తరపున ఆడనున్నాడు. అధికారిక ప్రకటన తర్వాత శాంసన్ స్పందించాడు. రాజస్తాన్ రాయల్స్కు సైతం థ్యాంక్స్ చెప్పాడు.
Sanju Samson In IPL 2026 | ఇండియన్ ప్రీమియర్ లీగ్ (IPL 2026) రాబోయే సీజన్లో భారీ మార్పులు చోటుచేసుకున్నాయి. ఇటీవల వచ్చిన రిపోర్టులు నిజమయ్యాయి. సంజూ శాంసన్ను చెన్నై సూపర్ కింగ్స్ (Chennai Super Kings) తీసుకుంది. MS ధోనితో కలిసి శాంసన్ సీఎస్కేకు ఆడనున్నాడు. BCCI దీనిని అధికారికంగా ప్రకటించింది. రాజస్తాన్ రాయల్స్ నుంచి వెళ్లిపోవాలనుకుంటున్నట్లు కొంతకాలం కిందట శాంసన్ చేసిన ప్రకటనతో సీఎస్కే సహా పలు ఫ్రాంచైజీలు ఈ వికెట్ కీపర్ బ్యాటర్ కోసం ప్రయత్నించినా చివరికి సీఎస్కే అతడ్ని సొంతం చేసుకుంది. బీసీసీఐ అధికారిక ప్రకటన తర్వాత సంజూ శాంసన్ సోషల్ మీడియాలో 2 పోస్టులు పెట్టాడు. మొదటి పోస్ట్ రాజస్థాన్ రాయల్స్ ను వీడటం గురించి, రెండవది చెన్నై సూపర్ కింగ్స్లో చేరడంపై పోస్ట్ చేశాడు.
వేలానికి ముందు ట్రేడ్ డీల్ ద్వారా సంజూ శాంసన్ రాజస్థాన్ రాయల్స్ (RR) నుంచి చెన్నై సూపర్ కింగ్స్లో చేరాడు. CSKలో అతనికి రూ.18 కోట్లు ఆఫర్ చేశారు. ఇది గత సీజన్లో రాజస్థాన్ రాయల్స్లో కూడా అందుకున్న మొత్తం. CSK ప్లేయర్లు రవీంద్ర జడేజాతో పాటు సామ్ కరన్ను రాజస్థాన్ రాయల్స్ తీసుకుంది. సంజూను వదులుకునేందుకు ఇద్దరు ఆటగాళ్లను రాజస్తాన్ కోరిందని ఇటీవల వైరల్ అయింది. ఇదే సీన్ ఇప్పుడు రిపీట్ అయింది.
CSKలో చేరిన తర్వాత సంజూ శాంసన్ రియాక్షన్
రాజస్తాన్ను వీడి సీఎస్కేలో చేరిన తరువాత సంజూ శాంసన్ సోషల్ మీడియాలో ఒక పోస్ట్ పెట్టాడు. అందులో సంజూ శాంసన్ సముద్ర తీరంలో విశ్రాంతి తీసుకుంటున్నాడు. శాంసన్ పసుపు రంగు (CSK జెర్సీ రంగు) బ్యాండ్ చేతికి ధరించాడు. పసుపు రంగు టీషర్ట్ కూడా ధరించాడు. "వణక్కం" అని తొలి పోస్ట్ చేశాడు. తమిళంలో వణక్కం అంటే నమస్తే అని అర్థం.
View this post on Instagram
అంతకుముందు రాజస్థాన్ రాయల్స్ను వీడుతున్నట్లు ఒక పోస్ట్ చేశాడు. "నేను ఇక్కడ కొద్దికాలం మాత్రమే ఉన్నాను. ఈ ఫ్రాంచైజీకి నా వంతు కృషి చేశా. గొప్ప క్రికెట్ను ఆస్వాదించాము. కొన్ని జీవితకాల అనుబుంధాలు ఏర్పడ్డాయి. ఫ్రాంచైజీలోని వారందరినీ మా కుటుంబంగా భావించా. సమయం వచ్చింది, నేను ముందుకు సాగుతున్నాను. ఫ్రాంచైజీలో ఇప్పటివరకూ అన్ని విషయాలకూ ఎల్లప్పుడూ కృతజ్ఞుడను" అని సంజూ శాంసన్ పోస్టులో రాసుకొచ్చాడు.
View this post on Instagram
సంజూ శాంసన్ మూడో IPL జట్టు CSK
సంజూ శాంసన్ తన IPL కెరీర్ను రాజస్థాన్ రాయల్స్తోనే ప్రారంభించాడు. 2013 నుండి 2015 వరకు రాజస్థాన్లోనే ఉన్నాడు. 2016, 2017లో శాంసన్ ఢిల్లీ క్యాపిటల్స్ తరపున ఆడాడు. 2018లో తిరిగి రాజస్థాన్కు వచ్చాడు. IPLలో 177 మ్యాచ్లు ఆడిన సంజూ శాంసన్ 4704 పరుగులు చేశాడు. శాంసన్ IPLలో 3 సెంచరీలు, 26 హాఫ్ సెంచరీలు సాధించాడు. రాజస్తాన్ కెప్టెన్గా సేవలు అందించిన సంజూ శాంసన్ ఇక సీఎస్కే జట్టు పగ్గాలు చేపట్టే అవకాశం ఉంది.
Before You Go
Who Will Replace Virat in AFG ODI Series? | కోహ్లీ స్థానంలో వచ్చేది ఎవరు?
టాప్ హెడ్ లైన్స్
ట్రెండింగ్ వార్తలు
