Washington Sunder Fitness Update | వాషింగ్టన్ సుందర్ ఫిట్ నెస్ అప్డేట్
టీ20 వరల్డ్‌కప్‌కు ( T20 World Cup ) ముందు టీమిండియాను గాయాలు వెంటాడుతున్నాయి. ఇప్పటికే తిలక్ వర్మ గాయం కారణంగా న్యూజీలాండ్ తో జరుగుతున్న టీ20 సిరీస్ కు దూరమైయ్యాడు. వాషింగ్టన్ సుందర్ ( Washington Sundar ) కూడా గాయం కారణంగా టీమ్ తో కలవలేదు. టీ20 వరల్డ్‌కప్‌కు ఇంకా కొన్ని రోజులే ఉండటంతో సుందర్ ఫిట్‌నెస్‌పై మేనేజ్‌మెంట్ ఆందోళన వ్యక్తం చేస్తోంది. సుందర్ పూర్తిగా కోలుకోవడానికి ఇంకా రెండు వారాల సమయం అవసరమని వైద్య బృందం స్పష్టం చేసిందని తెలుస్తుంది.
న్యూజిలాండ్‌తో ( India vs New Zealand ODI ) జరిగిన తొలి వన్డేలో బౌలింగ్ చేస్తూ సుందర్ గాయపడ్డాడు. ఆ మ్యాచ్‌లో కేవలం ఐదు ఓవర్లే బౌలింగ్ చేసిన సుందర్ మైదానం విడిచిపెట్టాడు. కానీ బ్యాటింగ్ చేసి అద్భుతంగా రాణించాడు.
బీసీసీఐ వర్గాల సమాచారం ప్రకారం సుందర్ పూర్తిగా ఫిట్ కావాలంటే ఇంకా రెండు వారాల విశ్రాంతి అవసరం. సుందర్ ను టీమ్ లో కొనసాగించాలా లేదా వేరే ప్లేయర్ ను తీసుకోవాలా అన్న నిర్ణయాన్ని టీమ్ మేనేజ్‌మెంట్, కమిటీ కలిసి తీసుకోవాలి. ఒక వేళ సుందర్ కోలుకోలేక పోతే బ్యాకప్ ఆప్షన్‌గా రవి బిష్ణోయ్‌ను ( Ravi Bishnoi ) సిద్ధంగా ఉంచినట్టు తెలుస్తోంది. వరల్డ్‌కప్‌ను దృష్టిలో ఉంచుకుని గాయపడ్డ ప్లేయర్స్ పై అలోచించి నిర్ణయం తీసుకోవాలని భావిస్తుంది బీసీసీఐ. పూర్తిగా ఫిట్ గా ప్లేయర్స్ ఉన్నప్పుడే మైదానంలోకి దింపాలన్నది టీమిండియా ఆలోచనగా తెలుస్తోంది.
టాప్ హెడ్ లైన్స్
ట్రెండింగ్ వార్తలు
