Nat Sciver Brunt Century WPL 2026 | మహిళా ఐపీఎల్లో నాట్ సీవర్ తొలి సెంచరీ!
WPL 2026 టోర్నమెంట్ లో రాయల్ ఛాలెంజర్స్ బెంగళూరుకు ( Royal Challengers Bangalore ) వరుసగా రెండో ఓటమి ఎదురైంది. ముంబై ఇండియన్స్ 15 పరుగుల తేడాతో ఆర్సీబీను ఓడించింది. ఈ మ్యాచ్లో ముంబై ఇండియన్స్ ( Mumbai Indians ) మొదట బ్యాటింగ్ కు దిగి 199 పరుగులు చేసింది. నాట్ సివర్ బ్రంట్ ( Nat Sciver Brunt ) సెంచరీ చేసి అద్భుతంగా రాణించింది.
మహిళల ప్రీమియర్ లీగ్ చరిత్రలో సెంచరీ సాధించిన తొలి బ్యాటర్గా రికార్డు సృష్టించింది. 200 పరుగుల లక్ష్యాన్ని ఛేదించే క్రమంలో బెంగళూరు 184 పరుగులు మాత్రమే చేయడంతో ఓటమి తప్పలేదు.
ముంబై తరపున నాట్ సివర్ బ్రంట్ సునామీ ఇన్నింగ్స్ ఆడింది. కేవలం 57 బంతుల్లో 100 పరుగులు చేసింది. ఈ లీగ్ చరిత్రలో సెంచరీ సాధించిన తొలి బ్యాటర్గా ఆమె నిలిచింది. తన చారిత్రాత్మక ఇన్నింగ్స్లో 16 ఫోర్లు, ఒక సిక్స్ బాదింది. బ్రంట్ తన ఇన్నింగ్స్లో 70 పరుగులు కేవలం బౌండరీల ద్వారానే సాధించింది.
రాయల్ ఛాలెంజర్స్ బెంగళూరు జట్టు కేవలం 35 పరుగులకే సగం వికెట్లు కోల్పోయి కష్టాల్లో పడింది. ఆ సమయంలో, వికెట్ కీపర్ బ్యాట్స్మెన్ రిచా ఘోష్ 50 బంతుల్లో 90 పరుగులతో తుఫాను ఇన్నింగ్స్ ఆడింది. కానీ బెంగళూరు జట్టుకు విజయాన్ని అందించలేకపోయింది.
టాప్ హెడ్ లైన్స్
ట్రెండింగ్ వార్తలు
