Ind vs Eng Fifth Test: ఐదో టెస్ట్కు ప్లేయింగ్ 11 ప్రకటించిన ఇంగ్లండ్!బెన్ స్టోక్స్, జోఫ్రా ఆర్చర్ సహా నలుగురు ఆటగాళ్ళు అవుట్!
Ind vs Eng Fifth Test: ఐదో టెస్టు కోసం ఇంగ్లాండ్ తన జట్టును ప్రకటించింది. కీలకమైన నలుగురు ఆటగాళ్లను తప్పించింది. భారత్-ఇంగ్లాండ్ మధ్య ఈ చివరి టెస్ట్ 31న ప్రారంభంకానుంది.
India vs England 5th Test: ఇంగ్లండ్ భారత్తో జరిగే ఐదో టెస్ట్ కోసం తమ ప్లేయింగ్ లెవెన్ను ప్రకటించింది. ఆశ్చర్యకరంగా, కెప్టెన్ బెన్ స్టోక్స్ జట్టు నుంచి అవుట్ అయ్యారు. బెన్ స్టోక్స్ స్థానంలో ఓలీ పోప్ ఐదో టెస్ట్లో కెప్టెన్గా వ్యవహరిస్తాడు. ప్లేయింగ్ లెవెన్లో స్టోక్స్ స్థానంలో యువ స్టార్ బ్యాట్స్మన్ జాకబ్ బెథెల్కు అవకాశం లభించింది. స్టోక్స్తోపాటు స్పిన్ ఆల్ రౌండర్ లియామ్ డాసన్ కూడా ఐదో టెస్ట్ నుంచి వైదొలిగాడు.
భారత్, ఇంగ్లండ్ మధ్య ఐదో టెస్ట్ మ్యాచ్ జులై 31 నుంచి ఆగస్టు 4 వరకు లండన్లోని కెన్నింగ్టన్ ఓవల్లో జరుగుతుంది. ఇంగ్లండ్ ఈ టెస్ట్ మ్యాచ్ కోసం నలుగురు ఫాస్ట్ బౌలర్లను తమ ప్లేయింగ్ ఎలెవెన్లో చేర్చింది. ఇంగ్లీష్ జట్టులో ఒక్క స్పిన్నర్ కూడా లేకపోవడం కూడా ఆశ్చర్యకరం. అదే సమయంలో, భారత జట్టు ఈ మ్యాచ్లో ముగ్గురు స్పిన్నర్లతో బరిలోకి దిగే అవకాశం ఉంది.
జోఫ్రా ఆర్చర్ కూడా ఐదో టెస్ట్ నుంచి అవుట్
ఇంగ్లండ్ డేంజరస్ ఫాస్ట్ బౌలర్ జోఫ్రా ఆర్చర్ కూడా ఐదో టెస్ట్ నుంచి దూరమయ్యాడు. అతని స్థానంలో యువ ఫాస్ట్ బౌలర్ జోష్ టంగ్ ప్లేయింగ్ ఎలెవెన్లో చేరాడు. మొత్తం నలుగురు ఆటగాళ్లను ఐదో టెస్ట్ నుంచి తొలగించారు. ఇందులో ఫాస్ట్ బౌలర్ జోఫ్రా ఆర్చర్, బ్రైడన్ కార్స్, కెప్టెన్ బెన్ స్టోక్స్, స్పిన్ ఆల్ రౌండర్ జోఫ్రా ఆర్చర్ ఉన్నారు. వీరందరి స్థానంలో జాకబ్ బెథెల్, గస్ అట్కిన్సన్, జేమీ ఓవర్టన్, జోష్ టంగ్ ప్లేయింగ్ ఎలెవెన్లో చేరారు.
ఐదో టెస్ట్ కోసం ఇంగ్లండ్ ప్లేయింగ్ ఎలెవన్- జాక్ క్రాలీ, బెన్ డకెట్, ఓలీ పోప్ (కెప్టెన్), జో రూట్, హ్యారీ బ్రూక్, జాకబ్ బెథెల్, జేమీ స్మిత్ (వికెట్ కీపర్), క్రిస్ వోక్స్, గస్ అట్కిన్సన్, జేమీ ఓవర్టన్, జోష్ టంగ్.
సిరీస్లో 2-1తో ఇంగ్లండ్ ఆధిక్యంలో ఉంది
భారత్, ఇంగ్లండ్ మధ్య టెస్ట్ సిరీస్లో చివరిదైన ఐదో టెస్ట్ మ్యాచ్ లండన్లోని కెన్నింగ్టన్ ఓవల్లో జూలై 31న ప్రారంభమై ఆగస్టు 4 వరకు జరుగుతుంది. ఆతిథ్య ఇంగ్లండ్ సిరీస్లో 2-1తో ఆధిక్యంలో ఉంది. సిరీస్ను కోల్పోకుండా ఉండాలంటే టీమ్ ఇండియా ఈ మ్యాచ్లో తప్పనిసరిగా గెలవాలి, ఒకవేళ ఈ టెస్ట్ డ్రాగా ముగిసినా సిరీస్ ఇంగ్లీష్ జట్టుకే దక్కుతుంది.
5వ టెస్ట్ కోసం ఇంగ్లాండ్ ఆడే XI: జాక్ క్రాలే, బెన్ డకెట్, ఒల్లీ పోప్ (కెప్టెన్),జో రూట్, హ్యారీ బ్రూక్, జాకబ్ బెథెల్, జామీ స్మిత్ (వికెట్ కీపర్), క్రిస్ వోక్స్, గస్ అట్కిన్సన్, జామీ ఓవర్టన్, జోష్ టంగ్
రిస్క్ చాలా ఎక్కువగా ఉంది: స్టోక్స్
"నిరాశగానే ఉంది. బ్యాటింగ్లో సహాయ పడటానికి మార్గాలు అన్వేషించేందుకు ఇక్కడికి వచ్చాను. వైద్య బృందంతో చర్చల తర్వాత, ఈ నిర్ణయం తీసుకున్నారు. రిస్క్ చాలా ఎక్కువగా ఉంది. నా స్థానంలో మరెవరూ కూడా ఇలా రిస్క్ చేస్తారని నేను ఊహించలేదు," అని స్టోక్స్ ఓవల్లో విలేకరులతో అన్నారు.
టాప్ హెడ్ లైన్స్
ట్రెండింగ్ వార్తలు
