News
News
X

Why Pavan boycott : మోదీ వచ్చినా జనసేనాని ఎందుకెళ్లలేదు ? బీజేపీతో అంత గ్యాప్ పెరిగిందా ?

మోదీ సభకు పవన్ కల్యాణ్‌కు ఆహ్వానం ఉన్నా వెళ్లకపోవడంపై ఏపీ రాజకీయవర్గాల్లో విస్తృత చర్చ జరుగుతోంది. బీజేపీతో గ్యాప్ పెరిగిందని భావిస్తున్నారు.

FOLLOW US: 

Why Pavan boycott :   జనసేన అధినేత పవన్ కల్యాణ్ భీమవరంలో కనిపించలేదు. సాక్షాత్తూ ప్రధానమంత్రి పాల్గొంటున్న సభకే హాజరు కాలేదు. కేంద్రమంత్రి కిషన్ రెడ్డి స్వయంగా ఫోన్ చేసి ఆహ్వానించారని పవన్ కల్యాణ్ స్వయంగా ప్రకటించారు. అంటే ఆహ్వానం అందలేనందున రాలేదన్న మాట కూడా వాస్తవం కాదు. సాధారణంగా ప్రధాని పాల్గొనే కార్యక్రమం అంటే.. ఎలాంటి పరిస్థితుల్లోనైనా హాజరవుతారు.పైగా మిత్రపక్షం కావడంతో పవన్ ఖచ్చితంగా హాజరవుతారని అనుకున్నారు . కానీ ఆయన వెళ్లకపోవడంతో రాజకీయ కారణాలు ఏమైనా ఉన్నాయా అన్న చర్చ ప్రారంభమయింది.

రాజకీయాలకు అతీతంగా అల్లూరి విగ్రహావిష్కరణ కార్యక్రమం !

అల్లూరి సీతారామరాజు విగ్రహావిష్కరణ కార్యక్రమం పార్టీలకు అతీతంగా జరిగింది. అన్ని పార్టీల నేతలను ఆహ్వానించారు. పవన్ కల్యాణ్‌ను కూడా ఆహ్వానించారు. రాష్ట్ర బీజేపీ నేతలతో తనకు పెద్దగా సంబంధాలు లేవు కానీ ఢిల్లీ బీజేపీ నేతలతో మాత్రం సాన్నిహిత్యం ఉందని పవన్ పలు సందర్భాల్లో ప్రకటించారు. ప్రధానమంత్రిని కలిసేందుకు గతంలో కొన్ని సార్లు పవన్ ప్రయత్నించినా సఫలం కాలేదు. ఇప్పుడు నేరుగా ప్రధాని కార్యక్రమానికి పిలుపు వచ్చినా పవన్ వెళ్లలేదు. దీంతో పవన్ చెప్పిన ఆ సాన్నిహిత్యంగా గ్యాప్‌గా మారిందా అన్న భావన ఏర్పడింది.

మొక్కుబడిగా పిలిచారన్న భావనలో జనసేనాని !

బీజేపీతో మిత్రపక్షంగా ఉన్నప్పటికీ.. తనను మొక్కుబడిగా పిలిచారన్న భావన పవన్ కల్యాణ్‌లో ఉందని జనసేన వర్గాలు చెబుతున్నాయి.  చిరంజీవిని కూడా ఆహ్వనించిన తర్వాత కార్యక్రమం రెండు రోజుల ముందు ఆహ్వానించారని .. అన్ని వైపుల నుంచి పవన్ కల్యాణ్‌ను నిర్లక్ష్యం చేస్తున్నారన్న విమర్శలు వచ్చిన తర్వాతనే స్పందించారని జనసేన వర్గాలు చెబుతున్నాయి. అక్కడకు వెళ్తే తనకు అవమానం జరుగుతుందని ఆయన ఫీలయ్యారని.. అందుకే వెళ్లలేదని అంటున్నారు. నిజానికి విగ్రహావిష్కరణ కార్యక్రమంలో ఇతర పార్టీల నేతలను  ఆహ్వానించారు కానీ దానికి తగ్గట్లుగా వారికి ప్రాధాన్యం కూడా లభించలేదు. దీంతో చాలా మంది అవమానం జరిగినట్లుగా ఫీలయ్యారు. పవన్ వెళ్లినా అదే పరిస్థితి ఉండేదని ముందే తెలిసి ఆగిపోయారంటున్నారు. 

బీజేపీతో పెరిగిన గ్యాపే కారణమా ?

