IND vs BAN Test: రోహిత్ దూరం- బంగ్లాతో టెస్ట్ సిరీస్ కు కెప్టెన్ గా కేఎల్ రాహుల్
IND vs BAN Test: బంగ్లాదేశ్ తో టెస్ట సిరీస్ కు కేఎల్ రాహుల్ కెప్టెన్ గా ఎంపికయ్యాడు. అలాగే ముందు ప్రకటించిన జట్టులోనూ పలు మార్పులు జరిగాయి.
IND vs BAN Test: భారత్- బంగ్లాదేశ్ మధ్య టెస్ట్ సిరీస్ డిసెంబర్ 14 నుంచి ప్రారంభం కానుంది. ఎడమచేతి వేలి గాయం కారణంగా రెగ్యులర్ కెప్టెన్ రోహిత్ శర్మ ఈ సిరీస్ కు దూరమయ్యాడు. కాబట్టి కేఎల్ రాహుల్ టెస్ట్ లకు సారథ్యం వహించనున్నాడు. అలాగే ముందు ఎంపిక చేసిన జట్టులోనూ స్వల్ప మార్పులు జరిగాయి. ఈ మేరకు బీసీసీఐ ట్విట్టర్ లో ప్రకటించింది.
మొదటి టెస్టు కోసం రోహిత్ స్థానంలో ఇండియా- ఎ ఆటగాడు అభిమన్యు ఈశ్వరన్‌ జట్టులోకి రానున్నాడు. భుజం గాయం నుంచి మహ్మద్‌ షమీ, మెకాలి గాయం నుంచి రవీంద్ర జడేజా పూర్తిస్థాయిలో కోలుకోకపోవడంతో ఈ సిరీస్‌కు దూరమయ్యారు. వారి స్థానంలో నవదీప్‌ సైనీ, సౌరభ్‌ కుమార్‌లను జట్టులోకి ఎంపిక చేశారు. కెరీర్‌లో ఏకైక టెస్టు (2010లో సౌతాఫ్రికా) ఆడిన ఫాస్ట్‌బౌలర్‌ జయదేవ్‌ ఉనద్కత్‌కు కూడా ఈ సిరీస్‌కు కోసం సెలక్టర్ల నుంచి పిలుపొచ్చింది.
మార్పుల అనంతరం బంగ్లాతో టెస్టులకు భారత జట్టు ఇదే
కేఎల్ రాహుల్ (కెప్టెన్), శుభ్‌మన్‌ గిల్, ఛతేశ్వర్‌ పూజారా (వైస్‌ కెప్టెన్), విరాట్‌ కోహ్లీ, శ్రేయస్‌ అయ్యర్‌, రిషభ్‌ పంత్ (వికెట్‌ కీపర్‌), కేఎస్‌ భరత్‌ (వికెట్‌ కీపర్‌), రవిచంద్రన్‌ అశ్విన్‌, అక్షర్‌ పటేల్, కుల్‌దీప్‌ యాదవ్‌, శార్దూల్‌ ఠాకూర్‌, మహ్మద్‌ సిరాజ్‌, ఉమేశ్ యాదవ్‌, అభిమన్యు ఈశ్వరన్‌, నవ్‌దీప్‌ సైని, సౌరభ్‌ కుమార్‌, జయదేవ్‌ ఉనద్కత్‌.
#TeamIndia Test team is here 🏏 #BANvIND pic.twitter.com/65jpP7RoZP
— BCCI (@BCCI) December 12, 2022
టీమిండియాతో జరిగిన మూడు వన్డేల సిరీస్ ను బంగ్లాదేశ్ 2-1 తో గెలిచింది. మొదటి రెండు వన్డేల్లో బంగ్లా విజయం సాధించగా... మూడో మ్యాచులో భారత్ ఘన విజయం అందుకుంది. దీంతో టెస్టు సిరీస్ లో అయినా విజయం సాధించాలనే పట్టుదలతో ఉంది టీమిండియా. మరోవైపు వన్డే సిరీస్ ను గెలుచకున్న బంగ్లా టెస్ట్ సిరీస్ మీద కన్నేసింది.
UPDATE 🚨: Changes to #TeamIndia’s squad for the Test series against Bangladesh.
— BCCI (@BCCI) December 11, 2022
Rohit Sharma ruled out of 1st Test. KL Rahul to lead. Abhimanyu Easwaran named as replacement.
Mohd Shami & Ravindra Jadeja ruled out of Test series. Navdeep Saini and Saurabh Kumar replace them.
The selection committee has also added fast bowler Jaydev Unadkat to India’s squad for the Test series.
— BCCI (@BCCI) December 11, 2022
More details here - https://t.co/LDfGOYmMkz #BANvIND https://t.co/beOdgO2SYX
టాప్ హెడ్ లైన్స్
ట్రెండింగ్ వార్తలు
and tablets
