IND vs AUS Final 2023: ఫైనల్‌లో ఓటమి తర్వాత ఆటగాళ్ల భావోద్వేగం

IND vs AUS Final 2023 Winner: వరల్డ్‌ కప్‌ ఫైనల్‌ మ్యాచ్‌లో ఆస్ట్రేలియా 6 వికెట్ల తేడాతో భారత్ పై విజయం సాధించింది. మ్యాచ్ ముగిశాక రోహిత్ శర్మతోపాటు ఆటగాళ్లు భావోద్వేగంతో కన్నీటి పర్యంతరమయ్యారు.

ఫైనల్‌లో ఓటమి తర్వాత ఆటగాళ్ల భావోద్వేగం

ప్రపంచకప్ 2023లో భారత్‌పై ఆస్ట్రేలియా 6 వికెట్ల తేడాతో ఘన విజయం సాధించింది. ఈ ఓటమితో ప్రపంచంలోనే అతిపెద్ద స్టేడియంలోని ఆటగాళ్లతో పాటు అభిమానులు కన్నీళ్లు ఆపుకోలేకపోయారు. ఈ ఓటమి మైదానంలో ఉన్న లక్ష మందికిపైగా అభిమానులతోపాటు ప్రపంచవ్యాప్తంగా ఉన్న భారతీయుల హృదయాలను కలచివేసింది. టైటిల్ పోరులో తొలుత బ్యాటింగ్ చేసిన టీమిండియా 240 పరుగులు చేసింది. దీంతో ఆస్ట్రేలియా నాలుగు వికెట్లు మాత్రమే కోల్పోయి లక్ష్యాన్ని ఛేదించింది.

కెప్టెన్ రోహిత్ కంట నీరు

మ్యాచ్ ముగిశాక రోహిత్ శర్మ, విరాట్ కోహ్లీ, మహ్మద్ సిరాజ్ కన్నీళ్లు పెట్టుకున్నారు. రోహిత్ శర్మ పెవిలియన్‌కు తిరిగి వస్తుండగా అతని కళ్ల నుంచి నీళ్లు కనిపించాయి. అదే సమయంలో విరాట్ కోహ్లీ, మహ్మద్ సిరాజ్ కూడా చాలా ఎమోషనల్‌ అయినట్టు కనిపించారు.

భావోద్వేగానికి గురైన కోహ్లీ, సిరాజ్

పెవిలియన్‌కు తిరిగి వస్తుండగా మహ్మద్ సిరాజ్ కళ్ల నుంచి కన్నీళ్లు ఆగలేదు. తన టీషర్టు నుంచి కన్నీళ్లు తుడుచుకుంటూ కనిపించాడు. అదే సమయంలో అనుష్క శర్మ, రితిక చాలా ఎమోషనల్ గా కనిపించారు. ఈ మొత్తం ప్రపంచకప్ జర్నీని గమనిస్తే భారత్ అద్భుత ప్రదర్శన చేసింది. ఈ టోర్నీలో ఫైనల్ మినహా టీం ఇండియా ఒక్క మ్యాచ్ కూడా ఓడిపోలేదు. ఈ టోర్నమెంట్లో విరాట్ కోహ్లీ, బౌలర్ మహ్మద్ షమీ టాపర్స్‌గా నిలిచారు.

ప్రపంచకప్ గెలవాలన్న కల నెరవేరలేదు.

ఈ ఓటమితో మూడో ప్రపంచ కప్ గెలవాలన్న భారత్ కల కూడా అసంపూర్తిగా మిగిలిపోయింది. ఈ ఫైనల్లో విజయం సాధించడం ద్వారా ఆస్ట్రేలియా 6 ప్రపంచ కప్ టైటిళ్లను గెలుచుకుంది. ఈ మ్యాచ్‌లో టాస్ గెలిచిన ఆస్ట్రేలియా తొలుత బౌలింగ్ ఎంచుకుంది. టీమ్ఇండియాకు శుభారంభం దక్కలేదు.