జనసేనపార్టీలో నెంబర్ టు గా నాదెండ్ల మనోహర్ ఉన్నారు. ఆయనను అయినా పార్టీ ప్రతినిధిగా పవన్ పంపి ఉండాల్సిందన్న అభిప్రాయం వినిపిస్తోంది. కానీ వెళ్లకపోవడంతో ఇప్పుడు బీజేపీ విషయంలో పవన్ కల్యాణ్ అసంతృప్తిగా ఉన్నారని అందుక ఎవాయిడ్ చేశారని రాజకీయవర్గాలు వినిపిస్తున్నాయి. ప్రస్తుతం బీజేపీతో పొత్తు గురించి పవన్ పెద్దగా మాట్లాడటం లేదు. ఇప్పుడు మోదీ ఏపీకి వచ్చినా ఆయనను కలిసే అవకాశం లభించినా.. వెనక్కి తగ్గడంతో చర్చ ప్రారంభమయింది.  

Published at : 04 Jul 2022 02:36 PM (IST) Tags: pawan kalyan janasena AP BJP Modi's visit to AP

సంబంధిత కథనాలు

BJP Politics: అటు ఈటల, ఇటు బండి - కరీంనగర్‌లో బీజేపీ వ్యూహం ఫలించేనా?

BJP Politics: అటు ఈటల, ఇటు బండి - కరీంనగర్‌లో బీజేపీ వ్యూహం ఫలించేనా?

Khammam Politics: ఖమ్మంలో మళ్లీ మొదలైన హత్యా రాజకీయాలు - తెల్దారుపల్లి ఎందుకంత కీలకం !

Khammam Politics: ఖమ్మంలో మళ్లీ మొదలైన హత్యా రాజకీయాలు - తెల్దారుపల్లి ఎందుకంత కీలకం !

Pawan Kalyan: పదవులపై పవన్‌ కల్యాణ్‌ కీలక వ్యాఖ్యలు, 2009లోనే ఎంపీ అయ్యేవాడినన్న జనసేనాని

Pawan Kalyan: పదవులపై పవన్‌ కల్యాణ్‌ కీలక వ్యాఖ్యలు, 2009లోనే ఎంపీ అయ్యేవాడినన్న జనసేనాని

Vijayawada TDP MP : బెజవాడ బరిలో నిలిచేదెవరు? టీడీపీ ఎంపీ అభ్యర్థిగా కొత్త పేరు!

Vijayawada TDP MP : బెజవాడ బరిలో నిలిచేదెవరు? టీడీపీ ఎంపీ అభ్యర్థిగా కొత్త పేరు!

KTR On MODI : పథకాలన్నీ రద్దు చేసి ఎన్నికలకు వెళ్తారా ? - ప్రధాని మోదీకి కేటీఆర్ సవాల్ !

KTR On MODI :  పథకాలన్నీ రద్దు చేసి ఎన్నికలకు వెళ్తారా ? - ప్రధాని మోదీకి కేటీఆర్ సవాల్ !

టాప్ స్టోరీస్

Rakesh Jhunjhunwala: మరణించాక, తొలి ట్రేడింగ్‌ సెషన్లో ఝున్‌ఝున్‌వాలా షేర్లు ఎలా ఉన్నాయంటే?

Rakesh Jhunjhunwala: మరణించాక, తొలి ట్రేడింగ్‌ సెషన్లో ఝున్‌ఝున్‌వాలా షేర్లు ఎలా ఉన్నాయంటే?

Raghavendra Rao: పిచ్చి పిచ్చిగా ఉందా? సుధీర్ అభిమానులపై రాఘవేంద్రరావు ఆగ్రహం

Raghavendra Rao: పిచ్చి పిచ్చిగా ఉందా? సుధీర్ అభిమానులపై రాఘవేంద్రరావు ఆగ్రహం

Vemulawada: ధర్మగుండం తెరవండయ్యా! రాజన్న భక్తుల వేడుకోలు - కొవిడ్ తర్వాత పట్టించుకోకుండా

Vemulawada: ధర్మగుండం తెరవండయ్యా! రాజన్న భక్తుల వేడుకోలు - కొవిడ్ తర్వాత పట్టించుకోకుండా

Araku Train: పర్యాటకులకు పంద్రాగస్టు కానుక, అరకు రైలుకు నాలుగో గాజు బోగి!

Araku Train: పర్యాటకులకు పంద్రాగస్టు కానుక, అరకు రైలుకు నాలుగో గాజు బోగి!