Gayatri Mantra: గాయత్రి మంత్రం ఎందుకంత పవర్ ఫుల్

గాయత్రీ మంత్రం జపిస్తే చాలా మంచిది అని చెబుతారు. ఈ మంత్రం చాలా పవర్ ఫుల్ అంటారు. ఇంతకీ గాయత్రి మంత్రం ఎందుకంత పవర్ ఫుల్..అందులో ప్రతి అక్షరం వెనుకున్న పరమార్థం ఏంటి...

By: ABP Desam | Updated at : 25 Mar 2022 11:10 AM (IST)

Edited By: RamaLakshmibai

Gayatri Mantra: Meaning and significance of gayatri mantra, why it is so powerful

Spirituality

గాయత్రి మంత్రం
ఓం భూర్భువః సువః తత్ సవితుర్వ రేణ్యం
భర్గో దేవస్య ధీమహి ధియో యోనః ప్రచోదయాత్"

ఇందులోని ప్రతి బీజాక్షరం మహిమాన్వితమైంది. ఈ మంత్రాన్ని జపిస్తే సకల దేవతలను ప్రార్థించినట్లేనని రుగ్వేదంలో పేర్కొన్నారు. ఈ మంత్రాన్ని ఒక నిర్దిష్టమైన పద్దతిలో జపించినా, విన్నా తద్వారా వెలువడే ధ్వని తరంగాలు మనసుని,శరీరాన్ని ఉల్లాసపరిచి, తేజోవంతం చేస్తాయి. దీన్ని ప్రయోగాత్మకంగా నిరూపించేందుకు చాలామంది ప్రయత్నించి నిజమే అని అంగీకరించారు కూడా.

ఈ మంత్రం జపించడం వల్ల మెదడులో ఒక రకమైన ఆనందం, అనుకూల ఆలోచనలు, ఆత్మవిశ్వాసం స్థాయి కూడా పెరుగుతాయని తేల్చారు
గాయత్రి మంత్రాన్ని జపించే వారి మెదడులో నిరంతరం ప్రకంపనలను కొనసాగుతున్న అనుభవం పొందుతారు
నిత్యం ఈ మంత్రం స్మరిస్తే ఏ పని తలపెట్టినా విజయం సొంతం చేసుకుంటారని పురాణాల్లో పేర్కొన్నారు
గాయత్రి మంత్రాన్ని లయబద్ధంగా జపించే వారి తల చుట్టూ దాదాపు లక్ష శక్తి తరంగాలు ఉద్భవిస్తాయి
గాయత్రి మంత్రోపాసన ఒక వ్యక్తిని తెలివైనవాడిగా, ధైర్యవంతుడిగా చేసి శక్తి సామర్థ్యాలు నింపుతుంది
నాలుక ఉచ్ఛారణ ద్వార కంఠం, అంగుటి, కొండనాలుక, పెదవులు, దంతాలు ఇలా నోటిలో విభిన్న అంగాలను ప్రభావితం చేస్తి.. అక్కడి నుంచి నవనాడుల ద్వారా శరీరం మొత్తం వ్యాపిస్తుంది. అలా శరీరంలో ఉన్న ఏడు చక్రాలపైనా ఈ ప్రభావం పడి ఆ చక్రాలు ఉత్తేజితమవుతాయి.

Also Read: అఖండ సినిమాలో బాలయ్య చెప్పిన చక్రాలు విన్నారు కదా-అవేంటో తెలుసా

గాయత్రీ మంత్రం జపిస్తే శరీరంలో జాగృతం అయ్యే గ్రంధులివే

ఓం- శిరస్సు పైన సుమారు ఆరు అంగుళములు
భూ:- కుడి కన్ను పైన 4 అంగుళములు.
భువః -మూడవ నేత్రము పైన 3 అంగుళములు
స్వ: - ఎడమ కన్ను పైన 4 అంగుళములు

అక్షరం - గ్రంధి పేరు - శక్తి -శరీరంలోని కేంద్రం

1. తత్ - తాపీని - సఫలత - ఆజ్ఞాచక్రము
2. స - సఫలత - పరాక్రమము - ఎడమకన్ను
3. వి - విశ్వ - పాలన - కుడికన్ను
4. తు: - తుష్టి - మంగళకరము - ఎడమ చెవి
5 వ - వరద - యోగము - కుడిచెవి
6. రే - రేవతి - ప్రేమ - నాసికా
7. ణి - సూక్ష్మ - ఘనము - పై పెదవి
8. యం - జ్ఞాన - తేజము - క్రింది పెదవి
9. భర్ - భర్త - రక్షణ - కంఠము
10 గో - గోమతి - బుద్ధి కంఠ కూపము
11. దే - దేవిక - దఘనము - ఎడమ ఛాతి
12. వ - వరాహి - నిష్ఠ - కుడిఛాతీ
13. స్య - సింహని - ధారణ - ఉదరము పైన చివరి
14. ధీ - ధ్యాన - ప్రాణ - కాలేయము
15. మ - మర్యా ద - సంయమము - ప్లీహ్యము
16. హి - మూలము - స్పుట - తపము - నాభి
17. ది - మేధ - రూరదర్శిత - వెన్నుపూస చివరి భాగము
18. యో - యోగమాయ - జాగృతి - ఎడమ భుజము
19. యో - యోగిని - ఉత్పాదన - కుడి భుజము
20. నః - ధారిణీ - సరసత - కుడి మోచేయి
21. ప్ర - పభవ - ఆదర్శము - ఎడమ మోచేయి ఆగ్ర భాగం
22. చో - ఉష్మ - సాహసము - కుడి మణికట్టు
23. ద - దృశ్య - వివేకము - కుడి అర చేయి అగ్రభాగం
24. యాత్ - నిరంజన - సేవ - ఎడమ అరచేయి

గాయత్రీ మంత్రం జపిస్తే శరీరంలో ఉన్న ఈ 24 గ్రంథుల్లో స్పందన ఉంటుంది.ఈ 24 అక్షరాలతో పాటు 24 దేవతమూర్తుల శక్తి అంతర్హితమై ఉంటుందని చెబుతారు. ఈ మంత్రాన్ని త్రికరణ శుద్ధిగా జపించటం వలన ఆ ఇరవైనాలుగు దేవతల ఆశీస్సులు, శక్తి చేకూరుతాయని మన పురాణ గ్రంథాలు చెబుతున్నాయి.

Also Read: శరీరంలో ఏడు చక్రాలకి - తిరుమల ఏడుకొండలకి ఏంటి సంబంధం