SA vs IND Siraj Records: ప్రొటీస్ పేరిట చెత్త రికార్డులు, సిరాజ్ పేరిట కొత్త రికార్డులు
SA vs IND 2nd Test News: కేప్టౌన్ వేదికగా సౌతాఫ్రికాతో జరుగుతున్న రెండో టెస్ట్లో టీమిండియా పేసర్ మహ్మద్ సిరాజ్.. కెరీర్లోనే అద్భుత స్పెల్తో సఫారీలకు ముచ్చెమటలు పట్టించాడు.
IND vs SA 2nd Test Live Updates: కేప్టౌన్ వేదికగా సౌతాఫ్రికాతో జరుగుతున్న రెండో టెస్ట్లో దక్షిణాఫ్రికా(South Africa)తో జరుగుతున్న రెండో టెస్టులో మహ్మద్ సిరాజ్(Mohammed Siraj).. కెరీర్లోనే అద్భుత స్పెల్తో సఫారీలకు ముచ్చెమటలు పట్టించాడు. సిరాజ్ మియా నిప్పులు చెరిగే బంతులకు ప్రొటీస్ బౌలర్ల వద్ద సమాధానమే కరువైంది. టాస్ గెలిచి బ్యాటింగ్ ఎంచుకున్న సౌతాఫ్రికాకు తొలి ఇన్నింగ్స్ నాలుగో ఓవర్లోనే సిరాజ్ షాకిచ్చాడు. ఆ జట్టు ఓపెనర్ మాక్రమ్ను 2 పరుగులకే పెవిలియన్ చేర్చాడు. యశస్వి జైస్వాల్కు క్యాచ్ ఇచ్చిన మాక్రమ్ ఔటయ్యాడు. తన తర్వాతి ఓవర్లోనే మరోసారి చెలరేగిన సిరాజ్ సౌతాఫ్రికా కెప్టెన్ ఎల్గర్ను 4 పరుగులకే క్లీన్ బౌల్డ్ చేశాడు. దీంతో సౌతాఫ్రికా జట్టు 8 పరుగులకే ఓపెనర్ల వికెట్లు కోల్పోయింది.
అద్భుతమైన సెషన్ వేసిన సిరాజ్
కాసేపటికే టోనీ డి జోర్జి(2)ని కూడా ఔట్ చేశాడు. ఒకే ఓవర్లో బెడింగ్హామ్ (12), మార్కో జాన్సెన్ (0)ని ఔట్ చేసి సిరాజ్ ఐదు వికెట్లను పూర్తి చేసుకున్నాడు. సిరాజ్ వేసిన తర్వాతి ఓవర్లో వెరినే (15).. స్లిప్లో శుభ్మన్కు చిక్కాడు. దక్షిణాఫ్రికా 18 ఓవర్లకు 45 పరుగులు చేసి ఏడు వికెట్లు కోల్పోయి పీకల్లోతు కష్టాల్లో నిలిచింది. ట్రిస్టన్ స్టబ్స్ను బుమ్రా.. కేశవ్ మహరాజ్ను ముఖేష్కుమార్ అవుట్ చేశారు. దీంతో 50 పరుగులకే సఫారీలు ఎనిమిది వికెట్లు కోల్పోయారు. అనంతరం బుమ్రా, ముఖేష్ చెరో వికెట్ తీయడంతో దక్షిణాఫ్రికా 55 పరుగులకే కుప్పకూలింది. భారత పేసర్ల ధాటికి ప్రొటీస్ 55 పరుగులకే కుప్పకూలడంతో పలు చెత్త రికార్డులను మూటగట్టుకుంది.
సౌతాఫ్రికాకు టెస్ట్ల్లో ఇదే అత్యల్ప స్కోర్
1992లో క్రికెట్లోకి రీఎంట్రీ ఇచ్చాక సౌతాఫ్రికాకు టెస్ట్ల్లో ఇదే అత్యల్ప స్కోర్ కాగా.. టెస్ట్ల్లో భారత్పై ఏ ప్రత్యర్ధికైనా ఇదే అత్యల్ప స్కోర్ కావడం విశేషం. అతి తక్కువ పరుగులు సమర్పించుకుని ఐదు వికెట్ల ఘనత సాధించిన భారత బౌలర్ల జాబితాలో సిరాజ్ నాలుగో స్థానాన్ని (6/15) సాధించాడు. ఈ జాబితాలో బుమ్రా (5/7) టాప్లో ఉండగా.. వెంకటపతి రాజు (6/12), హర్భజన్ సింగ్ (5/13) తర్వాతి స్థానాల్లో నిలిచారు. సౌతాఫ్రికా గడ్డపై అత్యుత్తమ గణాంకాలు నమోదు చేసిన భారత బౌలర్ల జాబితాలో మూడో స్థానంలో నిలిచాడు. ఈ జాబితాలో శార్దూల్ ఠాకూర్ (7/61) టాప్లో ఉండగా.. హర్బజన్ సింగ్ (7/120) ఆతర్వాతి స్థానంలో నిలిచాడు. టెస్ట్ క్రికెట్ చరిత్రలో ఇప్పటివరకు 36 సార్లు మాత్రమే జట్టు 55 అంతకంటే తక్కువ స్కోర్లకు ఆలౌట్ కాగా.. అత్యధిక సందర్బాల్లో ఏడు సార్లు కేప్టౌన్లోనే ఈ చెత్త రికార్డులు నమోదయ్యాయి. కేప్టౌన్ తర్వాత అత్యధికంగా ఆరుసార్లు ఆయా జట్లు 55 అంతకంటే తక్కువ స్కోర్లను లార్డ్స్ మైదానంలో చేశాయి.
సిరాజ్ టెస్ట్ క్రికెట్లో కెరీర్ బెస్ట్ నమోదు చేశాడు. 9 ఓవర్లలో కేవలం 15 పరుగులు ఇచ్చి ఆరు వికెట్లు నేలకూల్చాడు. బుమ్రా రెండు, ముఖేష్ కుమార్ రెండు వికెట్లు తీశారు. టీమిండియా పేసర్ల ధాటికి తొమ్మిది మంది దక్షిణాఫ్రికా బ్యాటర్లు సింగిల్ డిజిట్కే పెవిలియన్ చేరారు. సౌతాఫ్రికా బ్యాటర్లలో అత్యధిక స్కోరు 15 పరుగులే అంటే భారత సీమర్లు ఎంతలా చెలరేగిపోయారో అర్థం చేసుకోవచ్చు. టీమిండియా పేసర్ల దెబ్బకు సఫారీ జట్టు టాప్ 9 మంది బ్యాటర్లు సింగిల్ డిజిట్కే పెవిలియన్కు క్యూ కట్టారు.
Before You Go
Who Will Replace Virat in AFG ODI Series? | కోహ్లీ స్థానంలో వచ్చేది ఎవరు?
టాప్ హెడ్ లైన్స్
ట్రెండింగ్ వార్తలు