శుభ్మన్ గిల్ త్వరగా ఔటైన తర్వాత రోహిత్ శర్మ అద్భుత ఇన్నింగ్స్ ఆడినా తన ఇన్నింగ్స్‌తో పెద్దగా ప్రభావం చూపలేకపోయాడు. ఆస్ట్రేలియాకు భారత్ 241 పరుగుల లక్ష్యాన్ని నిర్దేశించింది. ట్రావిస్ హెడ్, మార్నస్ లబుషేన్ అద్భుత ఇన్నింగ్స్‌తో ఆస్ట్రేలియాను విశ్వవిజేతగా నిలిపారు. 

ఈ మ్యాచ్ ముగిశాక టీమిండియా కెప్టెన్ రోహిత్ శర్మ మాట్లాడుతూ 'ఈ మ్యాచ్ ఫలితం మాకు అనుకూలంగా రాలేదు. మేము చాలా ప్రయత్నించాము, కానీ అది అనుకూలంగా మారలేదు. ఫలితం వేరుగా వచ్చింది."

విరాట్ కోహ్లీ, కేఎల్ రాహుల్‌పై రోహిత్ శర్మ ప్రశంసలు

ఈ సందర్భంగా రోహిత్ శర్మ మాట్లాడుతూ 'కేఎల్ రాహుల్, విరాట్ కోహ్లీ మంచి భాగస్వామ్యం నెలకొల్పారు. 270-280 స్కోర్ కోసం ఎదురు చూస్తున్నా వికెట్లు కోల్పోతూనే ఉన్నాం. స్కోర్‌బోర్డులో 240 పరుగులు ఉన్నప్పుడు వికెట్లు తీయడం చాలా ముఖ్యం.

ఆస్ట్రేలియా బ్యాట్స్ మెన్ పై ప్రశంసలు
రోహిత్ శర్మ మాట్లాడుతూ 'ట్రావిస్ హెడ్, మార్నస్ లబుషేన్ భారీ భాగస్వామ్యం నెలకొల్పి మా నుంచి ఆట లాగేసుకున్నారు. మేము సాధ్యమైనదంతా ప్రయత్నించాము, కానీ ఫ్లడ్‌ లైట్ల కింద బ్యాటింగ్ చేయడం కాస్త సులువుగా మారిందని నేను అనుకుంటున్నాను. ఆ విషయం మాకు తెలుసు, కానీ మేము ఓటమికి సాకులు చెప్పదలుచుకోలేదు. మేము బోర్డుపై తగినంత పరుగులు చేయలేకపోయాము" అని చెప్పాడు, మా ఫాస్ట్ బౌలర్లు మూడు వికెట్లు పడగొట్టారు. మరో వికెట్ తీసి ఉంటే రేసులో ఉంటే వాళ్లం. 

ఆస్ట్రేలియా అద్భుత బౌలింగ్..

ఈ మ్యాచ్లో టాస్ గెలిచిన ఆస్ట్రేలియా తొలుత బ్యాటింగ్ ఎంచుకుంది. ఆసీస్ బౌలర్ల ధాటికి భారత బ్యాట్స్ మెన్ స్కోర్ బోర్డుపై పెద్దగా పరుగులు చేయలేకపోయారు. ఆస్ట్రేలియా జట్టుకు భారత్ కూడా ఆరంభంలోనే షాక్ ఇచ్చినా ట్రావిస్ హెడ్, మార్నస్ లబుషేన్ 192 పరుగుల భాగస్వామ్యంతో ఆసీస్‌కు తిరుగులేని విజయాన్ని కట్టబెట్టారు. 

చివరి మ్యాచ్లో ట్రావిస్ హెడ్ 120 బంతుల్లో 137 పరుగులు చేశాడు. అతను 15 ఫోర్లు, 4 సిక్సర్లు బాదాడు. చివరి మ్యాచ్లో మార్నస్ లబుషేన్ 110 బంతుల్లో 58 పరుగులు చేశాడు. అతను 4 ఫోర్లు కొట్టాడు.