![ABP Premium](https://cdn.abplive.com/imagebank/Premium-ad-Icon.png)
Karthika Masam 2022: కార్తీకమాసం ఎప్పటి నుంచి ప్రారంభం, క్షీరాబ్ది ద్వాదశి - పౌర్ణమి సహా ముఖ్యమైన రోజులివే!
Karthika Masam 2022: శివకేశవులకు ప్రీతికరమైన కార్తీకమాసం ఎప్పుడు ప్రారంభమవుతుంది...కార్తీకమాసంలో ముఖ్యమైన రోజులేంటో చూద్దాం..
![Karthika Masam 2022: కార్తీకమాసం ఎప్పటి నుంచి ప్రారంభం, క్షీరాబ్ది ద్వాదశి - పౌర్ణమి సహా ముఖ్యమైన రోజులివే! Karthika Masam 2022: Start , End Dates with important Festivals in month of Kartika, know in details Karthika Masam 2022: కార్తీకమాసం ఎప్పటి నుంచి ప్రారంభం, క్షీరాబ్ది ద్వాదశి - పౌర్ణమి సహా ముఖ్యమైన రోజులివే!](https://feeds.abplive.com/onecms/images/uploaded-images/2022/10/19/864f87cd7846ab6c342189dcf1cbc0bf1666159219947217_original.jpg?impolicy=abp_cdn&imwidth=1200&height=675)
Karthika Masam 2022: ఏటా దీపావళి మర్నాడే కార్తీకమాసం ప్రారంభమవుతుంది..ఈ ఏడాది అమావాస్య తగులు మిగులు రావడంతో అక్టోబరు 24 సోమవారం రోజే నరకచతుర్ధశి, దీపావళి జరుపుకుంటున్నారు. అక్టోబరు 25 మంగళవారం సూర్య గ్రహణం రావడంతో పాటూ అమావాస్య ఘడియలు సూర్యాస్తమయ సమయానికి లేవు. అయితే సాధారణంగా దీపావళి పండుగ చేసుకున్న రాత్రి తెల్లవారినప్పటి నుంచీ కార్తీకమాసం ప్రారంభం అవుతుంటుంది. కానీ ఈ ఏడాది దీపావళి మర్నాడు కాకుండా రెండో రోజు నుంచి కార్తీకమాసం మొదలవుతోంది. సూర్యోదయానికి పాడ్యమి ఉన్న తిథే నెల ప్రారంభానికి సూచన. ఎందుకంటే కార్తీక స్నానాలు చేసేది బ్రహ్మమూహూర్తంలోనే కదా..అందుకే దీపావళి మర్నాడు అంటే మంగళవారం సూర్యోదయానికి అమావాస్య ఉంది...మంగళవారం సాయంత్రం సూర్యస్తమయ సమయంలో మొదలైంది పాడ్యమి తిథి. అందుకే అక్టోబరు 26 బుధవారం నుంచి కార్తీకమాసం మొదలవుతుంది...
“న కార్తీక నమో మాసః న దేవం కేశవాత్పరం! నచవేద సమం శాస్త్రం న తీర్థం గంగాయాస్థమమ్” అని స్కంద పురాణంలో చెప్పారు. అంటే.. “కార్తీక మాసానికి సమానమైన మాసము లేదు. శ్రీ మహావిష్ణువుకు సమానమైన దేవుడు లేడు. వేదముతో సమానమైన శాస్త్రము లేదు గంగతో సమానమైన తీర్థము లేదు.” అని అర్ధం. కార్తీకమాసం శివ,కేశవులిద్దరికీ అత్యంత ప్రీతికరమైన మాసం ఈ ఏడాది అక్టోబరు 26 నుంచి నవంబరు 23 వరకూ
Also Read: దీపావళికి లక్ష్మీ పూజలో ఫాలో అవ్వాల్సిన 10 ప్రత్యేక విషయాలు
అక్టోబరు 26 బుధవారం కార్తీకమాసం ప్రారంభం పాడ్యమి
అక్టోబరు 27 గురువారం యమవిదియ - భగినీహస్త భోజనం
అక్టోబరు 29 శనివారం నాగుల చవితి
అక్టోబరు 31 కార్తీకమాసం మొదటి సోమవారం
నవంబరు 1 మంగళవారం కార్తావీర్యజయంతి
నవంబరు 3 గురువారం యాజ్ఞవల్క జయంతి
నవంబరు 4 శుక్రవారం మతత్రయ ఏకాదశి
నవంబరు 5 శనివారం క్షీరాబ్ది ద్వాదశి
నవంబరు 6 ఆదివారం వైకుంఠ చతుర్థశి
నవంబరు 7 సోమవారం - కార్తీకమాసం రెండో సోమవారం, జ్వాలా తోరణం
నవంబరు 8 మంగళవారం - కార్తీకపూర్ణిమ ( చంద్రగ్రహణం)
నవంబరు 11 శుక్రవారం - సంకటహర చతుర్థి
నవంబరు 14 కార్తీకమాసం మూడో సోమవారం
నవంబరు 20 ఆదివారం మతత్రయ ఏకాదశి
నవంబరు 22 మంగళవారం మాస శివరాత్రి ( కార్తీకమాసం ఆఖరి రోజు)
నవంబరు 24 గురువారం పోలిస్వర్గం
Also Read: దీపావళికి ఈ చీపురు కొంటే సిరిసంపదలని ఎందుకు చెబుతారంటే!
కార్తీకమాసం నెలరోజులూ అత్యంత నియమనిష్టలతో ఉంటారు. కార్తీమాసం నియమాలు పాటించేవారు కేవలం శాఖాహారం మాత్రమే తీసుకుంటారు. చలిగాలులు పెరుగుతాయి కాబట్టి ఈ నెలలో పేదలకు, అనాధలకు స్వెటర్లు, దుప్పట్లు, కంబళ్ళు దానం చేస్తే శివ కేశవవుల అనుగ్రహం లభిస్తుందని చెబుతారు. దానధర్మాలు గోప్యంగా చేసినవాటికి ఎక్కువ ఫలితాలు ఉంటాయన్నది గుర్తుంచుకోవాలంటారు పండితులు.
కార్తీకమాసంలో చేయకూడనివి
- లైంగిక వాంఛలు పెంచే ఉల్లి, వెల్లుల్లి, మధ్యం, మాంసం ముట్టుకోరాదు
- ఎప్పుడూ ఎవ్వరికీ ద్రోహం చేయకూడదు..కనీసం ఓ నియమంలా పాటిస్తూ ఈ నెలరోజులైనా పాపపు ఆలోచనలు మానేయాలి
- విశ్వాసం ఉంటే దేవుడిని పూజించండి లేదంటే మానేయండి... దైవదూషణ మాత్రం చేయకండి
- దీపారాధనలకు తప్ప నువ్వుల నూనె ఇతరత్రా అవసరాలకు ఉపయోగించకండి
- మినుములు తినకూడదు, నలుగుపెట్టుకుని స్నానం చేయకూడదు
- కార్తీక వ్రతం పాటించేవారు ఆ వ్రతం చేయని వారి చేతి వంట తినకూడదు
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)